Naxçıvanda Tünzalə Ağayeva rüzgarı əsir
21:24 05.04.2025
0
0
0
2025-ci ilin yanvar ayında Naxçıvan Muxtar Respublikasının sosial-iqtisadi inkişafı
2025-ci ilin yanvar ayında muxtar respublikada ümumi daxili məhsul istehsalı 105 milyon 857 min 700 manat olmuşdur ki, bu da 2024-cü ilin müvafiq dövrü ilə müqayisədə 2,2 faiz çoxdur. Bu dövr ərzində əhalinin hər nəfərinə düşən ümumi daxili məhsul istehsalı 1,7 faiz artaraq 224,8 manat olmuşdur.
***
Cari ilin yanvar ayında muxtar respublikada 37 milyon 797 min 400 manatlıq sənaye məhsulu istehsal edilmişdir ki, bu da 2024-cü ilin müvafiq dövründəki göstəricidən 4,5 faiz çoxdur. Sənaye məhsulunun 29 milyon 62 min 600 manatı və ya 76,9 faizi malların, 8 milyon 734 min 800 manatı və ya 23,1 faizi isə xidmətlərin payına düşmüşdür.
Sənaye məhsulunun 0,2 faizi mədənçıxarma, 73,2 faizi emal, 25,7 faizi elektrik enerjisi, qaz və buxar istehsalı, bölüşdürülməsi və təchizatı, 0,9 faizi isə su təchizatı, tullantıların təmizlənməsi və emalı sektorlarında istehsal olunmuşdur.
***
2025-ci ilin yanvar ayında iqtisadiyyatın və sosial sahələrin inkişafı üçün bütün maliyyə mənbələrindən əsas kapitala 1 milyon 489 min 700 manat vəsait yönəldilmişdir ki, bu da bir il öncəki göstəricidən 27,6 faiz azdır.
İstifadə olunmuş vəsaitin 32 min 600 manatı və ya 2,2 faizi məhsul istehsalı sahələrinə, 1 milyon 367 min 100 manatı və ya 91,8 faizi xidmət sahələrinə, 90 min manatı və ya 6,0 faizi isə yaşayış evlərinin tikintisinə sərf olunmuşdur.
Əsas kapitala vəsait qoyuluşunun 574 min 100 manatı və ya 38,5 faizi tikinti-quraşdırma işlərinin payına düşmüşdür ki, bu da 2024-cü ilin müvafiq dövrü ilə müqayisədə 24,8 faiz azdır.
***
Cari ilin yanvar ayında muxtar respublikada 9 milyon 101 min 600 manatlıq kənd təsərrüfatı məhsulu istehsal olunmuşdur ki, bunun da 39 min 900 manatı bitkiçilik sahəsi üzrə, 9 milyon 61 min 700 manatı isə heyvandarlıq sahəsi üzrə olmuşdur. 2024-cü illin müvafiq dövrü ilə müqayisədə kənd təsərrüfatının ümumi məhsulu 4,4 faiz azalmışdır.
***
2025-ci ilin yanvar ayında muxtar respublikada nəqliyyat sektorunda 492 min 400 ton yük, 3 milyon 510 min 700 sərnişin daşınmışdır. 2024-cü ilin müvafiq dövrü ilə müqayisədə yük daşınması 1,1 faiz, sərnişin daşınması isə 0,8 faiz artmışdır.
***
Cari ilin yanvar ayında informasiya və rabitə xidmətlərinin dəyəri əvvəlki illə müqayisədə 13,5 faiz artaraq 3 milyon 143 min 200 manat olmuşdur. Xidmətlərin 46,9 faizi mobil telefon rabitəsi sahəsində formalaşmışdır.
***
2025-ci ilin yanvar ayında muxtar respublikada pərakəndə ticarət dövriyyəsi 111 milyon 631 min 700 manat təşkil etmişdir ki, bu da ötən ilin müvafiq dövrü ilə müqayisədə 3,6 faiz çoxdur. Ticarət şəbəkəsində 57 milyon 267 min 100 manatlıq qida məhsulları, içkilər və tütün məmulatları, 54 milyon 364 min 600 manatlıq qeyri-qida məhsulları satılmışdır.
***
2024-cü ildə muxtar respublikada fəaliyyət göstərən bank və bank olmayan kredit təşkilatları tərəfindən təsərrüfat subyektlərinə 410 milyon 27 min 900 manat məbləğində kredit verilmişdir ki, bu da bir il öncəki göstəricidən 8,5 faiz çoxdur. Verilmiş kreditlərin 36 milyon 59 min 800 manatı və yaxud 8,8 faizi qısamüddətli, 373 milyon 968 min 100 manatı və yaxud 91,2 faizi uzunmüddətli kreditlər olmuşdur.
***
Naxçıvan Muxtar Respublikası üzrə əhalinin banklardakı əmanətlərinin məbləği bir il öncəyə nisbətən 51,6 faiz artaraq 2025-ci il yanvar ayının 1-nə milli valyuta ekvivalentində 25 milyon 500 min 100 manat təşkil etmişdir. Əmanətlərin 94,4 faizi milli, 5,6 faizi xarici valyutada qoyulmuş, milli valyutada olan əmanətlərin məbləği əvvəlki ilin müvafiq dövrü ilə müqayisədə 51,5 faiz, xarici valyutada qoyulmuş əmanətlərin məbləği isə 52,9 faiz artmışdır.
***
Cari ilin yanvar ayında muxtar respublikanın xarici ticarət dövriyyəsi 7 milyon 421 min 180 ABŞ dolları təşkil etmişdir. Ticarət dövriyyəsinin 388 min 820 dollarını və ya 5,2 faizini ixrac olunmuş məhsulların, 7 milyon 32 min 360 dollarını və ya 94,8 faizini isə idxal məhsullarının dəyəri olub. 2024-cü ilin müvafiq dövrü ilə müqayisədə xarici ticarət dövriyyəsi 32,6 faiz o cümlədən idxal 36,3 faiz artmış, ixrac 11,2 faiz azalmışdır.
***
2025-ci ilin yanvar ayında əhaliyə göstərilən ödənişli xidmətlərin dəyəri 17 milyon 162 min 800 manat olmuşdur ki, bu da 2024-cü ilin müvafiq dövrü ilə müqayisədə 11,4 faiz çoxdur.
***
2024-cü ildə muxtar respublikada orta aylıq nominal əməkhaqqı 782,4 manat olmuşdur ki, bu da 2023-cü illə müqayisədə 13,6 faiz çoxdur.
***
1 yanvar 2025-ci il tarixə muxtar respublikada əhalinin sayı bir il öncəyə nisbətən 2377 nəfər və ya 0,5 faiz artaraq 470943 nəfər olmuşdur.
Nəşr edilib : 14.02.2025 11:31
Digər xəbərlər
