21 Aprel 2021, Çərşənbə

            Hər bir xalqın mədəniyyəti yoldan başlayır. Yol mədəniyyət, həyat, iqtisadiyyatdır. Yollarin abad, səliqəli, rahat, geniş  olması təkcə nəqliyyat daşımaları üçün mühüm əhəmiyyət kəsb etmir, həmçinin ölkənin qüdrətindən, iqtisadi gücündən xəbər verir.  

          Azərbaycan Avropa və Asiyanı birləşdirən nəqliyyat marşrutlarının kəsişdiyi əlverişli strateji mövqedə yerləşir. Bu amil ölkəmizin tranzit əhəmiyyətini xeyli artırır. Respublikada görülən yol inşaat işlərinin miqyasının ölçüyəgəlməz dərəcədə geniş olmasında bu faktorun da yeri var. Son illər aparılan quruculuq işlərinin bir hissəsi olaraq  bölgələrdə kənd və qəsəbə yolları  təmir olunur, yeni istiqamətdə nəqliyyat qovşaqları yaradılır.

          Dövlət səviyyəsində bu sahəyə maraq həmişə olub və nəqliyyat infrastrukturunun inkişafı diqqət mərkəzindədir. Artıq bir neçə ildir ki,  ölkəmizin avtomobil yolları şəbəkəsinin saxlanılması, təmiri, yenidən qurulması və tikintisi layihələri hazırlanıb. O da faktdır ki, yol tikinti işlərinin keyfiyyətli görülməsi işlərində  inşaat və yol işləri texnikasinin tətbiqindən çox şey asılıdır.  Bu istiqamətdə işlər Naxçıvan Muxtar Respublikasında da əhəmiyyətli dərəcədə nəzərə çarpır.  

Ardını oxu...

Apreldə keçirilməsi nəzərdə tutulan imtahanların qrafiki açıqlanıb.

Dövlət İmtahan Mərkəzindən Trend-ə verilən məlumata görə, DİM tərəfindən 2021-ci ildə keçiriləcək imtahanların siyahısı haqqında yanvar ayının sonlarında məlumat verilmişdi. Həmin vaxt fevral və mart aylarında keçiriləcək imtahanların qrafiki, aprel-sentyabrda keçirilməsi nəzərdə tutulan imtahanların isə aylar üzrə ardıcıllığı müəyyən olunmuşdu.

Müvafiq qurumlar tərəfindən sanitar-epidemioloji vəziyyətin kütləvi imtahanların keçirilməsi üçün əlverişli hesab olunacağı təqdirdə Dövlət İmtahan Mərkəzi tərəfindən aprel ayı ərzində tam (11 illik) orta təhsil səviyyəsi üzrə buraxılış imtahanlarının keçirilməsi nəzərdə tutulur. İmtahan tarixləri və onların şəhər-rayonlar üzrə bölgüsü aşağıdakı cədvəldə verilib.

Qeyd edək ki, bütün imtahanlar yenə də Azərbaycan Respublikası Nazirlər Kabineti yanında Operativ Qərargahın virusla bağlı tövsiyələri nəzərə alınmaqla sosial məsafənin qorunması, eyni binada imtahan verənlərin sayına məhdudiyyətin qoyulması və Qərargahın müəyyən elədiyi digər şərtlərin yerinə yetirilməsi ilə təşkil olunacaq.

Ardını oxu...

Sənədləşdirmə prosesinin asanlaşdırılması məqsədilə müharibə veteranları barədə vahid informasiya bazası yaradılır.

Bununla əlaqədar “Veteranlar haqqında” qanuna dəyişiklik təklif olunur.

Milli Məclisə təqdim olunan dəyişikliyə əsasən, qanunun 3-cü maddəsinə (Müharibə veteranları) yeni bənd əlavə olunur.

Yeni bəndə görə müvafiq icra hakimiyyəti orqanının müəyyən etdiyi orqan (qurum) müharibə veteranlarının vahid informasiya bazasını yaratmaq məqsədilə müvafiq icra hakimiyyəti orqanının müəyyən etdiyi orqanın (qurumun) elektron informasiya sistemində müharibə veteranlarının reyestrini elektron formada aparır. Müharibə veteranlarının reyestrinin aparılması qaydası müvafiq icra hakimiyyəti orqanının müəyyən etdiyi orqan (qurum) tərəfindən müəyyən edilir.

Müharibə veteranlarının reyestrinin hazırlanmasında əsas məqsəd hazırki tarixədək verilmiş və bundan sonra verilə biləcək statuslar əsasında müharibə ilə əlaqədar əlilliyi olan şəxslər və müharibə veteranları barədə vahid informasiya bazasının yaradılması, müvafiq məlumatların toplanılması, saxlanılması və axtarışının avtomatlaşdırılmasının təmin edilməsidir.

Reyestrin təşkili gələcəkdə status verilmiş şəxslərin sayının dəqiqləşdirilməsi, onların uçotunun aparılması, şəxslərin (ailə üzvlərinin) statusları haqqında kağız daşıyıcılarda olan müvafiq vəsiqələrdən imtina edilməsi, onların dövlət orqanlarına müraciətləri zamanı statuslarının onlayn rejimdə müəyyən edilməsi, habelə sosial təminat hüquqlarına proaktiv qaydada baxılması imkanları yaradacaqdır.

Layihə “Veteranlar haqqında” Azərbaycan Respublikasının Qanununda müharibə veteranlarının reyestrinin yaradılması ilə bağlı yeni müddəanın təsbit edilməsini nəzərdə tutur.

 

 

 

 

Qoşunların 2021-ci ilin döyüş hazırlığı planına uyğun olaraq Azərbaycan Ordusu əməliyyat-taktiki təlimlərinə başlayıb.

Müdafiə Nazirliyindən verilən məlumata görə, Müdafiə nazirinin rəhbərliyi ilə keçirilən təlimə 10.000 nəfərədək şəxsi heyət, 100-dək tank və digər zirehli texnika, 200-dək müxtəlif çaplı raket və artilleriya qurğusu, reaktiv yaylım atəş sistemi və minaatanlar, 30-dək hərbi aviasiya və müxtəlif təyinatlı pilotsuz uçuş aparatları cəlb olunub.

Dağlıq-meşə və çətin relyefli ərazilərdə keçirilən təlimlərdə Vətən müharibəsində qazanılan döyüş təcrübəsi nəzərə alınmaqla əsas diqqət qoşunların idarəolunması, döyüşə hazırolma vəziyyətinə gətirilməsi və yenidən qruplaşması, o cümlədən ümumqoşun birlikləri, Raket və Artilleriya Qoşunları, aviasiya, Xüsusi Təyinatlı Qüvvələr arasında döyüş uzlaşması və qarşılıqlı fəaliyyətin təkmilləşdirilməsinə yönəldilib.

Martın 18-dək davam edəcək təlimlərdə qoşunlar terrorçu dəstələr (qruplar), həmçinin qanunsuz silahlı qruplaşmalar ilə mübarizə və anti-terror əməliyyatları üzrə tapşırıqları icra edəcək.

 

 

 

 

Əməliyyat-taktiki təlimlərin rəhbərliyi, eləcə də Azərbaycan Ordusunun təlimlərə cəlb edilən şəxsi heyəti və xüsusi texnikası təlim bölgəsinə yola düşüb.

Müdafiə Nazirliyindən  verilən məlumata görə, yerdən və havadan müşayiət ediləcək kolonların hərəkət marşrutlarında komendant xidməti təşkil olunub.

Təlimlər martın 18-dək davam edəcək.

 

 

 

 

Azərbaycanda daha iki məktəb koronavirus səbəbindən distant təhsilə keçib.

Bakı şəhəri Xətai rayonu 27 nömrəli tam orta məktəb yoluxmaya görə bağlanıb.

Distant təhsilə keçən digər məktəb isə Qax rayonu 2 nömrəli ümumtəhsil müəssisəsidir. Məktəbdən məlumatı təsdiqləyiblər.

Bildirilib ki, məktəb bu gündən etibarən fəaliyyətini dayandırıb.

 

 

 

 

Heydər Əliyev ideallarına sarsılmaz sədaqət Naxçıvanı yeni-yeni uğurlara aparır

Ölkəmizin zəngin mədəniyyətə, çoxəsrlik dövlətçilik ənənələrinə malik olan Naxçıvan Muxtar Respublikası blokadanın və pandemiyanın yaratdığı ciddi çətinliklərə baxmayaraq, qədimliyini və tarixiliyini qorumaqla sosial-iqtisadi baxımdan sürətli inkişafını uğurla davam etdirir. Azərbaycan Prezidenti İlham Əliyevin diqqət və qayğısı, fədakar naxçıvanlıların səyləri nəticəsində burada bir sıra mühüm infrastruktur layihələri reallaşdırılır, elektrik stansiyaları, idman kompleksləri, təhsil, səhiyyə, mədəniyyət və turizm obyektləri inşa edilir, yeni yollar çəkilir, milli və müasir memarlığın nailiyyətlərini özündə əks etdirən meydanlar, istirahət bağları və parkları, müasir üslublu tikililər, milli arxitekturalı binalar ucaldılır, istehsal müəssisələri yaradılır. Bir sözlə, ulu öndərimiz Heydər Əliyev ideallarına sarsılmaz sədaqət nümayiş etdirən Naxçıvan iqtisadi, sosial və mədəni inkişafının tarixi dönüş mərhələsini yaşamaqdadır. Dövlətimizin başçısının dediyi kimi: “Əsas məsələ Vətən sevgisidir. İqtisadi imkanlar böyük də ola bilər, o qədər böyük olmaya da bilər. Amma əgər Vətən sevgisi varsa, məhdud iqtisadi imkanlarla da çox iş görmək olar. Mən çox şadam ki, naxçıvanlıların Vətənə bağlılığı həmişə olduğu kimi, çox yüksək səviyyədədir”. Ötən ayın ümumi mənzərəsinə nəzər yetirdikdə bunu bir daha aydın şəkildə görmək olar.

Ardını oxu...

Prezident İlham Əliyev Naxçıvan Şərur və Sədərək rayonlarının inzibati ərazi bölgüsündə qismən dəyişikliklər edilməsi haqqında Azərbaycan Respublikasının Qanunu təsdiqləyib.

Ardını oxu...

“Naxçıvan Qarnizonu Qoşunlarının 2021-ci tədris ilinə uzlaşma planı”na əsasən komanda-qərargah təlimi keçirilib.

Komanda-qərargah təlimində Naxçıvan Qarnizonu Qoşunları müxtəlif döyüşə hazırolma dərəcələrinə gətirilib, birləşmə və hissələr “Həyəcan” siqnalı ilə qaldırılaraq təlim rayonuna çıxarılıb. Müxtəlif dərəcəli döyüşə hazırolma vəziyyətinə gətirilmə zamanı şəxsi heyətin tapşırıqları operativ yerinə yetirməsi məşq etdirilib.

Ardını oxu...

Ardını oxu...

Ötən ayın ümumi mənzərəsi müasirləşən qədim diyarımızın daha parlaq gələcəyindən xəbər verir


Naxçıvan Muxtar Respublikasında aparılan abadlıq-quruculuq işləri diyarımızı müasir inkişaf mərhələsinə çıxarmış, sakinlərin rahat yaşayışı təmin edilmişdir. Ötən ildən bütün dünyada pandemiyanın geniş yayıldığı və ölkəmizin ağır müharibədən çıxdığı bir dövrdə belə, geniş quruculuq işlərinin həyata keçirilməsi respublikamızın sosial-iqtisadi inkişafının göstəricisidir. Muxtar respublikanın bütün şəhər və rayonları, o cümlədən kəndləri simasını dəyişmiş və müasirləşmişdir. İftixarla demək olar ki, indi ucqar dağ kəndlərimiz infrastruktur təminatı baxımından paytaxt Naxçıvan şəhərindən heç də geridə qalmır. Bu quruculuq ərməğanlarından Azərbaycanın incisi Ordubada da pay düşmüşdür. Fevralın 5-də rayonun Nüsnüs və Yuxarı Əndəmic kəndlərində yeni sosial obyektlər istifadəyə verilmişdir.

Ardını oxu...

Əlahiddə Ümumqoşun Ordunun tank birləşmələrində keçirilən məşğələlərdə əsas diqqət şəxsi heyətin çətin relyefli ərazilərdə zirehli tank texnikalarını idarə edərək döyüş meydanında hədəfləri məhv etmək vərdişlərinin təkmilləşdirilməsinə yönəldilib. Təlim mərkəzlərində sürücülük və atəş bacarıqları yoxlanılan heyətlər zirehli texnikanın ərazidə təbii və süni maneələri dəf etməklə sürülməsini icra edir, müxtəlif manevr və atışlar həyata keçirirlər. Plana uyğun olaraq gecə vaxtı çətin relyef və məhdudgörmə şəraitində təşkil olunan məşğələlərdə ekipajların müasir tank texnikaları ilə minalı sahələrdən, süni və təbii maneələrdən keçməklə atəş tapşırıqlarını yerinə yetirmələri praktik məşq etdirilir.

Ardını oxu...

AMEA Naxçıvan Bölməsinin mətbuat xidmətindən bildirilib ki, əvvəlcə institutun Təbiət muzeyində olan məktəblilərə muzeyin fəaliyyəti, burada qorunub saxlanan flora və fauna nümunələri, çoxsaylı ekspedisiyalar zamanı toplanılmış, xüsusi məhlullarda saxlanılan heyvan növləri haqqında  məlumat verilib. Bildirilib ki, muxtar respublikanın torpaq-iqlim şəraitində yüksək məhsuldarlığı ilə seçilən 50-dən çox buğda hibridi, seleksiya sortları, əldə olunan cövhər və təbii yağlar da muzeydə sərgilənir.

Ardını oxu...

Dövlət İmtahan Mərkəzinə məxsus server infrastrukturunun yeni ünvana köçürülməsi ilə əlaqədar 2021-ci il 17,18,19 mart tarixlərində Mərkəzin bütün elektron xidmətlərinin və informasiya sistemlərinin, o cümlədən “Tələbə-məzun”, “Şagird-məzun”, “Musiqi məktəbi-məzun” sistemi, “Dövlət qulluqçularının Reyestri” informasiya sisteminin fəaliyyətinin dayandırılması planlaşdırılır.

Bu barədə DİM-dən məlumat verilib. Bildirilib ki, bu müddət ərzində Mərkəzin internet saytının digər bölmələri işlək vəziyyətdə olacaq.

 

 

 

Argentinanın geniş oxucu kütləsinə malik “Clarin” qəzetində dahi şair və mütəfəkkir Nizami Gəncəvinin 880-ci illiyinə həsr olunmuş məqalə dərc edilib.

Müəllifi Argentina Respublikası İslam Mərkəzinin mədəni məsələlər üzrə katibi, professor Rikardo Elia olan, “Əqidəsinə görə sarayın dəbdəbəsindən imtina edən şair” başlıqlı məqalədə Nizami Gəncəvinin humanist və sosial islahatçı xarakterli dahi Azərbaycan şairi olduğu bildirilir və onun həyat və yaradıcılığı, xüsusilə dünyada məşhur olan poemalar toplusu “Xəmsə”si haqqında məlumat verilir.

Müəllif 1924-cü ildə Nizaminin “Yeddi gözəl” poemasını ilk dəfə ingilis dilinə tərcümə edən ingilis mütəxəssisi Çarles Vilsonun istinad edərək, Nizaminin sözügedən əsərində poetik mənada işlətdiyi dərin məcazların izahının ustalıq tələb etdiyini bildirir.

Ardını oxu...

Bakıda və Abşeron yarımadasında martın 12-si səhərdən 13-ü səhərədək şimal-qərb küləyinin əsəcəyi, sürətinin saniyədə 15-20, arabir 23-25 metr olacağı, gündüz yarımadanın bəzi yerlərində arabir 28-33 metr/saniyəyədək güclənəcəyi gözlənilir.

Milli Hidrometeorologiya Xidmətindən bildiriblər ki, martın 11-də arabir yağan yağışın martın 12-də sulu qara, gündüz qara keçəcəyi, bəzi yerlərdə intensiv olacağı, günün ikinci yarısında çovğun olacağı ehtimalı var. Havanın temperaturu ötən günlərlə müqayisədə 3-5° enərək martın 12-dən 13-nə keçən gecə 0° olacaq.

Azərbaycanın rayonlarında martın 11-i gündüz şimal və qərb rayonlarından başlayaraq 13-ü səhərədək ölkə ərazisində hava şəraitinin qeyri-sabit keçəcəyi, arabir yağıntılı olacağı, bəzi yerlərdə qar yağacağı, ayrı-ayrı yerlərdə intensiv olacağı gözlənilir. Qərb küləyi əsəcək, martın 11-də 15-20 metr/saniyə olacaq, martın 12-də arabir 23-28, ayrı-ayrı yerlərdə arabir 30-33 metr/saniyəyədək güclənəcək. Havanın temperaturu ötən günlərlə müqayisədə 5-8° enəcək. Əsasən dağlıq və dağətəyi rayonlarda yolların buz bağlama ehtimalı var.

 

 

 

 

2006-cı ildən etibarən hər il martın ikinci cümə axşamı Ümumdünya Böyrək Günü qeyd edilir. Əslində bu, böyrəklərin əhəmiyyəti haqqında qlobal informasiya və maarifçilik kampaniyasıdır.

Ümumdünya Böyrək Gününün qeyd edilməsi Beynəlxalq Nefroloqlar Cəmiyyəti və Beynəlxalq Böyrəklər Fondu Federasiyasının birgə səylərinin nəticəsində mümkün olub.

Həmin günün qeyd olunmasının əsas məqsədi beynəlxalq və dövlət təşkilatlarının, siyasi strukturların diqqətinin səhiyyəyə cəlb edilməsi, səhiyyə sisteminin inkişafına yardım göstərmək, böyrək xəstələrinin problemi ilə əlaqədar səylərin birləşdirilməsidir. Həmçinin məqsədlər sırasında tibbin bu sahəsində mütəxəssislərin təcrübə mübadiləsinin aparılması, böyrək xəstəliklərinin profilaktikası, müalicə keyfiyyətinin yaxşılaşdırılması, xəstələrə yardım göstərilməsi üçün yeni dərman preparatları və tibb avadanlıqlarının hazırlanmasına diqqəti cəlb etmək də var. Ümumdünya Səhiyyə Təşkilatının və Beynəlxalq Nefroloqlar Cəmiyyətinin məlumatlarına əsasən böyrək xəstəliyi dünya əhalisinin 10 faizi arasında yayılıb və təəssüf ki, bu rəqəm getdikcə artır. Söhbət letallıqla sona çatan, xroniki hala çevrilən ağır xroniki xəstəliklərdən gedir.

"Kəskin böyrək çatışmazlığı" və "xroniki böyrək çatışmazlığı" diaqnozu haqqında çoxları eşidib. Amma bunların ürək-damar xəstəlikləri, şəkərli diabet, QİÇS və digər xəstəliklərdə əksər hallarda ölümə səbəb olduğunu və ölüm riskini artırdığını az adam bilir. Böyrəklərin əsas funksiyası - şlakları, zərərli maddələri və duz yığıntılarını orqanizmdən təmizləməklə əlaqədardır. Həmin funksiyanın pozulması orqanizmin sürətlə intoksikasiyasına, bütün sistemin işinin pozulmasına və nəticədə ölümə aparıb çıxarır. Böyrək çatışmazlığı şəraitində istənilən xəstəliyin müalicəsi zamanı medikomentoz preparatların qəbulu orqanizmin zəhərlənməsi riskini artırır.

Ümumdünya Böyrək Günü çərçivəsində elmi-praktik konfranslar təşkil olunur, xəstəliyin profilaktikası, ictimaiyyətin maarifləndirilməsi istiqamətində müzakirələr aparılır. Keçirilən tədbirlərin məqsədi ictimai səhiyyə sahəsində çalışan mütəxəssislərin və ictimaiyyətin diqqətini geniş yayılmış xroniki böyrək çatışmazlığı, böyrək xəstəliyinin aşkarı və müalicə üsullarına yönəltməkdir.

 

 

 

Martın 11-də İran ərazisində maqnitudası 4.5 olan zəlzələ baş verib.

Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən bildirilib ki, yeraltı təkanlar yerli vaxtla saat 09:46-da qeydə alınıb.

Ocağı 7 kilometr dərinlikdə yerləşən zəlzələ Naxçıvan Muxtar Respublikasının sərhədə yaxın ərazilərində 3 bala qədər hiss olunub.

 

 

 

 

Azərbaycanda yeni növ koronavirus (COVID-19) infeksiyasına bölgələr üzrə yoluxma göstəriciləri açıqlanıb.

Koronavirusinfo.az saytına istinadən xəbər veririk ki, ölkəmizdə koronavirusa yoluxma hallarının 52,5 faizi paytaxtın payına düşür.

Bundan əlavə, həmin göstərici Aran rayonlarında 13,1, Abşeron rayonunda 12,9, Gəncə-Qazax bölgəsində 8,1, Şəki-Zaqatalada 3,3, Quba-Xaçmazda 3, Lənkəranda 2,8, Dağlıq Şirvanda 2,5, Yuxarı Qarabağda 1,4, Naxçıvan Muxtar Respublikasında 0,04 faiz təşkil edir. Ölkə xaricindən idxalolunma halı 0,4 faizdir.

Türkiyənin xarici işlər naziri Mövlud Çavuşoğlunun Qırğızıstana səfərinin yekunları ilə bağlı mətbuat konfransı keçirilib.

Jurnalistlərin suallarına Mövlud Çavuşoğlu və qırğız həmkarı Ruslan Kazakbayev cavab verib.J

Hər iki nazir səfərin əhəmiyyəti haqqında söz açıb, səmərəli danışıqlar aparıldığını bildiriblər.

Ruslan Kazakbayev deyib ki, danışıqlarda ölkələr arasında ticari-iqtisadi sahədə əməkdaşlığın dərinləşdirilməsinə xüsusi diqqət yetirilib. Türkiyə tərəfi Qırğızıstan-Türkiyə İnvestisiya Fondunun yaradılması təklifini irəli sürüb. Qırğızıstan, Rusiya və Macarıstan arasında artıq belə bir fond yaradılıb və uğurla fəaliyyət göstərir. Biz Türkiyə ilə əmtəə mübadiləsini 1 milyard dollara çatdırmağı qərara almışıq.

Mövlud Çavuşoğlu qeyd edib ki, ticarət, nəqliyyat və loqistika sahələrində maneələr aradan qaldırılmalıdır. Qırğızıstanda və Türkiyədə logistik mərkəzlər qurulmalı, Qırğızıstandan Azərbaycana nəqliyyat dəhliz yaradılmalıdır. Sonra isə Qırğızıstandan mallar Azərbaycan vasitəsi ilə rahat şəkildə Gürcüstan, Türkiyə və Avropaya göndərilə bilər. Türkiyənin xarici işlər naziri təklif edib ki, bu tip layihələri reallaşdırmaq lazımdır.

Ruslan Kazakbayev bildirib ki, Qırğızıstan Prezidenti Sadır Japarovun Türkiyəyə rəsmi səfəri hazırlanır. Səfər müddətində 8-9 sənədin imzalanması gözlənilir. Bu səfər əlaqələrin daha da dərinləşməsinə təkan olacaq.

 

 

 

Yeni nəsil şəxsiyyət vəsiqələrinin elektron çipinə daxil edilən elektron imza sertifikatlarının aktiviləşdirilməsinin ödənişsiz təşkili üçün layihə hazırlanıb.

Bu, Nazirlər Kabinetinin 2020-ci il üzrə hesabatında qeyd edilib.

Hesabatda qeyd edilib ki, məqsəd elektron xidmətlərdən istifadənin kütləviləşdirilməsidir.

Yeni nəsil şəxsiyyət vəsiqələrinin elektron çipinə daxil edilən elektron imza sertifikatlarının aktiviləşdirilməsinin ödənişsiz təşkili Nəqliyyat, Rabitə və Yüksək Texnologiyalar Nazirliyi tərəfindən "Azərbaycan Respubvlikası Prezidentinin 2013-cü il 23 oktyabr tarixli 3 nömrəli fərmanı ilə təsdiq edilmiş "Azərbaycan Respublikası vətəndaşının şəxsiyyət vəsiqəsi haqqında" qanunun tətbiqi barədə Əsasnamə"də dəyişiklik edilməsi barədə Azərbaycan Prezidentinin fərman layihəsi hazırlanıb. Hazırda layihənin razılaşdırılması üçün işlər davam etdirilir.

 

 

 

 

Doğma yurdumuz Naxçıvan müstəqillik illərində, sözün həqiqi mənasında, özünün yeni inkişaf mərhələsinə qədəm qoyub: insanların yaşayış səviyyəsi yüksəlib, həyata baxışları köklü surətdə dəyişib. Bu illər ərzində iqtisadiyyatımızın gücləndirilməsi istiqamətində həyata keçirilən kompleks tədbirlər öz bəhrəsini verib və bu tədbirlər ardıcıl davam etdirilir. Sosial-iqtisadi inkişafımızı şərtləndirən amillər içərisində ən başlıcası isə muxtar respublikada böyük vüsət alan quruculuq işləridir. Heç bir fərq qoymadan bütün şəhər və kənd yaşayış məntəqələrində görülən bu işlər doğma yurdumuzun simasını əsaslı surətdə dəyişir. Və bu dəyişikliklər də insanların həyat şəraitini daha da yaxşılaşdırır. Sosial-iqtisadi sahədə görülmüş işlərin təhlili göstərir ki, Sədərək rayonunda da bütün istiqamətlərdə uğurlu nəticələr əldə edilib. Təkcə ötən ilin iqtisadi göstəricilərinə nəzər salsaq, bunu aydın görərik. Belə ki, 2020-ci ildə Sədərək rayonunda iqtisadiyyatın şaxələndirilməsi və sosial sahənin inkişafı üzrə həyata keçirilən tədbirlər 2020-ci ildə də davam etdirilib, yüksək nəticələr əldə olunub.

Ardını oxu...

Azərbaycan Xarici İşlər naziri Ceyhun Bayramov və Macarıstanın Xarici İşlər naziri Peter Siyarto arasında görüş başlayıb.

Macarıstanın Xarici İşlər naziri Peter Siyarto Azərbaycana işgüzar səfərdədir.

X X X
10.00

Macarıstanın Xarici İşlər naziri Peter Siyarto Azərbaycana işgüzar səfər edib.

Xarici İşlər naziri Ceyhun Bayramov Azərbaycana işgüzar səfər edən Macarıstan XİN başçısını qarşılayıb.

Türk şirkətləri Xəzər dənizindəki neft və qaz yataqlarının işlənilməsində əməkdaşlıq etməyə hazırdır.

Bunu Türkiyənin xarici işlər naziri Mövlud Çavuşoğlu deyib.

Bu yaxınlarda Türkmənistanla Azərbaycan arasında Xəzər dənizindəki “Dostluq” yatağının birgə işlənməsi ilə bağlı razılaşmanı yüksək qiymətləndirən nazir Türkiyə şirkətlərinin də bu istiqamətdə əməkdaşlıq niyyətini tərəflərə çatdırdıqlarını deyib:

"Buradan hasil olunacaq qaz və neftin hazırda fəaliyyətdə olan boru xətləri ilə Türkiyəyə çatdırılması da nəzərdə tutulur. Hər mənada əməkdaşlıq imkanı var".

 

 

 

DİM və Təhsil Nazirliyinin mütəxəssisləri hazırkı vəziyyəti bir daha təhlil edərək ümumi təhsil səviyyəsi üzrə buraxılış imtahanının tapşırıqlarının formasını daha da sadələşdiriblər.

Bunu Dövlət İmtahan Mərkəzinin mətbuat katibi Xanlar Xanlarzadə deyib.

Ümumi təhsil pilləsində buraxılış imtahanının bir mərhələdə keçiriləcəyini xatırladan X.Xanlarzadənin sözlərinə görə, imtahanda tədris dili və xarici dil fənlərinin hər birindən 30, riyaziyyatdan 25 olmaqla, ümumilikdə 85 tapşırıq veriləcək. İmtahanda yazılı cavab tələb edən açıq tipli suallardan istifadə edilməyəcək. İştirakçılara qapalı tipli tapşırıqlar, kodlaşdırıla bilən seçim və hesablama tipli açıq tipli suallar təqdim ediləcək:

"Proqramda əsas hissə kimi 5-ci sinifdən başlayaraq, 9-cu sinfin birinci yarımilində keçirilmiş materiallar götürülür. Tədris prosesində ikinci yarımil üzrə keçirilməsi planlaşdırılan mövzular isə 5-8-ci siniflər üzrə tərtib olunacaq".

 

 

 

 

Azərbaycan Respublikasının Prezidenti cənab İlham Əliyevin 2008-ci il 7 aprel tarixli Sərəncamına əsasən hər il martın 10-u Azərbaycan Respublikasında “Qızıl Aypara Günü” kimi qeyd olunur.
Özündə xeyirxahlıq və humanizmi ehtiva edən Qızıl Aypara Cəmiyyəti ölkəmizdə 1920-ci il mart ayının 10-da Azərbaycan Respublikasının Müdafiə naziri, general-leytenant Əliağa Şıxlınskinin təşəbbüsü ilə təsis edilmişdir. Yarandığı vaxtdan qurumun başlıca məqsədi xeyirxah ideyalar olub, kimsəsizlərə, fəlakətlə üz-üzə dayananlara, ehtiyacı olanlara kömək göstərilib. Lakin 1920-ci ilin aprelində Azərbaycanda sovet hökuməti qurulduqdan sonra Qızıl Aypara Cəmiyyətinin də fəaliyyəti dayandırılıb. 1923-cü ildə yenidən həyata vəsiqə alan cəmiyyət 1991-ci ilə kimi humanist prinsipləri həyata keçirməklə özünəməxsus fəaliyyət göstərmişdir.

Ardını oxu...

Mərhəməti Qələbəyə səsləyən Vətən fəryadı  

(Portret oçerk)


Hər il olduğu kimi, 2004-cü il fevralın 26-sı televizor ekranlarında məşhur “Fəryad” filmi nümayiş olunur. Mərhəmət balacalıqdan Azərbaycan Televiziyasında yayımlanan bu filmi hər dəfə böyük həyəcanla izləsə də, gözləri heç vaxt hiddətdən bu qədər böyüməmişdi. Həmin il onun gördüyü kadrlar daha da dəhşətli, əzablı, daha da iztirablı gəlirdi ona. Kinofilm həmin kinofilm idi. Kadrlar da həmin kadr. Məsələ orasındadır ki, Mərhəmət həmin yaşda deyildi. Artıq böyümüşdü. Hər şeyin fərqində idi. Bu səhnələrə baxıb, gah Qarabağ torpağını  işğal edən mənfur düşmənləri söyür, gah filmin baş qəhrəmanı igid İsmayılın (Ceyhun Mirzəyev) düşdüyü vəziyyətə acıyır, qəhərə boğulurdu. İçindən kəsilə-kəsilə qalırdı. Bax, beləcə, mərhəmətli bir gəncin ürəyinə qisas duyğusunu Qarabağ fəryadı salmışdı. Ekran qarşısında sarsıntı keçirdiyini görən Xatirə ana oğluna təskinlik verir, “üzülmə bala, düşmənə lənət. Gün gələcək sizin kimi qeyrətli oğullar böyüyüb qisasımızı yağı düşməndən alacaq”. O gündən Mərhəmət Vətən, millət kəlmələrinin müqəddəsliyini dərindən duymuşdu. Seçdiyi yol Vətən naminə xilaskarlıq, yurd təəssübü, millət qayğısı, el qədri idi.

Ardını oxu...

Azərbaycan Respublikasında koronavirus (COVID-19) infeksiyasına 297 yeni yoluxma faktı qeydə alınıb, 126 nəfər müalicə olunaraq sağalıb.

Nazirlər Kabineti yanında Operativ Qərargahdan  verilən məlumata görə, COVID-19 üçün götürülən analiz nümunələri müsbət çıxmış 3 nəfər vəfat edib.

İndiyədək ölkədə ümumilikdə 237 260 nəfərin koronavirus infeksiyasına yoluxması faktı müəyyən edilib, onlardan 229 915 nəfər müalicə olunaraq sağalıb, 3 250 nəfər vəfat edib, aktiv xəstə sayı 4 095 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 5 152, ötən müddət ərzində isə ümumilikdə 2 663 151 test aparılıb.

Martın 10-da Rusiyanın xarici işlər naziri Sergey Lavrov Qətərdə türkiyəli həmkarı Mövlud Çavuşoğlu ilə görüşəcək.

Bu barədə Rusiya XİN bildirib.

Qeyd edək ki, S.Lavrov Yaxın Şərq ölkələrinə səfərlər keçirəcək.

Qətərdə rusiyalı nazir əmir Tamim bin Həməd əl-Tani və xarici işlər naziri Məhəmməd bin Əbdül əl-Tani ilə görüşəcək.

 

 

 

 

Gəncə-Naxçıvan aviareysinin bərpa edilməsi məsələsinə yenidən baxılması nəzərdə tutulur.

Bu, Nazirlər Kabinetinin 2020-ci il üzrə hesabatında qeyd edilib.

Hesabatda bildirilir ki, Gəncə-Naxçıvan və Naxçıvan-Gəncə reysləri İran üzərindən yerinə yetirilir. Bu səbəbdən uçuş məsafəsinin, uçuş vaxtının 30 dəqiqədən 1 saat 8 dəqiqəyə artması reyslərin Gəncədə eniş etməklə yerinə yetiriməsində müəyyən çətinliklər yaradır. Gürcüstan və Türkiyə üzərindən uçuşlar isə bu müddətin daha da artması və əlavə maliyyə xərcləri ilə nəticələnəcək.

 

 

 

 

 

 

Gəncə-Naxçıvan aviareysinin bərpa edilməsi məsələsinə yenidən baxılması nəzərdə tutulur.

Bu, Nazirlər Kabinetinin 2020-ci il üzrə hesabatında qeyd edilib.

Hesabatda bildirilir ki, Gəncə-Naxçıvan və Naxçıvan-Gəncə reysləri İran üzərindən yerinə yetirilir. Bu səbəbdən uçuş məsafəsinin, uçuş vaxtının 30 dəqiqədən 1 saat 8 dəqiqəyə artması reyslərin Gəncədə eniş etməklə yerinə yetiriməsində müəyyən çətinliklər yaradır. Gürcüstan və Türkiyə üzərindən uçuşlar isə bu müddətin daha da artması və əlavə maliyyə xərcləri ilə nəticələnəcək.

 

 

 

Nazirlər Kabinetinin 2020-ci il üzrə hesabatı Milli Məclisə daxil olub.

Sənəd növbəti iclaslarda müzakirəyə çıxarılacaq.

 

 

 

 

“Qarşımızdakı müddətdə xüsusilə ticarətimizi artırmaq üçün preferesial ticarət razılaşması imzalamaq istəyirik, imzalamadan sonra əhatəli azad ticarət razılaşmasının müzakirəsinə başlamaq istəyirik. Biz Özbəkistanın ilk 5 əsas ticarət tərəfdaşından biriyik və Özbəkistanan ən çox sərmayə qoyan ölkəyik”.

Bunu Daşkənddə səfərdə olan Türkiyənin xarici işlər naziri Mövlud Çavuşoğlu deyib.

“Bu gün kommunikasiya xətlərinin möhkəmləndirilməsi, müdafiə sənayesi, hərbi təhlükəsizlik münasibətləri, təhsil və mədəniyyət münasibətlərimizi genişləndirməyi və digərləri haqqında fikir mübadiləsi apardıq. Həmçinin Əfqanıstan, Dağlıq Qarabağ, Türk Şurası, İslam Əməkdaşlıq Təşkilatı kimi regional mövzuları müzakirə etdik”, - nazir vurğulayıb.

 

 

 

Azərbaycanda “Pasportlar haqqında” qanuna şəxsiyyət vəsiqəsində baş örtüklərindən istifadə edilməsi ilə bağlı əlavə və dəyişikliklərin edilməsi təklif edilir.

Bu, Azərbaycanda insan hüquqlarının qorunması haqqında İnsan hüquqları üzrə müvəkkilin (Ombudsmanın) 2020-ci il üzrə məruzəsində qeyd edilib.

Hesabatda bildirilir ki, “Azərbaycan Respublikası vətəndaşının şəxsiyyət vəsiqəsi haqqında” qanunda şəxsiyyət vəsiqəsinin üzərində Beynəlxalq Mülki Aviasiya Təşkilatının (ICAO) tələblərinə uyğun fotoşəklin yerləşdirilməsinin nəzərdə tutulmasına baxmayaraq, həmin tələblərə aydınlıq gətirilmir və bu hallar şikayətlərə səbəb olur. Bunun üçün də fotoşəkillərin yol verilən nümunələrinin (baş örtüklərindən istifadə edilməsi və s.) əks etdirilməsi ilə bağlı müvafiq qanuna, habelə “Pasportlar haqqında” qanuna əlavə və dəyişikliklərin edilməsi təklif edilir.

Ardını oxu...

Mən qürurunu, fəxarətini haqsızlığa üsyan edib zülmə boyun əyməyən, son anadək rəşadətlə vuruşaraq həsrətli, hicranlı torpaqlarımıza vüsal, azadlıq toxumu səpən övladının vüqarından, qəhrəmanlığından alan, Şəhid anası adlı müqəddəs mərama ucalan yüzlərlə azərbaycanlı xanımdan biri-Aytən Eyvazova. Xatirəsi nisgilli, qəmli gözlərimə işıq, nur gətirən, şücaəti, igidliyi pərişan qəlbimə təsəlli, hüzur bəxş edən Vətən oğlundan- son beşiyim İslamdan söhbət açmaq istəyirəm sizlərə. Düşündükcə xəyallar qanad açaraq uzaq keçmişə uçur, illər, fəsillər öncəsinə aparır məni, ailəmizdə yaşanan sevincli-kədərli anlarımız, qayğılı-qayğısız günlərimiz bir-bir gəlib keçir gözlərim önündən...

1999-cu il aprelin 7-də 5 nəfərdən ibarət ailəmiz daha da böyüdü, Uca Yaradan sonuncu övlad payı ilə sevinc, xoşbəxtlik gətirdi evimizə. Babasının adını qoyduğumuz üçün ailəmizdə hər kəs onu İslam deyil, Totu çağırardı. Elə körpəlikdən hər şeyə can atmağı, ürəkli, qorxmaz davranışı, şirin-şəkər şıltaqlığı ilə seçilirdi məhəllədəki həmyaşıdlarından. Atası ilə əl-ələ verib çalışdıq, halal zəhmətimizlə böyütdük övladlarımızı, qardaş-bacıları kimi İslam da yıxıla-dura, yaxşı-yaman yaşa doldu.Vaxt-vədə yetişdi, günlərin birində məktəb yaşına çatdı balam, əlindən tutub apardım Naxçıvan şəhərindəki 15 nömrəli tam orta məktəbə. İbtidai sinifdə sakitliyi, mehriban münasibətilə pedaqoji kollektivin hörmətini qazandı, bir müəllimdən şikayət, narazılıq eşitmədik İslam haqda. İkinci sinifdə oxuyanda dedi ki, ana musiqiyə marağım var, istəyirəm piano çalmağı öyrənim. Evimizin son beşiyi olduğu üçün atası da, mən də hər zamankı kimi qəlbinə dəymədik, arzusuna, istəyinə qarşı çıxmadıq. Həm evimizə yaxın olduğu üçün, həm də haqqında yüksək fikirlər eşitdiyimizdən Ərtoğrol Cavid adına Uşaq Musiqi və Bədii Sənətkarlıq Məktəbində piano ixtisasına yazdırdıq adını. Oxudu axıradək məktəbi, səlis ifa etməyi öyrəndi, musiqi alətinin sirlərinə dərindən yiyələndi, təhsilini davam etdirmək üçün şəhadətnamə də aldı. Ancaq bu yolu axıradək getmədi. Sən demə ürəyinin dərinliyində daha böyük arzular yatırmış övladımın. 8-ci sinfi bitirəndə dedi ki, əziz atam və anam, mən sənədlərimi Heydər Əliyev adına Hərbi Liseyə vermək niyyətindəyəm, arzum gələcəyin peşəkar zabiti kimi yetişməkdir, özü də qırmızı papaqlılardan olmaq istəyirəm. Soruşanda ki, ay övlad, qırmızı papaqlı nə deməkdir, dedi ki, bəs xüsusi təyinatlı bölmənin şəxsi heyəti başlarına qırmızı papaq qoyur, mən də orada xidmət keçmək arzusundayam. Ancaq əvvəlcə təhsil almalıyam ki, hərb sənətinə, bu sahəyə daha dərindən bələd olum. Atası da, mən də çətin, məsuliyyətli peşə olduğu üçün əvvəlcə razılıq verməsək də, könlümüzü ələ ala bildi. Ancaq gözündəki zəifliyə görə məktəbə qəbul ola bilmədi...

Ardını oxu...

Naxçıvan şəhərindəki Heydər Əliyev Sarayında Naxçıvan Muxtar Respublikası Ali Məclisinin Sədri yanında Bilik Fondunun Tədbirlər Planına uyğun olaraq, muxtar respublikanın Əmək və Əhalinin Sosial Müdafiəsi Nazirliyi və Naxçıvan Muxtar Respublikasının Ailə, Qadın və Uşaq Problemləri üzrə Dövlət Komitəsinin iştirakı ilə təşkil olunan məhdud fiziki imkanlıların və istedadlı qadınların rəsm və əl işlərindən ibarət sərgi-satış davam edir. Naxçıvan Dövlət Universitetinin müəllim və tələbələri də sərgi-satışda sərgilənən sənətkarlıq nümunələrinə baxıblar.

Ardını oxu...

Naxçıvan Muxtar Respublikası Ali Məclisinin Sədri cənab Vasif Talıbov 2021-ci il 8 fevral tarixdə “Qars müqaviləsinin 100 illiyinin keçirilməsi haqqında” Sərəncam imzalamışdır. Sərəncamda deyilir: “Qars müqaviləsi Naxçıvanın muxtariyyət statusuna təminat verən çox mühüm hüquqi, siyasi və beynəlxalq sənəddir”.

Ardını oxu...

8 Mart – Beynəlxalq Qadınlar Günü bütün dünyada, eləcə də ölkəmizdə qadınlara verilən dəyəri, göstərilən ehtiramı özündə əks etdirir.
Azərbaycan qadını tarixin bütün zamanlarında öz ucalığını qoruyub saxlamış, Vətənə, ailəyə sədaqəti, bağlılığı, fədakarlıq və qəhrəmanlığı, ictimai fəallığı ilə seçilmişdir.
Ümummilli liderimiz Heydər Əliyev ölkəmizə rəhbərliyinin hər iki dövründə qadın amilinə yüksək dəyər verərək onların hüquqlarının müdafiəsi, problemlərinin həlli, dövlət idarəçiliyi sistemində təmsil olunması, bütün sahələrdə öz layiqli yerini tutması istiqamətində məqsədyönlü və ardıcıl tədbirlər həyata keçirmiş, qadınların cəmiyyətdəki mövqeyinin əhəmiyyətini vurğulayaraq demişdir: “Cəmiyyətdə qadınların üzərinə daim çox böyük vəzifələr düşür, onların işi həmişə ağırdır. Ancaq onlar bu vəzifələri şərəflə yerinə yetirir və həmişə olduğu kimi indi də cəmiyyətdə aparıcı rol oynayırlar”.

Ardını oxu...

Naxçıvan Muxtar Respublikasının Dövlət İmtahan Mərkəzi aidiyyəti vəzifələrin icrasını fevral ayı ərzində də uğurla həyata keçirib. Dövlət qulluğuna dair qanunvericiliyin tətbiqinə nəzarət davam etdirilib və 1 dövlət orqanının qanunvericiliyə uyğun olmayan 2 qərarı dəyişdirilib.

Ardını oxu...

5 mart 2021-ci il tarixdə “5 mart-Bədən Tərbiyəsi və İdman Günü” münasibətilə onlayn konfrans keçirilmişdir.

Ardını oxu...

Tarixin bütün dövrlərində Azərbaycan qadınları həyatımızın bir çox sahələrində mühüm rol oynayıb. Qadın hökmdarımız Tomris, Şərqdə ilk diplomat qadın Sara xatın, Koroğlunun Nigarı, Qaçaq Nəbinin Həcəri, Şah İsmayılın Aləmşahbəyimi, Qaçaq Süleyman adı ilə 200-dən çox qaçağa başçılıq edən Gülsüm xanım xalqımızın tarix səhifələrinə öz adlarını şərəflə yazıblar. Təsadüfi deyil ki, Oğuz türklərinin tarixindən xəbər verən “Kitabi-Dədə Qorqud” dastanlarında Azərbaycan qadını vətənpərvər, sədaqətli, qoçaq, kişilərlə birlikdə döyüşlərə atılan qeyrət nümunəsi kimi göstərilib. Burla xatın, Banuçiçək və digər qadın obrazları həmişə qadınlarımız üçün bir örnək olublar. 

Ardını oxu...

Martın 5-də Naxçıvan Muxtar Respublikası Atletika Federasiyası və Təhsil Nazirliyinin təşkilatçılığı ilə bədii gimnastika üzrə federasiya daxili açıq birincilik keçirilib. Heydər Əliyev Uşaq-Gənclər Yaradıcılıq Mərkəzində təşkil edilən müsabiqədə yeni yaradılan Bədii gimnastika dərnəyinin və “Xatun” Bədii Gimnastika Klubunun üzvləri iştirak edib.

Tədbiri giriş sözü ilə açan Təhsil Nazirliyi Aparatının sektor müdiri Murad Babayev muxtar respublikada böyüməkdə olan gənc nəslə göstərilən dövlət qayğısından danışıb. Bildirib ki, şagirdlərin sağlam həyat tərzinin, fiziki və mənəvi hazırlığının yüksəldilməsi, idmana marağının artırılması və asudə vaxtlarının səmərəli təşkili daim diqqət mərkəzindədir. Bu gün muxtar respublikada yaradılan müasir idman mühiti gənclərin bədən tərbiyəsi və idmana olan marağını artırır. Vurğulanıb ki, Naxçıvan Muxtar Respublikası Ali Məclisinin Sədrinin 2020-ci il 14 fevral tarixli Sərəncamı ilə təsdiq edilmiş “2020-2025-ci illər üçün Naxçıvan Muxtar Respublikasında idmanın inkişafına dair Dövlət Proqramı”na uyğun olaraq Təhsil Nazirliyinin tabeliyində fəaliyyət göstərən təhsil müəssisələrində idman klubları yaradılmışdır. Hazırda muxtar respublikada yeni yaradılan gimnastika üzrə idman klubları və innovativ dərnəklərdə ümumilikdə 50-dən çox uşaq və yeniyetmə məşğul olur. Son illər bu idman növünə göstərilən diqqətin nəticəsidir ki, məktəbdənkənar təhsil müəssisələrində yeni yaradılan Gimnastika dərnəklərinə üz tutan şagirdlərin sayı xeyli artmışdır. Bu gün keçirilən tədbirin məqsədi də uşaq və yeniyetmələrin gimnastika idman növünə marağını artırmaq, onların asudə vaxtlarını səmərəli təşkil etmək və xüsusi bacarıqlarını inkişaf etdirməkdən ibarətdir.

Ardını oxu...

Martın 5-də Naxçıvan Muxtar Respublikasının Bakı şəhərindəki daimi nümayəndəliyində 8 Mart - Beynəlxalq Qadınlar Günü qeyd olunub.

Nümayəndəlikdən bildiriblər ki, əvvəlcə Azərbaycan Respublikasının müstəqilliyi və ərazi bütövlüyü uğrunda canlarını qurban vermiş bütün şəhidlərimizin əziz xatirəsi bir dəqiqəlik sükutla yad edilib.

Tədbirdə çıxış edən daimi nümayəndəliyin rəhbəri Bəxtiyar Əsgərov xanımları Beynəlxalq Qadınlar günü münasibətilə təbrik edib, onlara xoşbəxtlik, möhkəm can sağlığı və işlərində müvəffəqiyyətlər diləyib.

Bəxtiyar Əsgərov qeyd edib ki, bu gün bir gül, yaxud bir sözlə təbrik etdiyimiz insanlar həyatımızın ağır, məsuliyyətli yükünü çiyinlərində çəkən müqəddəs analarımız, Vətənimiz qədər sevdiyimiz ləyaqətli Azərbaycan xanımlarıdır. Xoş rəftarı, səmimi, qarşılıqsız sevgisi, gülər üzü, sevgi dolu sözləri, yüksək insani keyfiyyətləri, dəyərləri özündə ehtiva edən gözəl, anlayışlı, qürurlu, qeyrətli analarımıza, bacılarımıza, qızlarımıza hər bayram günü verəcəymiz hədiyyə onlara ürəyimizdə bəslədiyimiz hörmət və ehtiramdan qiymətli ola bilməz. Cəmiyyətin, sivil mədəniyyətin inkişafı məhz qadınlara verilən qiymətlə, onlara münasibətin forma və dərəcəsi ilə ölçülməklə bərabər, qadınların da cəmiyyətdə tutduqları mövqe ilə bağlıdır. 1910-cu ildə Danimarkanın Kopenhagen şəhərində keçirilən Qadın Sosialist İnternasionalının qurultayında alman sosialist qadını Klara Setkinin təklifi ilə qadın hüquqlarının genişləndirilməsi və qadın həmrəyliyinin simvolu olaraq hər il 8 mart Dünya Qadınlar Günü kimi qəbul edilmişdir. 1975-ci il Beynəlxalq Qadınlar ili olaraq qeyd edilmiş, 1977-ci ildə Birləşmiş Millətlər Təşkilatının Ümumi Qurultayında isə 8 mart Qadın Hüquqları və Beynəlxalq Sülh Günü olaraq qəbul olunmuşdur.

Ardını oxu...

Martın 5-də Yeni Azərbaycan Partiyasının VII qurultayı keçirilir.

Azərbaycan Prezidenti, Yeni Azərbaycan Partiyasının Sədri İlham Əliyev qurultayda videoformatda çıxış edib.

Qurultayda ötən dövrün hesabatları dinləniləcək, partiyanın rəhbər strukturları yenidən formalaşdırılacaq.

 

 

 

 

Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev qazilərə göstərdikləri köməyə görə israilli həkimlərə təşəkkür edib.

O, bu barədə öz "Twitter" səhifəsində yazıb.

O bildirib: "Biz yaralı əsgər və zabitlərimizə oftalmoloji dəstək göstərmiş israilli həkimlərə və İsrailin Azərbaycandakı səfirliyinə təşəkkürümüzü bildiririk. Bir həyatı xilas edən, dünyanı xilas edir".

 

 

 

Ailə, Qadın və Uşaq Problemləri üzrə Dövlət Komitəsinin sədri Bahar Muradova Ümumdünya Səhiyyə Təşkilatının (ÜST) Azərbaycandakı Nümayəndəsi Hande Harmancı ilə görüşüb.

Komitədən verilən məlumata görə, komitə sədri görüşdə qadınların dünya miqyasında çətin və vacib işlərdə öz üzərinə götürdükləri rolu yüksək səviyyədə yerinə yetirdiklərini bildirib: “Siz həm təmsil etdiyiniz qurumun prioritetlərini və onların qarşınıza qoyduğu vəzifələri həyata keçirir, həm də təmsil olunduğunuz ölkə üçün vacib olan işlər görürsünüz. Bütün bunlara görə sizə dərin təşəkkürümü bildirirəm və inanıram ki, bu fəaliyyətiniz də daxil olmaqla, ümumi dünya səyləri öz nəticələrini verəcək və biz nəhayət normal həyata yenidən qayıdacağıq”.

Ardını oxu...

     Qadın haqqında dillər əzbəri olan bir ifadə mövcuddur : “Qadınlar zərif məxluqlardır.” Amma düşünürəm ki , bu fikirdə həqiqət olduğu qədər yetərsizlik də vardır. Çünki qadınlar dünyanın bütün çətinliklərinə tab gətirib cəmiyyətin özülünü formalaşdırma iqtidarına malik olan,insanlığa rifah bəxş edəcək qədər güclü olan “zərif” məxluqlardır.

     Qadınların cəmiyyətdəki rolu danılmazdır. Təəssüf ki, əsasən “Aysberqin” görülən tərəfi kimi yalnız həkimlərin, müəllimlərin, qadın siyasətçilərin, hüquqşünasların vəs . bir sıra bunun  kimi sənət sahibi olan qadınların cəmiyyət üçün oynadığı rol işıqlandırılır. Bəs, aysberqin görünməyən tərəfi necə?! Təəccübləndirici hal deyil ki , hətta bəşəriyyətin inkişafı dövründə belə qadın əməyi prioritet olmuşdur. Belə ki, tarixin inkişaf dövrünə nəzər salsaq,  “Anaxaqanlığı” dövrünün ( Matriarxat) “Ataxaqanlığı” (Patriarxat)  dövründən əvvəl gəldiyinin şahidi olmuş olarıq. Hələ müəyyən bir dili, dini, təfəkkürü, mentaliteti, təhsili olmayan , hətta təkmilləşməmiş şüura sahib olan cəmiyyətdə aparıcı qüvvə olmaq, həmin cəmiyyəti idarə etmək bacarığına sahib olmaq  bugün hər kəs tərəfindən zərif məxluq kimi təsrifləndirilən qadınların üzərinə düşmüşdür.  Belə ki, qəbiləni idarə etmək, onların ehtiyaclarını qarşılamaq , ola biləcək təhlükədən qəbilə üzvlərini qorumaq  məhz qadınların məsuliyyəti daxilində olmuşdur. Bu faktlara əsaslanaraq belə bir fikir irəli sürmək olar ki, Allahdan gələn bu instinktiv qüvvə, bacarıq, istedad ilə bugünkü inkişaf etmiş dövrümüzdə, hətta Yer kürəsinə sığmayıb kosmosa səyahət edən cəmiyyətimizin qurucuları qadınlardır. Bədii dillə ifadə etsək,qadınlar cəmiyyət ağacının  sarsılmaz, iradəli kökləridir.

Ardını oxu...

      Tarixboyu cəmiyyətin aparıcı qüvvəsi kimi xalqımızın ictimai-siyasi həyatında fəal iştirak etmiş, öz iradəsi, mərdliyi, saflığı, sədaqəti ilə seçilmiş, adət-ənənələrimizin, milli-mənəvi dəyərlərimizin formalaşmasında müstəsna rol oynamış Azərbaycan qadınları öz dərin zəkaları ilə bu gün də xalqa və cəmiyyətə fədakarcasına xidmət edir, müstəqil Azərbaycanın ictimai-siyasi, sosial-iqtisadi, elmi-mədəni həyatının inkişafına öz töhfələrini verirlər.

          Reallıqdır ki, müstəqil Azərbaycan Respublikasının qurucusu və memarı ulu öndər Heydər Əliyev ikinci dəfə hakimiyyətə gələndən sonra Azərbaycanın qadın hərəkatında yeni mərhələ, nəzərə çarpacaq yüksəliş, fəallıq və təşkilatlanma mərhələsi başlanmışdır. Ümummilli liderimiz Heydər Əliyev XXI əsr, üçüncü minillik münasibətilə Azərbaycan xalqına müraciətində deyirdi: “...Müstəqil Azərbaycan Respublikasının 1995-ci ildə qəbul olunmuş ilk Konstitusiyası qadınların kişilərlə bərabər hüququnu təsdiq etdi və demokratik dövlət quruculuğu prosesində onların fəal iştirakının hüquqi bazasını yaratdı. Biz fəxr edirik ki, bu gün ölkəmizin qarşısında duran problemlərin həllində yaxından iştirak edən Azərbaycan qadını artıq demokratik cəmiyyətin bərabərhüquqlu, fəal üzvü kimi çıxış edir”.

Ardını oxu...

CIF bazisi üzrə İtaliyanın Auqusta limanı şərtləri ilə Azərbaycanın yüngül neftinin qiyməti martın 4-də 67,7 dollar/barel təşkil edib ki, bu da əvvəlki göstəricidən 2,95 dollar/barel çoxdur.

Bu barədə ölkənin neft-qaz bazarındakı mənbə bildirib.

FOB bazisi üzrə Türkiyənin Ceyhan limanında Azərbaycanın yüngül neftinin qiyməti 66,97 dollar/barel təşkil edib ki, bu da əvvəlki göstəricidən 3,01 dollar/barel çoxdur.

Novorossiysk limanından yüklənən URALS neftinin qiyməti isə 63,85 dollar/barel təşkil edib ki, bu da əvvəlki göstəricidən 3,06 dollar/barel çoxdur.

Şimal dənizindən hasil edilən "Brent Dated" etalon növlü neftin qiyməti 67,48 dollar/barel olub ki, bu da əvvəlki göstəricidən 2,92 dollar/barel çoxdur.

Bayraktar pilotsuz uçuş aparatlarının yaradıcısı Selçuk Bayraktar Türkiyədə qəzada həlak olan general və heyət haqqında sosial şəbəkədə paylaşım edib.

Paylaşımda deyilir:

“2010-cu ildə PUA-larımızı inkişaf etdirərkən tanış olduğum Osman Erbaş-Paşa və qəhrəman əsgərləri Bitlisdə bir helikopter qəzasında öldü. Allah şəhidlərimizə rəhmət və yaralılara şəfa versin. Bu illər ərzində dostluğumuz heç kəsilməmişdi. Osman Erbaş Paşa, Türk PUA-larının yaradılmasında bizə əhəmiyyətli dərəcədə dəstək verib”

ARXİV

Aprel 2021
Be Ça Ç Ca C Ş B
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2

MÜƏLLİFLƏR

KEÇİDLƏR