NAXÇIVAN :

31 Yanvar 2025, Cümə

3 saylı Babək-Şahbuz-Kəngərli seçki dairəsi üzrə məntəqələrdə seçki şəffaflıqla davam edir

...

Bələdiyyə seçkiləri 3 saylı Babək-Şahbuz-Kəngərli seçki dairəsində də öz mütəşəkkilliyi ilə yadda qaldı. Məlumat üçün qeyd edək ki, 3 saylı Babək-Şahbuz-Kəngərli seçki dairəsində fəaliyyətdə olan 64 seçki məntəqəsinin 59-u daimi fəaliyyət göstərir. 5 seçki məntəqəsi isə seçki gününə beş gün qalmış yaradılan seçki məntəqələridir. Daimi fəaliyyət göstərən məntəqələrin 25-i Şahbuz, 5-i Kəngərli, 29-u isə Babək rayonundadır. Dairə üzrə 47 095 nəfər seçicinin 16 779-u Şahbuz, 24 454-ü Babək, 5862-si isə Kəngərli rayonunda olan seçki məntəqələrində qeydə alınıb. Şahbuz rayonunda yaşı 97 olan 2 nəfər yaşlı seçici bu prosesdə iştirak edib. Seçki günü Babək şəhərindəki məktəbdə yerləşən 3-1, mədəniyyət sarayında yaradılmış 3-2 saylı seçki məntəqələrində olduq. Səsvermənin mütəşəkkil keçirildiyini müşahidə etdik. 
3 saylı Babək-Şahbuz-Kəngərli seçki dairəsinin 3-3 saylı seçki məntəqəsi üzrə 1179 seçici qeydiyyata alınıb ki, onlardan 1-i ilk dəfə öz seçki hüququndan istifadə edib. Məlumat üçün bildirək ki, bu məntəqə də daxil olmaqla seçki dairəsi üzrə, ümumilikdə, 7 veb-kamera quraşdırılıb. Babək rayonunun ərazisində olan 3-14 və 3-20 saylı seçki məntəqələrində də seçkilərə hazırlıq Seçki Məcəlləsinə uyğun aparılıb.
Dairənin 3-7 saylı seçki məntəqəsində də olduq. Bu məntəqədə 1241 seçici qeydiyyata alınıb və onlardan 2-si ilk dəfə seçkilərdə iştirak edib.
3 saylı Babək-Kəngərli-Naxçıvan dairə seçki komissiyasının sədri Taməddin Hüseynov məlumat verdi ki, dairənin dislokasiyasına daxil olan məntəqə seçki komissiyalarının sədr, katib və üzvləri arasında seçkiqabağı maarifləndirmə işləri aparılıb. Həmin məntəqələrdə seçkilərin uğurla keçirilməsi üçün hərtərəfli şərait yaradılıb.

Nəşr edilib : 29.01.2025 17:07