NAXÇIVAN :

03 Dekabr 2024, Çərşənbə axşamı

Şəhidlər bağında ağaclara aqrotexniki qulluq göstərilib

...

"Naxçıvan Qaziləri" İctimai Birliyinin təşkilatçılığı ilə "Əshabi-Kəhf Ziyarətgahı" Dini-Mədəni Abidə Kompleksinə gedən yolun kənarında salınan Şəhidlər bağında təmizlik aksiyası keçirilib, ağaclara aqrotexniki qulluq göstərilib. 
Tədbirdə  Babək Rayon İcra Hakimiyyətinin başçısı və icra hakimiyyəti aparatının əməkdaşları, Heydər Əliyev adına Hərbi Liseyin kursantları, Naxçıvan Muxtar Respublikası Gənclər və İdman Nazirliyinin  könüllü gəncləri, qazilər və müharibə veteranları iştirak ediblər.
Qeyd edək ki, şəhidlərimizin əziz xatirəsinə salınan bağda Birinci və İkinci Qarabağ müharibəsində şəhidlik zirvəsinə ucalan igid naxçıvanlı Vətən oğullarının adına 500-ə yaxın meyvə tingi əkilib.  
Bildirək ki, aksiyada bağ ərazisi daşlardan təmizlənib, ağaclara qulluq göstərilib.

Nəşr edilib : 30.11.2024 17:09