02 İyun 2020, Çərşənbə axşamı

 

Naxçıvan Muxtar Respublikası Antiinhisar və İstehlak Bazarına Nəzarət Dövlət Xidməti tərəfindən yerli məhsulların daxili və xarici bazarlarda rəqabətədavamlı olması üçün keyfiyyət standartlarına əməl edilməsinə nəzarət işi, o cümlədən təsərrüfat subyektlərinin istehsal-xidmət şəraitinin və məhsul göstəricilərinin texniki normativ hüquqi aktların, standartların və texniki şərtlərin tələblərinə uyğunluğunun diqqətdə saxlanılması 2020-ci ilin ilk rübündə davam etdirilmiş, ümumilikdə məhsul nümunələrinin 443 halda, o cümlədən qida məhsullarının 432 halda keyfiyyət və təhlükəsizlik göstəricilərinin yoxlanılması təmin olunmuş və bu istiqamətdə nöqsan aşkar edilməmişdir.

Muxtar respublikaya idxal edilən uşaq qidalarının 9 halda laboratoriya analizləri aparılaraq keyfiyyət və təhlükəsizlik göstəricilərinin texniki normativ hüquqi aktların, standartların və texniki şərtlərin tələblərinə uyğunluğu müəyyən edilmişdir. İstehsal olunan əla növ un məhsulunun 3 halda laboratoriya analizləri aparılmış və dəmir mineral tozu ilə zənginləşdirildiyi müəyyən edilmişdir. Digər növ un məhsullarında müvafiq faiz nisbətləri üzrə kəpəkli undan istifadə olunmaqdadır.

Yerli istehsal məhsullarının keyfiyyətinin qorunması məqsədilə 56 qida istehsalı müəssisəsinə, 168 ictimai iaşə və xidmət sahəsinə maarifləndirmə xarakterli baxış keçirilmiş, çatışmazlıqların aradan qaldırılması istiqamətində müvafiq işlər görülmüşdür. Meyvə-tərəvəz və onlardan hazırlanmış məhsulların keyfiyyətinin nəzarətdə saxlanılması məqsədilə sertifikatlaşdırma prosedurları və monitorinqlər üzrə ümumilikdə 2020-ci ilin ilk rübü ərzində məhsulların 160 halda standartlara uyğunluğu yoxlanılmış, nöqsan aşkar olunmamış və müvafiq məhsullar 5 halda sertifikatlaşdırılmışdır.

Kənd təsərrüfatı məhsullarının istehsalında istifadəsinə icazə verilən təbii və qeyri-təbii vasitələrin tətbiqinə, xaricdən idxal edilən üzvi və qeyri-üzvi gübrələrin keyfiyyət göstəricilərinə, toxumların və tingçilik məhsullarının müəyyən olunmuş tələblərə cavab verməsinə nəzarətin gücləndirilməsi istiqamətində kartof, buğda, pomidor və qarpız toxumlarından nümunələr seçilərək analizləri aparılmış və nəticələrin standartlara uyğun olduğu müəyyən edilmişdir.

“Muxtar Respublikada əhalinin hepatit virus infeksiyalarından qorunması işinə nəzarət üzrə birgə Tədbirlər Planı”nın icrasını təmin etmək məqsədilə müvafiq komissiya tərəfindən 134 təsərrüfat subyektində 489 işçinin tibbi müayinələri ilə bağlı monitorinqlər aparılmış, müəyyən olunmuşdur ki, 81 işçi tam tibbi müayinələrdən keçmişdir. Natamam tibbi müayinədən keçmiş 408 işçiyə konkret vaxt verilməklə tam tibbi müayinədən keçmələri təmin edilmişdir. Komissiya tərəfindən 109 təsərrüfat subyektində 370 obliqat qrup işçilərdən qan nümunələri götürülmüş və müvafiq tibbi nəzarət təmin olunmuşdur.

“2017-2022-ci illərdə Naxçıvan Muxtar Respublikasında arıçılığın inkişafı üzrə Dövlət Proqramı”nın icrası istiqamətində bal məhsullarının 6 halda laboratoriya analizləri aparılmış və sınaqların nəticələrinin standartlara uyğunluğu müəyyən edilmişdir. Naxçıvan Muxtar Respublikasında ailə təsərrüfatlarının inkişafı ilə bağlı Tədbirlər Planının icrası çərçivəsində 2020-ci ilin ilk rübü ərzində ümumilikdə 7 ailə təsərrüfatına 2 min 50 etiketin hazırlanmasında müvafiq köməkliklər göstərilmişdir.

Ev şəraitində hazırlanan, lakin filtr qurğularından keçirilməyən, həmçinin üzərinə etiket vurulmamış araqların satışının qarşısını almaq məqsədilə Naxçıvan şəhərində və muxtar respublikanın rayonlarında monitorinqlər aparılmış. filtrdən keçirilməyən, etiketlənməyən, müvafiq qaydada qablaşdırılmayan 186 araq və 10 çaxır məhsulu satışdan çıxarılmışdır. Aidiyyəti təşkilatların əməkdaşları ilə birgə Naxçıvan şəhərində, Babək, Şahbuz, Şərur, Kəngərli, Ordubad, Culfa, Sədərək rayonlarında ticarət və ictimai iaşə obyektlərinin nümayəndələri ilə görüşlər keçirilmiş, araq istehsalında filtr qurğularından istifadə edən ailə təsərrüfatlarının siyahısı təqdim olunmuşdur.Ev şəraitində araq istehsalı ilə məşğul olan 6 ailə təsərrüfatında mini filtr qurğusunun quraşdırılması təmin edilmişdir.

2020-ci ilin ilk rübündə alkoqollu içkilər istehsal edən 4 müəssisədə istehsal olunan arağın 12, pivənin 2 və məhsul istehsalında istifadə olunan suyun 1 halda laboratoriya analizləri aparılaraq keyfiyyət və təhlükəsizlik göstəricilərinin standartlara uyğun olduğu müəyyən edilmişdir. Bərbərxana, gözəllik salonu, ət satışı mağazası və topdansatış obyektlərinə maarifləndirmə xarakterli baxış keçirilmiş, çatışmazlıqların aradan qaldırılması təmin edilmişdir. Ümumilikdə 8 təsərrüfat subyektində, o cümlədən 2 bərbərxana və 6 gözəllik salonunda təmir işləri aparılmışdır. Aparılmış monitorinqlər zamanı qanunvericiliyə uyğun olmadığından 8 informasiya xarakterli lövhənin istifadəsi qadağan edilmişdir.

Enerji içkilərinin sanitariya normalarına əməl olunmasına nəzarət məqsədilə muxtar respublikada satışı həyata keçirilən 11 adda enerji içkilərinin markalanması yoxlanılmış, onlardan 3 adda enerji içkisinin markalanmasının normalara tam uyğun olduğu, 8 adda enerji içkisinin markalanmasında isə Azərbaycan dilində zəruri məlumatların olmadığı aşkar olunmuş və təsərrüfat subyektləri təlimatlandırılmışdır. 2020-ci ilin ilk rübündə meteoroloji norma və qaydalara uyğun olaraq 2 min 92 ölçmə vasitəsiyoxlanılmışdır.

Təsərrüfat subyektləri ilə 54 halda abonent müqaviləsi bağlanaraq istehsal olunan məhsulların ixrac olunacaq ölkələrə uyğun markalanması, beynəlxalq idarəetmə standartlarının tətbiqi, zərurət olduqda ixrac olunan məhsulların partiyalarla sertifikatlaşdırılması üzrə məlumatlandırma təmin edilmişdir.

Fövqəladə Hallar Nazirliyi və Dövlət Gömrük Komitəsi ilə birgə 2020-ci ilin ilk üç ayı üzrə ümumilikdə 275 məişət qaz cihazına baxış keçirilmiş, təhlükəsizliyi təmin olunmayan 48 məişət qaz cihazının idxalına və satışına icazə verilməmişdir. Ümumilikdə standartların tələblərinə uyğun olmayan 1897,6 manat dəyərində keyfiyyətsiz və ya kontrafakt məhsullar satışdan çıxarılmışdır.

Naxçıvan Muxtar Respublikası Antiinhisar və İstehlak Bazarına Nəzarət Dövlət Xidməti

ARXİV

İyun 2020
Be Ça Ç Ca C Ş B
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

MÜƏLLİFLƏR

KEÇİDLƏR