NAXÇIVAN :

18 Aprel 2026, Şənbə

Qara Qarayev: "Araz-Naxçıvan" bura mütləq qayıtmalıdır

...

"Bu meydançada oynamışam, hətta  final oyunu oynamışam.  Bu meydançanın atmosferi, abu-havası bizə çox xoşdu. Xüsusilə bu gün bura  gəlməyimizdə "Araz-Naxçıvan" PFK-nın rəhbərinin böyük bir təşəbbüsü var, çünki biz artıq il yarım müddətdir ki,  Bakıda oynayırıq. Amma  düşünürəm, Naxçıvan rəhbərliyi də bu addımları daha da sürətləndirib ki, komanda qayıtsın və Naxçıvanda oynasın. Həqiqətən də burada uşaqlar arasında  futbola maraq  böyükdür  və onlara o sevgini,  o futbol  sevincini bəxş etmək  üçün mütləq  "Araz-Naxçıvan" bura qayıtmalıdır.  Düşünürəm ki, Naxçıvan şəhərinin  futbol komandası mütləq olmalıdır və hər həftə  burada qolların, qalibiyyətin sədası eşidilməlidir".
Bunu jurnalistlərə açıqlamasında “Araz-Naxçıvan”nın yarımmüdafiəçisi Qara Qarayev deyib.
O qeyd edib ki,  futbolda əsas amillərdən biri azarkeş dəstəyidir. Biz Bakıda oynadığımız oyunların  heç birində azarkeş dəstəyi ala bilmirik: "Düşünürəm ki, burda oynamaqla  tam gücümüzdən istifadə edə bilərik,  azarkeşlərin dəstəyi ilə  daha yaxşı, daha  böyük qələbələr əldə edə bilərik və burada oynamağımız, xüsusilə də futbolçulara xüsusi motivasiyadır.  Biz futbolu azarkeşlərə  görə oynayırıq   və tribunanın dolu olduğunu görəndə  daha həvəsli oluruq, işimizə daha ciddi yanaşırıq. Düşünürəm ki, bu stadiona azarkeşlərin gəlməsi və futbolçulara dəstək olması  "Araz-Naxçıvan" komandası adına böyük bir işdir.  Düşünürəm ki, tez bir zamanda futbolçular azarkeş dəstəyini alacaqlar".

Nəşr edilib : 07.10.2025 13:00