15 Yanvar 2021, Cümə

Naxçıvan – Nuhçıxandır,
Qədimdir, uludur!
Naxçıvan – Günəşin doğduğu danıdır,
Atabəylərin yoludur.
Naxçıvan – Tarixdə neçə min addır-sandır,

Ardını oxu...

Dekabrın 15-də Prezident İlham Əliyev “Azərbaycan Respublikası Silahlı Qüvvələrinin hərbi qulluqçularının təltif edilməsi haqqında” Sərəncam imzalayıb.

Sərəncama əsasən Azərbaycan Respublikasının ərazi bütövlüyünün bərpa edilməsi zamanı döyüş əməliyyatlarına yüksək peşəkarlıqla rəhbərlik etmiş, düşmənin canlı qüvvəsinin və döyüş texnikasının məhv edilməsində fədakarlıq və rəşadət göstərmiş, vəzifə borcunu ləyaqətlə və vicdanla yerinə yetirmiş hərbi qulluqçular “Azərbaycan Bayrağı”, “Rəşadət” və “Vətənə xidmətə görə” ordenləri ilə təltif olunublar.

Ardını oxu...

Dekabrın 15-də Prezident İlham Əliyev Azərbaycan Respublikası Silahlı Qüvvələrinin hərbi qulluqçularının “Vətən uğrunda” medalı ilə təltif olunması barədə Sərəncam imzalayıb.

 Sərəncama əsasən, Azərbaycan Respublikasının ərazi bütövlüyünün təmin olunması uğrunda döyüş əməliyyatlarında iştirak etmiş və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirmiş Silahlı Qüvvələrinin bir qrup hərbi qulluqçusu “Vətən uğrunda” medalı ilə təltif olunub.

Bu şərəfli ada Azərbaycan Silahlı Qüvvələrinin 3 601 hərbi qulluqçusu layiq görülüb. Onların sırasında 4 general-mayor, 46 polkovnik və başqaları var. Onlardan 2 756-sı ölümündən sonra bu medala layiq görülüb.

Zamanı  uzun bir yola, tarixi isə zamanın ağır-ağır addımlayan yolçusuna bənzədirlər. Tarix ona görə ağır-ağır  addımlayır ki, o hər yeni addımında geriyə nəzər salır. Bu nəzər gedilən yolun nəticəsi – salnaməsidir. Naxçıvanlılar da 25 il əvvəl zamanın yolayrıcından  bir  yolçuluğa çıxmışdılar. Bu yol qaranlığın çökdüyü zülmət içərisində bir yol idi. Həmin yoldan Naxçıvanı işıqlı yola çıxaran isə ulu öndərin siyasi xəttini davam etdirən cənab Vasif Talıbov oldu. İndi söz ötən həmin 25 ilindir. Çünki o, artıq bir salnamə, tarixdir. Tarixin söylədiyi söz isə deyilən bütün sözlərdən kəsərlidir.  

Ardını oxu...

NATO-ya üzv olan bir ölkəyə sanksiya tətbiq etmək müttəfiqlik ruhuna zərər verməklə yanaşı, etibarı kökündən sarsıdacağı da aydındır.

Bu fikri Türkiyənin milli müdafiə naziri Hulusi Akar ABŞ-ın Türkiyəyə qarşı sanksiyalar tətbiq etməsi ilə bağlı açıqlamasında bildirib.

İki ölkə arasındakı mövcud hərbi, siyasi münasibətlərə uyğun olmayan bu qərarı qınadıqlarını vurğulayan nazir deyib: “Bu sanksiya qərarı ölkələrimiz arasındakı ittifaqın bütün dəyərlərini sarsıtdı. Ciddi hava hücumu təhdidi altında olan ölkəmizin və 83 milyon vətəndaşımızın təhlükəsizliyi üçün bütün lazımi tədbirlər görülür və görüləcək. NATO-ya üzv olan bir ölkəyə sanksiya tətbiq etmək müttəfiqlik ruhuna zərər verməklə yanaşı, etibarı kökündən sarsıdacağı da aydındır. Ölkəmizin, millətimizin müdafiəsini və təhlükəsizliyini təmin etmək səyləri əzm və qətiyyətlə davam edəcək”.

 

 

 

 

 

 

Azərbaycanda koronavirusa qarşı vaksinasiya pulsuz olacaq. Vaksinasiya strategiyası artıq hazırdır.

Bunu Operativ Qərargahın bu gün keçirilən brifinqində Səhiyyə nazirinin müavini Viktor Qasımov deyib.

Onun sözlərinə görə, ölkədə vaksinasiya pulsuz həyata keçiriləcək və artıq risk qrupları müəyyənləşib. İlk növbədə onların vaksinasiyası həyata keçiriləcək.

 

 

 

Azərbaycan Respublikasında koronavirus (COVID-19) infeksiyasına 4 273 yeni yoluxma faktı qeydə alınıb, 4 164 nəfər müalicə olunaraq sağalıb və evə buraxılıb, 41 nəfər vəfat edib

Bunu TƏBİB-in İdarə heyətinin sədri Ramin Bayramlı bu gün keçirilən brinfinqdə deyib.

İndiyədək ölkədə ümumilikdə 183 259 nəfərin koronavirus infeksiyasına yoluxması faktı müəyyən edilib, onlardan 119 005 nəfər müalicə olunaraq sağalıb, 2007 nəfər vəfat edib, aktiv xəstə sayı 62 247 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 17 231, ötən müddət ərzində isə ümumilikdə 1 980 579 test aparılıb.

 

 

 

 

Azərbaycanda koronavirusa qarşı vaksinasiya birinci ən yüksək risk qrupuna daxil olan insanlar arasında aparılacaq.

Bunu TƏBİB-in İdarə heyətinin sədri Ramin Bayramlı bu gün keçirilən brinfinqdə deyib.

R.Bayramlı bildirib ki, risk qruplarının başında səhiyyə işçiləri gəlir. Onun sözlərinə görə, ikinci 65 yaşdan yuxarı insanlar risk qrupuna daxildir. O qeyd edib ki, dünyada bu təcrübədən istifadə olunur və böyük ehtimalla Azərbaycanda da bu təcrübə nəzərə alınacaq.

 

 

 

Vaksinin effektivliyi və təhlükəsizliyi haqqında hələ tam dəqiq məlumat vermək çətindir, ancaq ümidverici xəbərlər var.

Bunu TƏBİB-in İdarə heyətinin sədri Ramin Bayramlı bu gün keçirilən brinfinqdə deyib.

R.Bayramlı bildirib ki, müxtəlif şirkətlər tərəfindən təklif edilən vaksinlər var. Onun sözlərinə görə, Azərbaycan 5 mövcud vaksinlə tanış olub. Bu vaksinlər ABŞ-Almaniya tərəfindən birgə istehsal edilən, Rusiya (Sputnik V), ABŞ (Moderna) Oxford Universitetində (İngiltərə, İsveç alimləri və AstraZeneca Şirkəti ilə birgə hazırlanan) və Çində (Sinovac) istehsal edilən vaksinlərdir.

 

 

 

 

 

 

Vaksinasiya prosesinin tətbiq edilməsinə çalışırıq.

Bunu TƏBİB-in İdarə heyətinin sədri Ramin Bayramlı bu gün keçirilən brinfinqdə deyib.

R.Bayramlı əlavə edib ki, bəzən bir xəstəni xilas etmək üçün 5-6 həkim öz həyatını təhlükəyə atır: “Xəstəliyin 2-ci dalğası ilə çətin vəziyyət yaşayırıq. Gündəlik yoluxmaların sayı xeyli artıb, lakin hələ ki, biz bunun öhdəsindən gələ bilirik, ancaq səhiyyə sistemi limitsiz deyil. Ona görə də vaksinasiya prosesinin tətbiq edilməsinə çalışırıq”.

 

 

 

“Human Rights Watch” təşkilatı Ermənistan silahlı qüvvələrinin Azərbaycanın dinc sakinlərinə və mülki obyektlərinə qarşı raket hücumları ilə bağlı apardığı araşdırmalara dair növbəti hesabat yayıb.

Hesabatda Ermənistanın və ya Dağlıq Qarabağdakı qondarma rejimin hərbi qüvvələrinin altı həftəlik müharibə dövründə Azərbaycanın yaşayış məntəqələrini dəfələrlə qadağan olunmuş silah-sursatlar vasitəsilə atəşə tutduğu bildirilir. Vurğulanır ki, qadağan olunmuş silahların istifadəsi müharibə qanunlarının pozulmasıdır.

Hesabatda qeyd edilir ki, “Human Rights Watch”un tədqiqatçıları 2020-ci ilin noyabr ayında Azərbaycana səfərləri zamanı ölkənin üç rayonunda kasetli silah-sursatdan istifadə olunduğu dörd hücumu sənədləşdiriblər. Bu hücumlar nəticəsində 2-si uşaq olmaqla, ən azı 7 mülki şəxs həlak olub, eyni zamanda, 2-si uşaq olmaqla, 20 mülki şəxs yaralanıb.

Ardını oxu...

Azərbaycan Respublikasının Prezidenti cənab İlham Əliyevin tapşırığı ilə Azərbaycan Respublikası Əsir və itkin düşmüş, girov götürülmüş vətəndaşlarla əlaqədar Dövlət Komissiyası tərəfindən həyata keçirilmiş tədbirlər nəticəsində erməni əsirliyindən və girovluğundan azad olunaraq 14 dekabr 2020-ci il tarixdə Bakıya gətirilmiş hərbi qulluqçuların və mülki vətəndaşların siyahısı.

Azərbaycan Respublikasının Əsir və itkin düşmüş, girov götürülmüş vətəndaşlarla əlaqədar Dövlət Komissiyasına istinadən siyahını təqdim edirik:

Abdinov Yəhya Vüqar oğlu, 30.12.1999, hərbi qulluqçu

Baxşəliyev Emin Zahir oğlu, 22.01.1988, hərbi qulluqçu

Əhmədzadə Mobil İlqar oğlu, 22.04.1999, hərbi qulluqçu

Ələkbərov Ömər Teymur oğlu, 11.01.1985, hərbi qulluqçu

Əliyev Şərif Elsevər oğlu, 20.12.1995, hərbi qulluqçu

Ardını oxu...

S-400 raket əleyhinə müdafiə sistemlərinin alınması ilə əlaqədar ABŞ tərəfindən Türkiyəyə qarşı birtərəfli sanksiyalar tətbiq edilməsini qınayır və rədd edirik.

Bu sözlər Türkiyə Xarici İşlər Nazirliyinin məsələ ilə bağlı açıqlamasında əksini tapıb.

Açıqlamada deyilir ki, Türkiyənin S-400 raket əleyhinə müdafiə sistemləri almasına məcbur olmasının səbəbləri hər kəsə məlumdur. Donald Tramp da bu məsələdə Türkiyənin haqlı olduğunu etiraf edib. S-400 raket əleyhinə müdafiə qurğularının NATO sistemlərində zəiflik yaradacağı iddiası texniki baxımdan əsaslandırıcı deyil.

Türkiyə ABŞ-ı birtərəfli əsassız sanksiya qərarını bir daha nəzərdən keçirməyə və bu yanlış yoldan geri qayıtmağa dəvət edir, məsələni müttəfiqlik ruhunda, dialoq əsasında həll etməyə hazır olduğunu bildirir.

 

 

 

Azərbaycanda daha bir kəndin adı dəyişdirilir.

Bununla bağlı məsələ Milli Məclisin bu gün keçirilən plenar iclasında müzakirəyə çıxarılıb.

Belə ki, iclasda “Azərbaycan Respublikasının Şamaxı rayonunun Saqiyan kəndinin Günəşli kəndi adlandırılması haqqında” Azərbaycan Respublikası qanununun layihəsi barədə məsələ müzakirəyə edilib.

Müzakirələrdən sonra qanun layihəsi səsvermyə qoyularaq qəbul edilib.

 

 

 

27 sentyabr tarixindən etibarən 6 həftədən artıq davam etmiş Ermənistan hərbi qüvvələrinin hücumları nəticəsində 10 şagirdin həlak olub, 16 şagirdin yaralanıb, 54 təhsil müəssisəsi isə müxtəlif dərəcəli dağıntılara məruz qalıb.

Bunu təhsil naziri Emin Əmrullayev Beynəlxalq insan hüquqları gününə həsr olunmuş tədbirdə çıxışında deyib.

Təhsil naziri dəymiş zərərin aradan qaldırılması istiqamətində müvafiq addımların atıldığını vurğulayıb.

E.Əmrullayev koronavirus pandemiyası fonunda təhsilin davamlılığının təmin edilməsi istiqamətində atılan addımlar barədə də ətraflı məlumat verib. Nazir onlayn tədrisə keçidi təmin etmək məqsədilə “Microsoft” şirkəti ilə əməkdaşlıq çərçivəsində yaradılmış “Virtual məktəb” platformasının fəaliyyətinə toxunaraq, sözügedən platformada 1 milyon 300 mindən çox şagird və 120 mindən çox müəllimin qeydiyyatdan keçdiyini vurğulayıb.

 

 

 

Müzəffər ordumuzun Qələbəsi ilə nəticələnən Vətən müharibəsində naxçıvanlılar da fəal iştirak edib, döyüşlərdə göstərdikləri böyük şücaət və qəhrəmanlıqları ilə seçiliblər. Ən uca zirvə olan şəhidlik mərtəbəsinə qalxan daha 2 qəhrəman şəhidimiz bu gün Naxçıvanda qarşılanaraq son mənzilə yola salınıblar.

Qəhrəman şəhidlərimizin nəşi Naxçıvan Beynəlxalq Hava Limanında qarşılandıqdan sonra doğulduqları şəhər və rayonlara aparılıb.

Ardını oxu...

Azərbaycanın səlahiyyətli orqanlarına 12 nəfər təhvil verilib.

Bunu Dağlıq Qarabağdakı Rusiya sülhməramlı kontingentinin komandiri general-leytenant Rüstəm Muradov deyib.

Onun sözlərinə görə, Rusiya, Azərbaycan və Ermənistan liderlərinin 9 noyabr 2020-ci il tarixli üçtərəfli bəyanatına əsasən, “hamının hamıya” prinsipi ilə əsirlərin mübadiləsi həyata keçirilib.

Ardını oxu...

Azərbaycan və Türkiyə İğdır-Naxçıvan qaz kəməri ilə bağlı anlaşma memorandumu imzalayacaqlar.

Azərbaycanla Türkiyə arasında yeni memorandum imzalanacaq.

Sənədin dekabrın 16-da iki ölkənin enerji nazirlikləri arasında imzalanacağı gözlənilir.

Ardını oxu...

Naxçıvan Müəllimlər İnstitutunda Vətən müharibəsi şəhidlərinə həsr olunmuş tədbir keçirilib. Dövlət himninin oxunması ilə başlanan tədbirdə institutun rektoru Azad Novruzov çıxış edərək 44 günlük Vətən müharibəsində böyük hünər və şücaət göstərən Vətən oğullarının əziz xatirəsini yad edib. Bildirilib ki, torpağımıza göz dikən yağı düşməni məhv edərək kənd və şəhərlərimizi işğaldan azad edən və bu yolda şəhidlik zirvəsinə yüksələn igidlər hər zaman xalqımızın qəlbində yaşayacaq, hörmətlə anılacaqdır. Bu müharibədə öz şəhadətinə çatan qəhrəman oğullarımız sırasında Naxçıvan Müəllimlər İnstitutunun iki nəfər məzun tələbəsi – Kamran Hüseynov və Ruhid İslamlı da olub.

Ardını oxu...

Tarixən Azərbaycan və Türkiyə xalqları arasında mövcud olan qardaşlıq, dostluq münasibətləri müasir dövrümüzdə bütün istiqamətlər üzrə uğurla davam edir. Ölkəmizin 44 gün ərzində apardığı Vətən müharibəsi dövründə də bu amil özünü ən yüksək səviyyədə göstərdi, döyüşlərin başladığı gündən qardaş ölkə həm xalq, həm də dövlət olaraq öz dəstəyini əsirgəmədi.
Dekabrın 12-də iki ölkə qardaşlığının növbəti nümunəsi kimi, Türkiyənin Cümhuriyyət Xalq Partiyasının xəttilə Naxçıvan Əlahiddə Ümumqoşun Ordunun Vətən müharibəsində şəhid olan və yaralanan hərbi qulluqçularının ailələrinə ərzaq və tibbi ləvazimatlar hədiyyə olunub. Bu münasibətlə keçirilən tədbirdə partiyanın vəkili Ahmet Nazif Yücel ümummilli liderimiz Heydər Əliyevin “Biz bir millət, iki dövlətik” və Mustafa Kamal Atatürkün “Azərbaycanın sevinci bizim sevincimiz, kədəri isə bizim kədərimizdir” fikirlərini xatırladaraq bildirib ki, artıq iki ölkə arasındakı qardaşlıq münasibətləri bütün dünyada nümunə səviyyəsində qəbul edilir. Tarixboyu Türkiyə hər zaman bütün məsələlərdə Azərbaycanın yanında olub, ona öz dəstəyini əsirgəməyib. Vətən müharibəsinin başladığı ilk gündən sonadək qardaş ölkənin haqq səsinə səs vermiş, birlik, bərabərlik nümayiş etdirmişik. Cümhuriyyət Xalq Partiyası olaraq müharibədən sonra atdığımız bu addım da qardaşlıq münasibətlərimizin növbəti təzahürüdür.

Ardını oxu...

Nəqliyyat, Rabitə və Yüksək Texnologiyalar Nazirliyi yanında Elektron Təhlükəsizlik Xidməti vətəndaşları “Azərpoçt” MMC adına açılan saxta saytlar barədə xəbərdar edir.

Bu barədə Nazirliyin mətbuat xidmətindən məlumat verilib.

Belə ki, bir qrup kiberdələduz qeyri-qanuni yolla maddi vəsait əldə etmək məqsədilə “Azərpoçt” MMC-nin rəsmi saytına oxşar saxta saytlar yaradır. Onların hədəfi onlayn alqı-satqı səhifələrində müxtəlif məhsulların satışını həyata keçirən vətəndaşlardır. Kiberdələduzlar alıcı qismində saxta “WhatsApp” nömrələrindən bu vətəndaşlara yazaraq məhsulu almaq istədiyini bildirir və ödənişin həyata keçirilməsi üçün satıcıdan “Azərpoçt” MMC-nin adına açılan saxta sayta daxil olaraq kart hesabı məlumatlarını daxil etməsini istəyir. Vətəndaş bu keçidə daxil olaraq kart hesabının məlumatlarını təqdim etdikdə hesabın balansında olan vəsait kiberdələduzların əlinə keçir.

Ardını oxu...

Azərbaycan Respublikası ərazilərinin işğaldan azad olunması və ərazi bütövlüyünün bərpası naminə aparılmış Vətən müharibəsində Azərbaycan Ordusunun hərbi qulluqçularının göstərdiyi şücaət, hərbi qulluq vəzifəsini yerinə yetirərkən nümayiş etdirdiyi mərdlik və peşəkarlıq tarixə qızıl hərflərlə həkk olunan zəfərin əldə edilməsinə səbəb olub.

Bu barədə Baş Prokurorluğun Mətbuat Xidmətindən məlumat verilib.

Bildirilib ki, qarşıya qoyulan döyüş tapşırıqlarını yerinə yetirərkən göstərdikləri qəhrəmanlıq, hərbi qulluq vəzifəsini icra edərkən nümayiş etdirdikləri igidliyə görə Azərbaycan Respublikası Silahlı Qüvvələrinin çoxsaylı hərbi qulluqçuları Azərbaycan Respublikası Prezidentinin Sərəncamları ilə təltif edilib:

"Azərbaycan Respublikasının Prezidenti İlham Əliyev işğal olunan ərazilərin azad olunması üçün əks hücum əməliyyatlarının başlanıldığı ilk gündən Ermənistan tərəfindən Azərbaycanın mülki əhalisinin hücuma məruz qalmasına baxmayaraq Silahlı Qüvvələrin Ali Baş Komandanı kimi Azərbaycan ordusuna yalnız döyüş meydanında düşmənin legitim hərbi hədəflərinə zərbələr endirmək, hərbi əsir və mülki əhaliyə münasibətdə beynəlxalq humanitar hüququn norma və prinsiplərinə, o cümlədən Cenevrə Konvensiyalarının tələblərinə dönmədən əməl olunmasına dair tapşırıq vermişdir. Ali Bas Komandanın göstərişlərini rəhbər tutan Azərbaycan Ordusunun əsgər və zabitləri torpaqlarımızın işğaldan azad edilməsi zamanı mülki əhali, o cümlədən qadın, uşaq və ahıl şəxslərə, əsir götürülmüş hərbçilərə, din xadimlərinə münasibətdə xalqımıza məxsus yüksək mədəniyyət və humanizm nümayiş etdirərək diqqət və qayğı ilə yanaşmış, bu münasibət həmin şəxslərin Beynəlxalq Qızıl Xaç Komitəsinin nümayəndələri ilə görüşləri, yerli və kütləvi informasiya vasitələrinə müsahibələri vasitəsilə geniş işıqlandırılıb.

Ardını oxu...

Hərbi vəziyyət dövründə komendant saatının tətbiq edildiyi ərazilərin komendantının təyin edilməsi haqqında sərəncam ləğv edilib.

Prezident İlham Əliyev “Hərbi vəziyyət dövründə komendant saatının tətbiq edildiyi ərazilərin komendantının təyin edilməsi haqqında” Azərbaycan Respublikası Prezidentinin 2020-ci il 28 sentyabr tarixli 2281 nömrəli Sərəncamının ləğv edilməsi barədə sərəncam imzalayıb.

 

 

 

Milli Məclisin Regional məsələlər komitəsinin onlayn formatda iclası keçirilib.

Milli Məclisdən verilən məlumata görə, iclası açan komitə sədri Siyavuş Novruzov bildirib ki, gündəliyə 2 məsələ daxil edilib.

Əvvəlcə Siyavuş Novruzov “Azərbaycan Respublikasının Şamaxı rayonunun Saqiyan kəndinin Günəşli kəndi adlandırılması haqqında” qanun layihəsini təqdim edib.

Komitə sədri qeyd edib ki, Prezident İlham Əliyevin təşəbbüsü ilə işğaldan azad edilən bir sıra ərazilərimizdə kənd və rayon adlarının dəyişdirilməsi prosesinə artıq başlanılıb:

Ardını oxu...

Baş Prokurorluq və Daxili İşlər Nazirliyini yenidən vətəndaşlara xəbərdarlıq edib.

Əhalidən işğaldan azad olunan ərazilərin minadan və digər partlayıcı maddələrdən təmizlənilməsi başa çatmayana qədər təhlükəsizliyin təmin edilməsi məqsədilə ilə daxil olmamaq xahiş edilir.

 

 

 

2020-ci il dekabrın 13-də saat 17 radələrində Müdafiə Nazirliyinin N saylı hərbi hissəsinin bir hərbi qulluqçusu, Ağdam rayon sakinləri 1984-cü il təvəllüdlü Əhmədov Toğrul Vilayət oğlu və 1990-cı il təvəllüdlü Məmmədov Elçin Qanboy oğlu işğaldan azad olunmuş Ağdam rayonunun Şahbulaq kəndinin ərazisində olarkən piyada əleyhinə minaya düşmüşlər. Nəticədə Elçin Məmmədov həlak olmuş, hərbi qulluqçu və Toğrul Əhmədov isə ağır dərəcəli bədən xəsarətləri almışlar.

Baş Prokurorluğun və Daxili İşlər Nazirliyinin Mətbuat xidmətlərindən verilən məlumata görə, dərhal prokurorluq və polis əməkdaşları tərəfindən hadisə yerinə və meyitə baxış keçirilmiş, məhkəmə-tibb ekspertizaları təyin edilmiş, digər zəruri prosessual hərəkətlər yerinə yetirilmişdir.

Ardını oxu...

        

         Hər bir insanı digərlərindən fərqləndirən, ucaldan xüsusiyyətləri vardır. Vətənpərvərvərlik, xeyirxahlıq, fədakarlıq və s. kimi insanı ideallaşdıran xüsusiyyətlər. Lakin hər insan bunlara sahib olmaqla bir dahiyə çevrilib insanların ürəklərində əbədi yer tuta bilməz. Biz Azərbaycan vətəndaşları olaraq qəlbimizdə həmişə bir dahini yaşadırıq. Elə bir dahi ki, bu gün onun əsasını qoyduğu vahid və müstəqil dövlətdə yaşayırıq. Bu dahi əlbəttə ki, Heydər Əlirza oğlu Əliyevdən başqası ola bilməz. Böyükdən kiçiyə hər kəsin dilinin əzbəri olan bu şəxs dünya azərbaycanlılarını vahid ad altında birləşdirdi, xalqımıza müstəqillik qazandırdı, dövlətimizi dünyaya tanıtdı. Bir dövlət kimi formalaşmağımız üçün elm, təhsil, mədəniyyət, iqtisadiyyat bir sözlə bütün sahələrdə əvəzolunmaz addımlar atdı.

          Ümummilli liderimizin hər zaman diqqət mərkəzində saxladığı əsas məsələlərdən biri də təhsil idi. Elmin, öyrənməyin, yeni biliklərə yiyələnməyin həddi-hüdudu yoxdur və bunu ulu öndər yaxşı bilirdi. Gənclər onun sayəsində xaricdə təhsil ala bilir, dövlət vəsaiti hesabına dünya miqyasında tanınmış nüfuzlu ali təhsil müəssisələrində ən gözəl ixtisaslara yiyələnirdilər. Ümummilli liderin təhsilə, elmə, öyrənməyə olan diqqətinin nəticəsidir ki, bu gün dünya xalqları siyahısında öz yerimizi almışıq.

Ardını oxu...

 

Koronavirus (COVID-19) pandemiyası ilə əlaqədar ölkədə yoluxma hallarının artması talassemiya, hemofiliya, leykoz eləcə də ağır koronavirus (COVID-19) xəstəliyindən əziyyət çəkən insanlar üçün qan tələbatı artıb.

Bu barədə Qan Bankından bildiriblər. Qeyd olunub ki, bu günlərdə sağlam insanların həmrəylik nümayiş etdirib qana ehtiyacı olan xəstələrə yardım etmələri, damarlarında axan qanı hədiyyə vermələri vacibdir:

"Qan Bankları 24 saat açıqdır. Sterillik və digər zəruri təhlükəsizlik üçün xüsusi tədbirlər görülüb. Sərtəşdirilimiş karantin günlərində vətəndaşlarımızın karantin qaydalarına uyğun saatlıq icazə ilə evdən çıxdıqlarını nəzərə alaraq bildirmək istəyirik ki, qanvermə prosesi zamanı gecikmə olarsa, donorlar, tərəfimizdən gecikmənin səbəbini bildirən arayışla təmin olunacaq. Qan ehtiyacı olan vətəndaşlarımız xilaskarlarını gözləyirlər. Önə çıx, həyat xilas et"!

 

 

 

Türkiyə Daxili İşlər Nazirliyi Baş Polis İdarəsi Qarabağa videoçarx həsr edib.

Paylaşım idarənin tvitter səhifəsində dərc olunub.

Videoçarxa məşhur repçi Orxan Zeynallının (AiD) Qarabağa həsr olunan “Torpaqdan ev” mahnısı əlavə olunub:

Ardını oxu...

Azərbaycan Müdafiə Nazirliyi Cəbrayıl rayonunun Şahvələdli və İmambağı kəndlərindən videoreportaj hazırlayıb.

Həmin videoreportajı təqdim edirik.

Ardını oxu...

Ermənistan tərəfindən işğal olunmuş Azərbaycan ərazilərinin düşmən əsarətindən xilas edilməsinin ilkin təməlinin əsası xalqımızın ümummilli lideri Heydər Əliyev tərəfindən qoyulmuşdur.

Bunu AMEA-nın birinci vitse-prezidenti, Milli Məclisin deputatı, akademik İsa Həbibbəyli deyib.

Ardını oxu...

Tarixən mövcud olan Azərbaycan və Türkiyə xalqları arasındakı qardaşlıq, dostluq münasibətləri müasir dövrümüzdə də bütün istiqamətlər üzrə uğurla davam edir. Ölkəmizin 44 gün ərzində apardığı Vətən müharibəsi dövründə də bu amil özünü ən yüksək səviyyədə göstərdi, döyüşlərin başladığı gündən qardaş ölkə həm xalq, həm də dövlət olaraq öz dəstəyini əsirgəmədi.

Ardını oxu...

Hər bir xalqın tarixində mühüm rol oynamış şəxsiyyətlər olur. Hansı ki həmin şəxsiyyətlər tarixin müəyyən bir zamanında ölkəsini, xalqını tarixin ən ağır sınaqlarından çıxararaq əbədiyyət zirvəsinə ucalırlar. Azərbaycanın şanlı səhifələrlə dolu müstəqillik tarixinin müəllifi, xalqımızın xilaskarı və qurucu lideri Heydər Əliyev də belə dahilərdəndir.

Ardını oxu...

10 dekabr 2020-ci il... Bakı şəhəri, Azadlıq meydanı... Bu təqvim tarixi yaddaşımıza əbədi yazıldı. Çünki Azərbaycan öz müstəqilliyinin bərpasından sonra ilk dəfə Qalib Ordu kimi möhtəşəm Qələbə paradına sahiblik etdi. 44 günlük Vətən müharibəsinin nəticəsi olaraq imzalanan Bəyannamədən bir ay sonra keçirilən bu parad, sözün həqiqi mənasında, ərazi bütövlüyümüz uğrunda aparılan haqq mübarizəmizin yekun hesabatı oldu. Bu paradın başqa ölkələrdə keçirilən qələbə paradlarından fərqi həm də onda idi ki, bu Zəfər yürüşündə iki dövlətin bir milləti yenə birlikdə idi. Parada hazırlıqla bağlı ilk məruzə də hər iki dövlətin rəhbərinə olundu və qardaş ölkələrin Dövlət himnlərinin ifası ilə başladı. Ümumilikdə, bu əlamətdar gündə Silahlı Qüvvələrin Ali Baş Komandanı cənab İlham Əliyev, Türkiyə Respublikasının Prezidenti Rəcəb Təyyib Ərdoğan və hər iki dövlətin ordu təmsilçilərinin birgə iştirak etməsi bir daha Türkiyə-Azərbaycan qardaşlığının və gücünün bütün dünyaya nümayişi idi. 

Ardını oxu...

Dekabrın 11-də muxtar respublikanın ümumtəhsil məktəbləri ilə Naxçıvan şəhərindəki Heydər Əliyev Muzeyi arasında “Ürəklərdə yaşayan dahi” mövzu­sunda interaktiv dərs keçilib.
İnteraktiv dərsdə muzeyin bələdçisi Gülnar Quluzadə əvvəlcə mədəniyyət müəssisəsi barədə şagirdlərə ətraflı məlumat verib. Bildirib ki, Heydər Əliyev Muzeyi Naxçıvan Muxtar Respublikası Ali Məclisi Sədrinin 1999-cu il fevralın 18-də imzaladığı Sərəncam əsasında yaradılıb və həmin il may ayının 10-dan fəaliyyətə başlayıb. Hələ ümummilli liderin sağlığında yaradılan muzeydə ulu öndərin həyatının müxtəlif dövrlərinə həsr olunmuş eksponatlar, eləcə də dahi şəxsiyyətin Naxçıvan Muxtar Respublikası Ali Məclisinin Sədri vəzifəsində işlədiyi dövrdə qəbul etdiyi müxtəlif tarixi sənədlər toplanıb.

Ardını oxu...

Azərbaycanın ən qədim yaşayış məskənlərindən olan Naxçıvan bəşər sivilizasiyasının ilkin mədəniyyət ocaqlarından biridir. Bu qədim diyar min illərə şahidlik edən tarixi abidələri, füsunkar təbiəti, ləziz təamları ilə Naxçıvana ayaq basan insanları təəccübləndirir. Şanlı tariximizin izlərini  özündə qoruyub saxlayan, 3500 ildən çox yaşı olan bu diyarın adına tarixdə ilk dəfə Klavdiy Ptolomeyin əsərlərində rast gəlinir. Mən də  Naxçıvanda doğulub boya-başa çatmış bir gənc kimi şəhərimin gözoxşayan gözəlliyini tərif etməyi hər zaman özümə borc və şərəf bilirəm.

Ardını oxu...

Müdafiə Nazirliyi Ağdam rayonunun Boyəhmədli kəndinin videogörüntülərini yayıb.

Görüntüləri təqdim edirik:

Ardını oxu...

Bakı Media Mərkəzi Zəfər Paradına həsr olunmuş videoçarx hazırlayıb.

Bakı Media Mərkəzindən verilən məlimatda bildirilib ki, Zəfər paradı 44 günlük Vətən Müharibəsində Azərbaycan Ordusunun Böyük Qələbəsini bütün dünyaya təntənəli şəkildə nümayiş etdirdi.

Ardını oxu...

Naxçıvan Dövlət Universitetinin Pedaqoji fakültəsində “ Azərbaycan Respublikasının tarixi qələbəsinə həsr edilmiş “10 dekabr  Zəfər yürüşü” münasibəti ilə tədbir təşkil olunub.Tədbirə başlamazdan əvvəl Azərbaycan Respublikasının Dövlət himni səsləndirilib. Sonra şəhidlərin ruhu 1 dəqiqəlik sükutla yad edilib. Tədbiri giriş sözü ilə açan Universitetin“Tədris və tərbiyə işləri” üzrə prorektoru,  Rafiq Rəhimov Ali Baş Komandanımızın rəhbərliyi, əsgərlərimizin döyüş bacarığı və xalqımızın qələbəyə inamı sayəsində qazandığımız zəfər münasibəti ilə bütün Azərbaycan xalqını  təbrik edib.Qeyd edilib ki, bu gün qələbə münasibəti ilə keçirilən “Zəfər yürüşü” hər bir Azərbaycan vətəndaşında  fəxarət hissi oyadır.Bununla da bütün dünyaya ordumuzun gücünü, qüdrətini, millətimizin  birliyini sübut etdik.Prorektor II Qarabağ döyüşlərində universitetdə təhsil alan tələbələrimizin də iştirakını diqqətə çatdırıb.

Ardını oxu...

Dekabrın 11-də muxtar respublikanın ümumtəhsil məktəbləri ilə Heydər Əliyev Muzeyi arasında “Ürəklərdə yaşayan dahi” mövzusunda interaktiv dərs keçirilib.
İnteraktiv dərsdə muzeyin bələdçisi Gülnar Quluzadə əvvəlcə mədəniyyət müəssisəsi barədə şagirdlərə ətraflı məlumat verərək bildirib ki, Heydər Əliyev Muzeyi Naxçıvan Muxtar Respublikası Ali Məclisi Sədrinin 1999-cu il fevralın 18-də imzaladığı Sərəncam əsasında yaradılıb və həmin il may ayının 10-dan fəaliyyətə başlayıb. Hələ ümummilli liderin sağlığında yaradılan muzeydə ulu öndərin həyatının müxtəlif dövrlərinə həsr olunmuş eksponatlar, eləcə də dahi şəxsiyyətin Naxçıvan Muxtar Respublikası Ali Məclisinin Sədri vəzifəsində işlədiyi dövrdə qəbul etdiyi müxtəlif tarixi sənədlər toplanıb.

Ardını oxu...

Xüsusi İstintaq Xidməti Nikol Paşinyan və bir qrup digər yüksək vəzifəli şəxsə qarşı cinayət işi açıb.

Erməni KİV-lərinə istinadən verilən məlumatına görə, bunu "Vahid Ermənistan" partiyasının sədri Artur Kazinyan "Facebook" səhifəsində yazıb.

Ardını oxu...

Milli Məclisin bu gün keçirilən iclasında Azərbaycanda komendant saatının ləğv edilməsi məsələsi müzakirə edilib.

İclasın gündəliyinə daxil olan ilk məsələ Azərbaycan Respublikasının Prezidenti İlham Əliyevin 2020-ci il dekabrın 12-də saat 00.00-dan Hərbi vəziyyətin ləğv olunması haqqında Fərmanının təsdiq edilməsi barədə Milli Məclisin Qərarı olub.

Ardını oxu...

Ötən gün Bakıda İkinci Qarabağ müharibəsindəki qələbəyə həsr olunmuş Zəfər paradı keçirilib.

Böyük izdihamla keçən paradı izləmək üçün 100-lərlə sakin bulvar ətrafına toplanmışdı.

Ardını oxu...

44 günlük Vətən müharibəsinə qismən səfərbərlik və digər proqramlar çərçivəsində cəlb edilən, cəbhə xəttinə göndərilən, döyüşlərdə iştirak edən jurnalistlərin siyahısı hazırlanıb.

Mətbuat Şurasının sədr müavini, Jurnalistlərin Həmkarlar İttifaqının (JuHİ) sədri Müşfiq Ələsgərli bildirib ki, təmsil etdiyi hər iki qurum 27 sentyabr 2020-ci il tarixdən-Vətən müharibəsinin ilk günündən başlayaraq KİV təmsilçilərinin fəaliyyəti ilə bağlı monitorinq aparıblar.

Ardını oxu...

Türkiyənin Manisa vilayətində 1517 metr yüksəklikdə yerləşən Spil Dağı Milli Parkının girişindəki “Topkale” bölümündə tarixi Azərbaycan torpaqlarının işğaldan azad edilməsi münasibətilə aksiya keçirilib. Azərbaycan və Türkiyə bayraqlarının dalğalandığı aksiya Türkiyədə fəaliyyət göstərən Manisa-Azərbaycan Mədəniyyət və Həmrəylik Dərnəyinin təşəbbüsü ilə baş tutub.

Bu barədə məlumat verən dərnəyin idarə heyətinin sədri Yalçın Daşdəmir bunun yalnız Azərbaycan xalqının deyil, bütün türk dünyasının tarixi Qələbəsi olduğunu bildirib.

Ardını oxu...

Azərbaycan vətəndaşları Türkiyəni, Türkiyə vətəndaşları isə Azərbaycanı sadəcə şəxsiyyət vəsiqəsilə ziyarət edə biləcək.

Ardını oxu...

 

Azadlıq meydanı hansı hadisələrə şahidilik etməyib ki? Bu meydan milli azadlıq hərəkatını görüb. Bu meydanda 20 Yanvar şəhidləri son mənzilə yola salınıb. Bu meydan dəfələrlə hərbi paradlar da görüb. Amma Azadlıq meydanı Zəfər paradını heç vaxt görməmişdi. Azərbaycan dekabrın 10-da daha bir tarixi anı yaşadı. 

Düşmənin kapitulyasiya aktına qol çəkməsindən bir ay sonra qalib Azərbaycan Ordusu paytaxt Bakının mərkəzində güc nümayişinə çıxmışdı. “Dəmir yumruq” əməliyyatında – Azərbaycanın Vətən müharibəsində möhtəşəm Qələbəyə həsr olunmuş Zəfər paradında 3000 nəfərdən artıq şəxsi heyət, 150-dək hərbi texnika, o cümlədən silahlanmaya yeni qəbul edilmiş müasir hərbi texnika, raket və artilleriya qurğuları, hava hücumundan müdafiə sistemləri, hərbi gəmi və katerlər, eləcə də Vətən müharibəsi zamanı Azərbaycan Ordusunun darmadağın etdiyi, düşməndən ələ keçirdiyi hərbi qənimətlərin bir qismi də nümayiş olundu. Zəfər paradında Silahlı Qüvvələrin Ali Baş Komandanı cənab İlham Əliyev və qardaş Türkiyə Respublikasının Prezidenti Rəcəb Təyyib Ərdoğanın iştirak etməsi Türkiyə-Azərbaycan qardaşlığının, dostluğunun bariz ifadəsi idi.

Ardını oxu...

Muxtar respublikamızda son illərdə insanların rahatlığına xidmət edən bir sıra iri layihələr icra olunur ki, bunların sırasında “ASAN xidmət” mərkəzi xüsusi əhəmiyyəti ilə seçilir. Azərbaycan Respublikasının Prezidenti cənab İlham Əliyevin 2020-ci il 16 yanvar tarixli Sərəncamına əsasən Naxçıvan Muxtar Respublikasının Nazirlər Kabinetinə bu məqsədlə 8,8 milyon manat vəsait ayrılıb. Naxçıvan Muxtar Respublikası Ali Məclisi Sədrinin müvafiq sərəncamı ilə “ASAN xidmət” mərkəzi yaradılıb, 2 hektara yaxın torpaq sahəsi ayrılıb, aprel ayından etibarən mərkəz üçün yeni binanın tikintisinə başlanılıb.

Ardını oxu...

Bütün şəhərlər tar-mar edilmiş, bütün kəndlər yerlə-yeksan olmuş, məzarlıqlar belə dağıdılmışdır. Məscidlər dağıdılmış, minarələr eynilə tar-mar olmuşdur. Ermənilər hər şeyi məhv etdikləri kimi, tarixi və mədəni abidələri də, təbii, sərvətləri də qarət etdilər. Bütün bu ziyanın hesabı sorulmalıdır.

Bunu Türkiyə Prezidenti Rəcəb Tayyib Ərdoğan Bakıda keçirilən Zəfər paradında deyib.

R.T.Ərdoğan müharibə zamanı Azərbaycanın mülki əhalisinin ermənilər tərəfindən qətlə yetirilməsi haqqında da danışıb. Prezident bildirib ki, Gəncə, Tərtər, Ağdam, Bərdə, Ağcabədi kimi Azərbaycan torpaqları hədəfə alınmışdı: “Yüz məsum mülki şəxs şəhid edilib, analar balasız, uşaqlar atasız-anasız qalıb. Hücumlar nəticəsində 416 qardaşımız da yaralanıb. Müharibə hüququ kobud şəkildə pozulub, insanlıq şərəfi ayaqlar altına salınıb. Bunları görməməzliyə vuranların gözləri qədər vicdanları da korlaşmışdır. Hər məcrada bunun hesabını sormalıyıq”.

 

 

 

Türkiyə Böyük Millət Məclisinin (TBMM) sədri Mustafa Şenton Zəfər günü münasibətilə Azərbaycan xalqını təbrik edib.

M.Şentop bildirib: “Vahid Vətən Hərəkatında böyük zəfər əldə edən can Azərbaycanın Zəfər gününü təbrik edir, Qarabağa Azərbaycan Türkünün bayrağını asmaq, zülmə və işğala son qoymaq üçün şəhadətə ucalan 2783 qəhrəmanımıza Allahdan rəhmət diləyirəm”.

 

 

 

ARXİV

Yanvar 2020
Be Ça Ç Ca C Ş B
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

MÜƏLLİFLƏR

KEÇİDLƏR