NAXÇIVAN :

18 Aprel 2026, Şənbə

“Qanunsuz tikililərlə mübarizə” mövzusunda tədbir keçirilib

...

10 mart 2026-cı il tarixdə Naxçıvan Muxtar Respublikası Dövlət Şəhərsalma və Arxitektura Komitəsi tərəfindən Naxçıvan Şəhər İcra Hakimiyyətində Naxçıvan Muxtar Respublikası Fövqəladə Hallar Nazirliyinin və yerli icra nümayəndəliklərinin iştirakı ilə şəhərsalma nəzarəti çərçivəsində “Qanunsuz tikililərlə mübarizə” mövzusunda birgə tədbir keçirilib. 

Tədbir zamanı şəhərsalma nəzarətinin əsas norma və qaydaları, eləcə də qanunsuz tikililərin qarşısının alınması istiqamətində görülən və görülməsi nəzərdə tutulan tədbirlər barədə ətraflı məlumat verilib. Komitənin əməkdaşı Elnur Quliyev mövzu ilə bağlı çıxış edərək şəhərsalma qanunvericiliyinin tələblərini diqqətə çatdırmış, bu sahədə institusional əməkdaşlığın əhəmiyyətini vurğulayıb. 

Sonda iştirakçıları maraqlandıran suallar cavablandırılıb, qarşılıqlı fikir mübadiləsi aparılıb və gələcək fəaliyyət istiqamətləri müzakirə olunub.

Nəşr edilib : 11.03.2026 12:40