NAXÇIVAN :

18 Aprel 2026, Şənbə

Azərbaycanın qadın cüdoçuları Avropa çempionatına qələbə ilə başlayıblar

...

Gürcüstanın paytaxtı Tbilisidə cüdo üzrə böyüklər arasında Avropa çempionatı start götürüb.

"Şərq qapısı" xəbər verir ki, ilk yarış günündə Azərbaycanın dörd qadın idmançısı mübarizəyə qoşulub. Onların hər biri növbəti mərhələyə yüksəlib.

Şəfəq Həmidova (48 kiloqram) Erza Muminoviçi (Kosovo), Könül Əliyeva (48 kiloqram) Amber Gersyesi (Niderland), Gültac Məmmədəliyeva (52 kiloqram) Karla Tavares Fernandeşi (Lüksemburq) üstələyərək 1/8 finala vəsiqə qazanıb.

Leyla Əliyeva (52 kiloqram) isə 1/16 finaldakı rəqibi Nikola Nişaviç (Serbiya) tatamiyə çıxmadığı üçün növbəti raunda adlayıb.

Bu gün, həmçinin Balabəy Ağayev (60 kiloqram), Əhməd Yusifov (60 kiloqram) və Turan Bayramov (66 kiloqram) mübarizəyə qoşulacaqlar.

Qeyd edək ki, aprelin 19-dək davam edəcək mötəbər turnirdə 46 ölkədən 400 idmançı qüvvəsini sınayacaq.

Nəşr edilib : 16.04.2026 11:51