15 Yanvar 2021, Cümə

Müstəqil Azərbaycan Respublikasının qurucusu, xalqımızın ümummilli lideri Heydər Əliyev çoxşaxəli fəaliyyətində böyük və mütərəqqi bir tarixi missiyanı – dünya azərbaycanlılarının milli birliyinin ideoloqu, təbliğatçısı və təşkilatçısı olmaq missiyasını öz üzərinə götürmüş və bunu uğurla həyata keçirmişdir. Ulu öndərin müdrik siyasəti nəticəsində dünyada yaşayan azərbaycanlılarla iş dövlət əhəmiyyətli strateji məsələyə çevrilmişdir. Bu mühüm işin konsepsiyası – dünya azərbaycanlılarının xalqımızın ayrılmaz hissəsi kimi qəbul edilməsi, Azərbaycan Respublikasının bütün azərbaycanlıların Vətəni sayılması, həmvətənlərimizin əqidə və əməl birliyi zəminində elmi şəkildə formalaşması, lobbiçilik perspektivi, Azərbaycançılıq ideyasının dövlət siyasəti səviyyəsinə qaldırılması da məhz xalqımızın böyük oğlu Heydər Əliyev tərəfindən irəli sürülmüşdür.

Ulu öndərimizin bütün fəaliyyəti, onun nurlu şəxsiyyətinin, möhtəşəm Azərbaycançılıq qayəsinin əbədiyaşar təcəssümüdür. Görkəmli dövlət xadimi Heydər Əliyev bu təlimin mahiyyətini belə dəyərləndirirdi: “Müstəqil Azərbaycan dövlətinin əsas ideyası Azərbaycançılıqdır. Hər bir azərbaycanlı öz milli mənsubiyyətinə görə qürur hissi keçirməlidir və biz Azərbaycançılığı – Azərbaycan dilini, mədəniyyətini, milli-mənəvi dəyərlərini, adət-ənənələrini yaşatmalıyıq”.

Ardını oxu...

Müstəqil Azərbaycan Respublikasının qurucusu, xalqımızın ümummilli lideri Heydər Əliyev çoxşaxəli fəaliyyətində böyük və mütərəqqi bir tarixi missiyanı – dünya azərbaycanlılarının milli birliyinin ideoloqu, təbliğatçısı və təşkilatçısı olmaq missiyasını öz üzərinə götürmüş və bunu uğurla həyata keçirmişdir. Ulu öndərin müdrik siyasəti nəticəsində dünyada yaşayan azərbaycanlılarla iş dövlət əhəmiyyətli strateji məsələyə çevrilmişdir. Bu mühüm işin konsepsiyası – dünya azərbaycanlılarının xalqımızın ayrılmaz hissəsi kimi qəbul edilməsi, Azərbaycan Respublikasının bütün azərbaycanlıların Vətəni sayılması, həmvətənlərimizin əqidə və əməl birliyi zəminində elmi şəkildə formalaşması, lobbiçilik perspektivi, Azərbaycançılıq ideyasının dövlət siyasəti səviyyəsinə qaldırılması da məhz xalqımızın böyük oğlu Heydər Əliyev tərəfindən irəli sürülmüşdür.

Ulu öndərimizin bütün fəaliyyəti, onun nurlu şəxsiyyətinin, möhtəşəm Azərbaycançılıq qayəsinin əbədiyaşar təcəssümüdür. Görkəmli dövlət xadimi Heydər Əliyev bu təlimin mahiyyətini belə dəyərləndirirdi: “Müstəqil Azərbaycan dövlətinin əsas ideyası Azərbaycançılıqdır. Hər bir azərbaycanlı öz milli mənsubiyyətinə görə qürur hissi keçirməlidir və biz Azərbaycançılığı – Azərbaycan dilini, mədəniyyətini, milli-mənəvi dəyərlərini, adət-ənənələrini yaşatmalıyıq”.

Ardını oxu...

Dekabrın 24-də Prezident İlham Əliyev Azərbaycan Respublikası Silahlı Qüvvələrinin hərbi qulluqçularının “Cəbrayılın azad olunmasına görə” medalı ilə təltif edilməsi haqqında Sərəncam imzalayıb.

Sərəncama əsasən, Azərbaycan Respublikasının Cəbrayıl rayonunun işğaldan azad olunması uğrunda aparılmış döyüş əməliyyatlarında iştirak edərək şəxsi igidlik və şücaət göstərmiş 12 min 523 hərbi qulluqçu “Cəbrayılın azad olunmasına görə” medalı ilə təltif edilib.

Bu medala layiq görülən hərbi qulluqçuların 4-ü general-leytenant, 8-i general-mayor, 47-si polkovnikdir.

Müdafiə Nazirliyi Ağdam rayonunun Qiyaslı kəndindən videogörüntülər yayıb.

Həmin görüntüləri təqdim edirik.

Ardını oxu...

 

 

 

Qubadlı rayonunun və Qubadlı şəhərinin azad edilməsi bizə böyük strateji üstünlük təmin edirdi. Çünki Qubadlıdan sonra növbəti istiqamət Laçın rayonu idi. Hər gün döyüş əməliyyatı planları mənim tərəfimdən təsdiq edilirdi və hər gün görülmüş işlərə yekun vurularaq məsələ təhlil edilirdi - gün ərzində görülmüş işlər bizim planlarımıza hansı dərəcədə uyğundur və biz hansı nailiyyətlərə çata bilmişik.

Bu barədə Azərbaycan Prezidenti, Müzəffər Ali Baş Komandan İlham Əliyev işğaldan azad edilmiş Qubadlı şəhərinə səfəri zamanı çıxışında bildirib.

Dövlətimizin başçısı sözünə davam edərək deyib: “Qubadlıdan Laçın rayonunun cənub hissəsinə gedən yol daim atəş altında idi. Çünki Laçın rayonuna gedən yol düz Ermənistanın dövlət sərhədinin yanı ilə keçir, orada məsafə bəlkə də 10-20 metrdir və Ermənistan daim o tərəfdən atəş açırdı. Ona görə bizim hərbi birləşmələrimiz digər müxtəlif yollarla, cığırlarla dağları aşaraq Laçın rayonunun strateji yüksəkliklərində yerləşmişdi. Beləliklə, Laçın rayonunun cənub hissəsində yerləşən Güləbird kəndi, Səfiyan kəndi, Türklər kəndi azad edilib və eyni zamanda, strateji yüksəkliklər ələ keçiriləndən sonra bu, bizə imkan verdi ki, Laçın dəhlizi artıq atəş altına düşsün”.

Ardını oxu...

Dekabrın 24-də “Biz birlikdə güclüyük!” şüarı altında Azərbaycan Gənclərinin IX Forumu keçirilib.

Onlayn şəkildə keçirilən forumda Naxçıvan Muxtar Respublikası Gənclər və İdman naziri Azad Cabbarov da çıxış edib. Bildirib ki, bu gün dövlət gənclər siyasəti Naxçıvan Muxtar Respublikasında da uğurla həyata keçirilir., gənclər muxtar respublikanın ictimai-siyasi, iqtisadi-mədəni həyatında fəal iştirak edirlər. Muxtar respublikamızda gənclərin məşğulluğunun təmin edilməsi, yaradıcılıq axtarışlarının stimullaşdırılması, milli ruhda tərbiyəsi, onların hərbi-vətənpərvərlik tərbiyəsinin gücləndirilməsi, sağlam həyat tərzinin təbliği də diqqət mərkəzindədir. Hazırda muxtar respublika əhalisinin 165 min nəfərdən çoxunu, yaxud 35,8 faizini 14-29 yaşda gənclər təşkil edir. Onların yüksək səviyyəli təhsillə təmin olunmaları məqsədilə 212 ümumtəhsil məktəbi, Heydər Əliyev adına Hərbi Lisey, 26 Uşaq Musiqi və İncəsənət Məktəbi əsaslı təmir olunaraq və ya yenidən qurularaq istifadəyə verilib.

Nazir diqqətə çatdırıb ki, Naxçıvanda gənclərin vətənpərvərlik tərbiyəsinə xüsusi diqqət yetirilir, müxtəlif mövzularda tədbirlər keçirilir. Eyni zamanda son illər muxtar respublikada idmanın kütləviliyi diqqət mərkəzindədir. Muxtar respublikanın şəhər və rayonlarında olimpiya idman komplekslərinin, idman mərkəzlərinin, uşaq-gənclər idman məktəblərinin, şahmat məktəblərinin, orta məktəblərdə idman zallarının və sadə tipli idman qurğularının istifadəyə verilməsi gənc nəslin fiziki sağlamlığının qorunması və kütləvi bədən tərbiyəsinin inkişafı baxımından mühüm əhəmiyyət kəsb edir.

Ardını oxu...

Ölkədə iqtisadiyyata dəstək üçün kompleks tədbirlər həyata keçirilib, kəskin enişin qarşısı alınıb.

Bu sözləri maliyyə naziri Samir Şərifov Milli Məclisdə “Azərbaycan Respublikasının 2021-ci il dövlət büdcəsi haqqında” Qanun layihəsinin müzakirəsi zamanı deyib.

S.Şərifov bildirib ki, 2021-ci il dövlət büdcəsinin gəlirləri 25,4 milyard manat nəzərdə tutulur. Bu, 2020-ci ilin proqnozu ilə müqayisədə 1,3 milyard manat və yaxud 5,4 faiz çoxdur. 2021-ci il dövlət büdcəsinin xərcləri isə 28,5 milyard manat proqnozlaşdırılır ki, bu da 2020-ci ilə nisbətən 1 milyard manat və ya 3,8 faiz çoxdur: “Cari il qlobal pandemiya səbəbindən kifayət qədər ağır il olub. İstehlak tələbinin kəskin dağılması, neftin qiymətinin aşağı düşməsi istər-istəməz iqtisadiyyata öz təsirini göstərib. Ölkədə iqtisadiyyata dəstək üçün kompleks tədbirlər həyata keçirilib. İqtisadiyyatın kəskin enişinin qarşısı alınıb”.

Maliyyə naziri deyib ki, Azərbaycan Prezidenti İlham Əliyevin və Birinci vitse-prezident Mehriban Əliyevanın koordinasiyası əsasında xəstəliklə əlaqədar olaraq səhiyyə sahəsində əsaslı işlər görülüb, infrastrukturun qurulması, peşəkar xarici həkimlərin cəlb edilməsi həyata keçirilib. Səhiyyənin kritik şəraitdə idarə olunması təmin edilib.

“2021-ci il dövlət büdcəsinin müdafiə və milli təhlükəsizlik xərcləri 4 milyard 586 milyon manat nəzərdə tutulur ki, bu da 2020-ci ilə nisbətən 781,5 milyon manat çoxdur. 2021-ci il dövlət büdcəsinin sosialyönümlü xərcləri 11,1 milyard manat məbləğində proqnozlaşdırılır. Bu, 2020-ci illə müqayisədə 563,8 milyon manat və ya 5,3 faiz çoxdur. Elm xərclərinə 183,3 milyon manat, təhsil xərclərinə 3 milyard 278 milyon manat vəsait ayrılması nəzərdə tutulub. Təhsilə ayrılan xərclər 2020-ci ilə nisbətən 242,9 milyon manat və ya 8 faiz çoxdur. Səhiyyə xərcləri üçün isə 1 milyard 409 milyon manat vəsait ayrılacaq”, - deyə o qeyd edib.

 

 

 

Xalqları dünyada məşhurlaşdıran təkcə onların zəngin təbii sərvətləri və maddi mədəniyyət inciləri deyil, həm də dünya siyasətində mühüm rol oynayan fenomen şəxsiyyətləridir. Məhz belə fenomen şəxsiyyətlərin müəyyənləşdirdiyi yol hər bir millətin strateji inkişaf konsepsiyasına çevrilməklə onun dünya arenasında özünə layiqli yer tutmasını təmin edir. Belə nadir şəxsiyyətlərdən biri, müasir müstəqil Azərbaycan dövlətinin banisi ulu öndər Heydər Əliyev güclü dövlət yaratmaqla yanaşı, özündən sonra çoxşaxəli islahatların varisliyini uğurla təmin edə biləcək peşəkar lider də yetişdirib. “Mən ona özüm qədər inanıram və gələcəyinə böyük ümidlər bəsləyirəm”, – deyən Heydər Əliyevin xalqımıza özünün layiqli davamçısı kimi təqdim etdiyi cənab İlham Əliyevin 17 illik prezidentlik fəaliyyətinin qısa təhlili bu fikrin qəti qənaət olduğunu sübut edir.

Ardını oxu...

Qazaxıstan Respublikasının Prezidenti Kasım-Jomart Tokayev dekabrın 24-də Azərbaycan Respublikasının Prezidenti İlham Əliyevə telefonla zəng edib.

Qazaxıstan Prezidenti dövlətimizin başçısını ad günü münasibətilə təbrik edib, ona Azərbaycanın inkişafı naminə fəaliyyətində uğurlar, möhkəm cansağlığı arzulayıb.

Azərbaycan Prezidenti göstərilən diqqətə və təbrikə görə minnətdarlığını bildirib.

Dövlət başçıları Azərbaycan-Qazaxıstan dostluq münasibətlərinin uğurla inkişaf etdiyini vurğulayaraq, əlaqələrimizin bundan sonra da genişlənəcəyinə əmin olduqlarını bildiriblər.

Nazirlər Kabineti Azərbaycan Respublikasının ərazisində koronavirus (COVID-19) pandemiyası dövründə xüsusi karantin rejiminin tətbiq olunması ilə əlaqədar 190 manat məbləğində birdəfəlik ödəmənin verilməsi haqqında Qərar qəbul edib.

Qurumdan verilən məlumata görə, Qərarda qeyd olunur: “Koronavirus (COVID-19) pandemiyası dövründə xüsusi karantin rejiminin tətbiq olunması ilə əlaqədar işsiz kimi qeydiyyatda olan şəxslərə birdəfəlik ödəmənin verilməsi şərtləri və qaydası”na əsasən 190 manat məbləğində birdəfəlik ödəməni almış şəxslərə müvafiq qaydalara uyğun olaraq təkrar yoxlama keçirildikdən sonra 190 manat məbləğində ödəmənin verilməsi birdəfəlik şəkildə həyata keçirilsin”.

Əmək və Əhalinin Sosial Müdafiəsi Nazirliyi və Maliyyə Nazirliyi bu Qərardan irəli gələn məsələləri həll edəcəklər.

 

 

 

 

Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Prezident İlham Əliyevi doğum günü münasibətilə "Twitter"də paylaşım edib.

Paylaşımda deyilir:

"Müzəffər Ali Baş Komandan, Prezident İlham Əliyevin ad günüdür. Güclü Azərbaycan dövlətinin qurucusu olan Prezident İlham Əliyev xalqımızın Qarabağ həsrətinə son qoyaraq və müharibədə zəfərimizi təmin edərək tariximizin Qəhrəman Dövlət Başçısı salnaməsinin müəllifidir".

 

 

 

Xalqın tarixi onun həyatının unudulmayan anlarının salnaməsidir. Bu anlar xalqın keçmişindən xəbər verir, taleyini müəyyən edir, gələcəyinə işıq salır. İndiki nəsillərin şahidi olduğu son 30 ilin millətimizin tale salnaməsinin parlaq hadisələrlə zəngin olan səhifəsi hesab edilməyə tam haqqı çatır.

Azərbaycanın dövlət müstəqilliyinin bərpası, qısa vaxtda möhtəşəm iqtisadi yüksəliş yolu keçərək müasir və qüdrətli məmləkətə çevrilməsi tariximizin əbədiyyətə qovuşan səhifələrini təşkil edir. Bu tarix xalqımızın rəşadətinin, dövlətimizin qüdrətinin təzahürləridir. Bu tarix 2020-ci ilin Vətən müharibəsində müşahidə etdiyimiz qəhrəmanlığın və şanlı zəfərin istinad nöqtəsi, ilham mənbəyidir.

Tarixi yaradanlar qüdrətli, hər şeyə qadir, xalqının taleyini dəyişdirə bilən şəxsiyyətlərdir. Həmişə belə olub. Bu gün də belədir. Gələcək də qüdrətli şəxsiyyətlərin həyat salnaməsi olacaqdır.

Azərbaycanın müasir tarixi iki qüdrətli Liderin - müstəqil Azərbaycan dövlətinin qurucusu Ümummilli Lider Heydər Əliyevin və Vətən müharibəsinin qalibi, Qarabağın xilaskarı Prezident, Ali Baş Komandan İlham Əliyevin müdriklik, qətiyyət və qəhrəmanlıq salnaməsidir. Bu, Qurtuluş tarixidir, Yüksəliş tarixidir, Zəfər tarixidir.

 "Mən İlham Əliyevə özüm qədər inanır və onun gələcəyinə böyük ümidlər bəsləyirəm”- Heydər Əliyev

Müasir Azərbaycan dövlətinin memarı Ümummilli Lider Heydər Əliyev qurduğu dövlətin taleyini tapşıracağı yeni Liderin seçilməsində nümayiş etdirdiyi özünəməxsus müdrikliyin miqyası illər keçdikcə daha aydın görünür, seçimin uğuru təkzibolunmaz şəkildə öz təsdiqini tapırdı. Onun 2003-cü ilin prezident seçkiləri ərəfəsində prezidentliyə namizəd İlham Əliyev haqqında dediyi "mən İlham Əliyevə özüm qədər inanır və onun gələcəyinə böyük ümidlər bəsləyirəm. Əminəm ki, mənim başa çatdıra bilmədiyim işləri o başa çatdıracaqdır” sözlər Ümummilli Liderin uzaqgörənliyinin və seçiminin alternativsizliyinin bariz nümunəsi sayıla bilər.

Ardını oxu...

"Nəyi, necə, nə vaxt etmək lazımdır, onu mən bilirəm”.

İlham ƏLİYEV

 

* Biz bir qarış torpağımızı belə düşmənə güzəştə getməyəcəyik!

* Biz Azərbaycan ərazisində ikinci erməni dövləti yaradılmasına yol verməyəcəyik!

* Biz işğal olunmuş torpaqlarımıza qayıdacağıq!

* Biz ölkəmizin ərazi bütövlüyünü bərpa edəcəyik!

 

Bu sözləri cənab İlham Əliyev Azərbaycana rəhbərlik etdiyi 17 il ərzində müxtəlif məqamlarda dəfələrlə, dönə-dönə demişdir!

Budur, dedi və etdi!

Erməni hərbi birləşmələri Azərbaycan torpaqlarından qovuldu!

Azərbaycanın hər bir yaşayış məntəqəsində üçrəngli bayrağımız dalğalandı!

Ardını oxu...

Qüdrətli ordu, güclü iqtisadiyyat, beynəlxalq arenada önəmli mövqe, müstəqil xarici siyasət və qalib ölkə. Bu, öz tarixinin ən güclü dövrünü yaşayan Azərbaycanın bugünkü reallıqlarıdır. On yeddi il əvvəl Azərbaycan xalqı müdrik seçim edərək, Ulu Öndərimizin siyasi kursuna və dahi şəxsiyyətin layiqli davamçısı İlham Əliyevə səs verdi. Ötən hər il xalqın öz seçimində yanılmadığını təsdiqləməkdədir. Yeni əsrin yeni lideri İlham Əliyev bu 17 ildə Azərbaycanı həm siyasi-iqtisadi, həm də hərbi cəhətdən qüdrətli, dünyada sözü keçən dövlətə çevirdi. Bu güc sayəsində Qarabağın 30 il davam edən işğalına 44 gündə son qoymaq mümkün oldu. Biz həqiqətən tarixi günlər yaşadıq və yaşayırıq. Çoxəsrlik Azərbaycan tarixində buna bənzər şərəfli və qürurlu günlər olmayıb.

Xalqımıza Qarabağ Zəfərini bəxş edən, bizi qalib xalqa çevirən Müzəffər Ali Baş Komandan, Prezident İlham Əliyevin “güclü dövlət” konsepsiyasına nəzər salırıq. Məhz bu konsepsiyanın əsasını təşkil edən üç mühüm güc - iqtisadi, siyasi, hərbi güc və onların vəhdəti Azərbaycanın Vətən müharibəsinin başlıca hərəkətverici qüvvəsi oldu.

Ötən illər həm də onu göstərdi ki, Prezident İlham Əliyev qurucu, birləşdirici, Azərbaycan xalqının bütün istək və arzularını həyata keçirən, öz siyasətində Azərbaycan dövlətinin və xalqının maraqlarını ən ali məqsəd kimi görən və bütün qüvvəsini bu istiqamətdə səfərbər edən, xalqın birmənalı şəkildə dəstəklədiyi, etimad göstərdiyi və etibar etdiyi liderdir.

Ardını oxu...

Hər bir insanın doğulduğu, böyüdüyü və son nəfəsini verdikdən sonra əbədi yuxuya getdiyi bir torpaq vardır. Bu torpağa Vətən deyirik. Vətən millətin azadlığının və müstəqilliyinin simvoludur. Məhz bu səbəbdən insanlar ürəklərində hər zaman böyük bir sevgi olan Vətən sevgisini daşıyırlar. Bu sevgi, sadəcə, doğulduğumuz torpağı sevmək deyil, eyni zamanda mənsub olduğumuz milləti, vətəndaşı olduğumuz dövləti, azadlığımızın simvolu olan ay-ulduzlu şanlı bayrağımızı, dilimizi, adət-ənənələrimizi sevməkdir. 

Düşmənin işğalçılıq siyasətinə son qoymaq üçün apardığımız 44 günlük müharibədə ürəyi bu sevgiylə dolu insanların qəhrəmanlıqları və fədakarlıqları tariximizə yeni bir tarix qatdı. İkinci Qarabağ müharibəsində ən yeni və qürurlu tariximizi yazanlar arasında qəhrəmanlar diyarı olan Naxçıvanın qorxmaz, yenilməz, məğrur igidləri də oldu. O igidlərdən biri də Vüqar Rza oğlu Əsgərov idi.

Ardını oxu...

Azərbaycan Respublikası Dövlət Təhlükəsizliyi Xidmətinin (DTX) Şuşa rayon idarəsinin (Rİ) yeni inzibati binasının təntənəli açılışı olmuşdur.

DTX-nın saytına istinadən xəbər veririk ki, tədbirdə Dövlət Təhlükəsizliyi Xidmətinin rəisi general-polkovnik Əli Nağıyev, Xidmətin kollegiya üzvləri, Şuşa Rİ-nin əməkdaşları, digər hüquq mühafizə orqanlarının və ərazi üzrə qarnizonun yüksək rütbəli zabitləri iştirak etmişlər.

Əvvəlcə binanın qarşısında 1993-cü ildə düşmən işğalı nəticəsində üç yaşında ikən ailəsi ilə birlikdə Şuşa şəhərini tərk etməyə məcbur qalmış, hazırda DTX-də xidmət edən leytenant U.Bəylərov Dövlət bayrağını qaldırmışdır. Dövlət himni səsləndirilmişdir.

Binanın açılışını bildirən rəmzi qırmızı lent kəsildikdən sonra tədbir iştirakçıları foyedə müstəqil Azərbaycanın qurucusu və memarı Ümummilli lider Heydər Əliyevin əziz xatirəsinə ehtiramlarını bildirərək abidəsi önünə gül dəstələri qoymuşlar. Həmçinin Ulu Öndərin və Azərbaycan Respublikasının Prezidenti, Ali Baş Komandan cənab İlham Əliyevin dövlətçilik fəaliyyətini, Azərbaycan təhlükəsizlik orqanlarının tarixini əks etdirən fotostendlərə baxmışlar.

Ardını oxu...

2021-ci il dövlət büdcəsi layihəsinin əsas xüsusiyyətlərindən biri işğaldan azad olunan ərazilərdə bərpası və yenidənqurma işlərinin aparılması üçün maliyyə təminatının yaradılmasıdır.

Bu sözləri maliyyə naziri Samir Şərifov “Azərbaycan Respublikasının 2021-ci il dövlət büdcəsi haqqında” Qanun layihəsinin müzakirəsi zamanı deyib.

Nazir qeyd edib ki, 2020-ci il Azərbaycanın tarixində müstəsna il kimi qalacaq. Azərbaycan Prezidenti, Müzəffər Ali Baş Komandan İlham Əliyevin rəhbərliyi ilə Ordumuz 44 günlük Vətən müharibəsi nəticəsində ölkəmizin ərazi bütövlüyünü bərpa etdi. İşğaldan azad edilmiş torpaqların bərpa olunması və həmin yerlərə insanların qayıtması mühüm vəzifə kimi qarşıda durur. 2021-ci il dövlət büdcəsi layihəsinin əsas xüsusiyyətlərindən biri cari ildə erməni işğalçılarına qarşı zəfər qazandığımız Vətən müharibəsi nəticəsində işğaldan azad olunan ərazilərin bərpası və yenidənqurma işlərinin aparılması, sosial-iqtisadi, enerji, kommunal, nəqliyyat infrastrukturunun yaradılması, öz doğma yurdlarına qayıdan vətəndaşlarımızın yaşayışı və işgüzar fəaliyyəti üçün şəraitin təşkil edilməsi kimi şərəfli və məsuliyyətli vəzifələrin icrası üçün maliyyə təminatının yaradılmasıdır. Bunun həyata keçirilməsi üçün məqsədli vəsaitlər nəzərdə tutulub, xüsusi təyinatlı investisiyalar planlaşdırılır. Müdafiə və təhlükəsizlik tədbirlərinin həyata keçirilməsi üçün gələn ilin dövlət büdcəsindən 4,6 milyard manat nəzərdə tutulur.

Ardını oxu...

Dekabrın 23-də Naxçıvan Muxtar Respublikası Mədəniyyət Nazirliyinin təşkilatçılığı ilə Naxçıvan Dövlət Rəsm Qalereyasında “Muzeylərdə uçot-mühafizə işinin təşkili ilə bağlı görülmüş işlər və qarşıya çıxan çətinliklər” mövzusunda muzey əməkdaşları üçün dəyirmi masa təşkil edilib.

Nazirliyin sisteminə daxil olan muzeylərin əməkdaşlarının iştirak etdiyi tədbiri nazirliyin şöbə müdiri Gülbuta Babayeva giriş sözü ilə açaraq dəyirmi masanın məqsəd və əhəmiyyətindən danışmışdır. Qeyd edilmişdir ki, Naxçıvan Muxtar Respublikasını muzeylər diyarı da adlandırmaq olar. Burada 30 müxtəlif profilli muzey fəaliyyət göstərir. Muzeylərə bu gün xüsusi diqqət göstərilir, onların maddi-texniki bazası gücləndirilir, əməkdaşların peşəkarlıq səviyyəsi yüksəldilir. Naxçıvan Muxtar Respublikası Ali Məclisi Sədrinin “Muzeylərlə əlaqələrin daha da gücləndirilməsi haqqında” 2014-cü il 19 dekabr tarixli Sərəncamından sonra muzeylərin ziyarətçilərinin sayında əhəmiyyətli dərəcədə artım müşahidə olunur. 

Bu gün muzeylərə göstərilən bu diqqət və qayğı eyni zamanda muzey işinin yaxşılaşdırılması, yüksək muzey xidmətinin göstərilməsi, fond işinin düzgün qurulması baxımından muzey əməkdaşlarının üzərinə mühüm öhdəliklər qoyur.

Ardını oxu...

Qarabağda otuz ildir biganə yanaşılan işğalın sonra çatmasına dəstəyimizi verdik. Azərbaycanlı qardaşlarımız qərar verdilər, öz məsələlərini özləri həll etdilər və işğal altındakı torpaqlarını düşməndən azad etdilər. Bu tarixi zəfəri qəbul etməmək yolverilməzdir.

Bu fikirləri Ədalət və İnkişaf Partiyasının (AKP) sədri, Prezident Rəcəb Tayyib Ərdoğan partiyasının Türkiyə Böyük Millət Məclisindəki qrup toplantısında ifadə edib.

Gündəlikdə duran məsələlərlə bağlı fikir və düşüncələrini millət vəkilləri ilə bölüşən dövlət başçısı bildirib ki, haqlı mövqeyindən geri çəkilmək niyyətindən uzaq olan Türkiyə öz inkişaf yolu ilə getməyə davam edəcək.

Prezident Rəcəb Tayyib Ərdoğan deyib ki, onlar heç vaxt kimsənin milli mənşəyinə, inanclarına, mədəniyyətinə və həyat tərzinə müdaxilə etməyiblər. Ancaq heç kimin də onların inancına, dəyərlərinə, mədəniyyətinə müdaxilə etməsinə imkan verməyəcəklər.

Türkiyənin xarici siyasət formasının dəyişmədiyini, dialoq tərəfdarı olduğunu, terrorizmlə mübarizəni qətiyyətlə davam etdirəcəyini, o cümlədən ikili standartlara qarşı olduğunu bildirən Rəcəb Tayyib Ərdoğan deyib ki, 2021-ci ildə ABŞ və Avropa İttifaqı ilə yeni münasibətlərin qurulmasını arzulayırlar.

 

 

 

 

Müdafiə nazirinin əmri ilə qısa müddət ərzində mütəxəssislərdən ibarət bir neçə komissiya hərbi birliklərdə şəxsi heyətin yerləşməsi və məişət şəraitinin yoxlanılmasını həyata keçirib.

Bu barədə Müdafiə Nazirliyi açıqlama yayıb.

Bildirilir ki, kompleks yoxlamalar nəticəsində ümumilikdə təminat məsələlərində sistemli problemlər aşkar edilməyib:

"Bununla belə bəzi cüzi nöqsanlar müəyyən edilib və aşkar olunan bu çatışmazlıqlar dərhal aradan qaldırılıb. Vəzifələrinin icrasına səhlənkar yanaşan, nöqsanlara yol verən bəzi vəzifəli şəxslər cəzalandırılıb və onlar barəsində müvafiq tədbirlər görülüb".

 

 

 

Azərbaycan Respublikasının Müdafiə Nazirliyi səfərbərlik üzrə hərbi xidmətə çağırılmış vətəndaşların tərxis edilməsi ilə bağlı məlumat yayıb.

Nazirliyin “Facebook”dakı rəsmi səhifəsində yerləşdirilən məlumatda deyilir: “Səfərbərlik üzrə hərbi xidmətə çağırılmış bəzi şəxslər, xüsusilə ailəli vətəndaşlarımız, sosial şəbəkələr vasitəsilə nə zaman ehtiyata buraxılaraq evlərinə geri dönəcəkləri ilə bağlı narahatlıq ifadə edirlər. Bu tərəfimizdən anlayışla qəbul olunur.

Bildiririk ki, Müdafiə Nazirliyi tərəfindən onların ehtiyata buraxılması ilə əlaqədar sənədlər hazırlanıb və müvafiq qaydada aidiyyəti qurumlara göndərilib. Yaxın vaxtlarda bu kateqoriyadan olan şəxslərin mərhələli şəkildə tərxis edilməsi gözlənilir”.

 

 

 

Azərbaycan Respublikası nümayəndə heyətinin İran İslam Respublikasına səfəri çərçivəsində energetika naziri Pərviz Şahbazov İranın energetika naziri Rza Ərdakanianla görüşüb.

Energetika Nazirliyindən  bildirilib ki, görüşdə iki ölkə arasında elektroenergetika sahəsində əməkdaşlıq əlaqələri müzakirə edilib, həyata keçirilən layihələrin sürətləndirilməsi istiqamətində atılacaq addımlar barədə fikir mübadiləsi aparılıb.

Azərbaycan Respublikası, İran İslam Respublikası və Rusiya Federasiyasının enerji sistemlərinin birləşdirilməsi layihəsi üzrə görülən işlər, o cümlədən cəlb edilmiş məsləhətçi şirkət tərəfindən layihənin texniki-iqtisadi əsaslandırılmasının hazırlanması məsələləri nəzərdən keçirilib. Həmçinin Azərbaycan, İran və Türkiyə arasında elektrik enerjisi ticarəti məsələləri də görüşdə müzakirə edilib, bu formatda əməkdaşlığın əhəmiyyəti qeyd olunub.

Ardını oxu...

İlk növbədə risk qrupuna daxil olan insanların COVİD-19 virusuna qarşı vaksinasiyası aparılacaq.

Bunu TƏBİB-in İdarə Heyətinin sədri Ramin Bayramlı "Real TV"-yə müsahibəsində deyib.

Onun sözlərinə görə, bu gün ağır pandemiyadan qurtulmağın vaksinasiyadan başqa yolu yoxdur.

Əhalinin maarifləndirilməsi üçün çoxlu sayda materialların hazırlanacağını və onların ictimiayyətlə paylaşılacağını nəzərə çatdıran R.Bayramlı qeyd edib ki, vaksinasiya pulsuz olacaq və vaksinasiya strategiyasında yer alan risk qruplarına tətbiq olunacaq.

 

 

 

 

İspaniya "www.tuvozenpinares.com" xəbər portalında "Xankəndi necə Stepanakert oldu?" başlıqlı məqalə dərc olunub.

Diasporla İş üzrə Dövlət Komitəsindən verilən məlumata görə, məqalə İspaniya Azərbaycanlıları Birliyinin sədri Vahid İmanov və Valensiyadakı Azərbaycanlılar Birliyinin sədri Mübariz İbrahimovun fikirləri əsasında hazırlanıb.

Müəlliflər Xankəndinin inşa tarixi haqqında məlumat verib, Türkmənçay müqaviləsindən sonra İran və Türkiyədən çoxlu sayda erməni ailəsinin Qarabağda yerləşdirildiyini, amma Xankəndi adının yalnız sovetlər dönəmində Stepanakert olaraq dəyişdirildiyini vurğulayıb.

Ardını oxu...

16 dekabr 1995-ci ildə blokada şəraitində yaşayan, böyük çətinliklərlə üz-üzə dayanan Naxçıvan Muxtar Respublikasının həyatında mühüm hadisə baş verdi. Müstəqil Azərbaycan və onun qədim diyarı Naxçıvan Muxtar Respublikasının Ali qanunvericilik orqanlarına keçirilən seçkilərdən sonra Naxçıvan Muxtar Respublikası Ali Məclisinin sessiyasında Vasif Yusif oğlu Talıbov Ali Məclisin Sədri seçildi. Muxtar respublikanın ictimai-siyasi və mədəni həyatında çox böyük dəyişikliklərə, inkişafa, tərəqqiyə, intibaha gətirib çıxaran, muxtar respublikanı geridə qalmış aqrar, kənd təsərrüfatı bölgəsindən Azərbaycanın inkişaf etmiş sənaye, kənd təsərrüfatı, elm, təhsil və mədəniyyət mərkəzlərindən birinə çevrilməsinin əsası qoyulan həmin günün 25 ili tamam oldu. 

Ardını oxu...

İllərdir, qəlbimizi qəhər, qəm boğur, torpaqlarımızın işğalı günləri yaxınlaşdıqca ürəyimizdəki yara təkrar qanayır, torpaq, yurd həsrəti könlümüzü sızladırdı. Ana torpaqlarımız haqqında televiziyadan köhnə kadrları izləməklə, yazılardan oxumaqla, tarixi fotolardan baxmaqla, şeirləri, nəğmələri dinləməklə az da olsa, ovundururduq özümüzü. Bizi sarsıdan Qarabağ dərdinin, Qarabağ nisgilinin sona çatacağını, doğma torpaqlarımıza qovuşacağımız günü səbirsizliklə gözləyir, üçrəngli bayrağımızın qədim torpaqlarımızda əbədi dalğalandırılacağı günə inanırdıq. Şükür olsun ki, bu günü görməyi Uca Tanrı bizə nəsib etdi. Hamımızın həyatdakı ən böyük istəyi, arzusu gerçəkləşdi. Bu istəyi, bu arzunu ürəkləri Vətən eşqi ilə döyünən, torpaq, bayraq sevgisini qanında, canında yaşadan qəhrəman oğullarımız əbədiləşdirdi. Mübariz, qəhrəman Azərbaycan əsgəri tarixi missiyasını yerinə yetirməklə ölkəmizin ürəyi olan Qarabağı düşmən tapdağından azad etdi.

Ardını oxu...

Ürəyində Vətən sevgisi, köksündə üçrəngli, ay-ulduzlu bayraq, çiynində silah daşıyıb qarlı aşırımları, keçilməz dağları aşan igid Azərbaycan əsgəri, illərdir, arzusunda olduğumuz o günü – şanlı Qələbə Gününü xalqımıza yaşatdı. Bu yolda zəfər yürüşündə kimi canından, kimisi gözünün nurundan, kimisi əlindən-ayağından keçdi. Sağlamlığını itirənlər qazi – Oğuz igidi oldular. Onlar bizim canlı əfsanələrimizdir. Döyüşə atılanda öz şirin canlarını belə, düşünmədilər. Yaralı vəziyyətdə belə, döyüşdülər. Onların igidliyi xalqımızın illərdir, qanayan yarasına məlhəm oldu.

Ardını oxu...

Əlahiddə Ümumqoşun Orduda oktyabr ayı ərzində həqiqi hərbi xidmətə çağırılaraq məşğələlərə cəlb edilmiş gənc əsgərlər ixtisas hazırlığı kurslarını uğurla bitirərək növbəti xidmət yerlərinə yola salınıblar. Yolasalma mərasimində Vətən müharibəsi şəhidlərinin əziz xatirəsi bir dəqiqəlik sükutla yad edilib.

Ardını oxu...

Bakıda yaşayıb işləməyimə baxmayaraq, ildə bir-iki dəfə də olsa Naxçıvan Muxtar Respublikasına getmək imkanı qazananda bu imkanı mütləq dəyərləndirirəm. Qədim diyarın təmiz havası, ekoloji və turizm zənginliyi, müasir inkişafı mənə bir hüzur, rahatlıq verir. Hər səfərimdə Naxçıvanda baş verən yenilikləri, dəyişiklikləri görəndə doğulub-böyüdüyüm doğma torpağımla qürur duyuram…

Bu dəfəki səfərim dekabrın ilk günlərinə təsadüf etdi. Pandemiyaya görə Bakı-Naxçıvan təyyarə reysləri azaldılaraq gündə 1 dəfə həyata keçirilir. Hansı ki, bir müddət əvvəl Naxçıvana heç 1 dənə də təyyarə işləmirdi… Böyük Vətən müharibəsində qələbəmizdən sonra mən də hədsiz inanıram ki, Naxçıvana növbəti gəlişim Zəngəzurdan keçməklə qatarla, şəxsi minik avtomobilləri ilə olacaq… Çünki, Naxçıvan nəqliyyat blokadasını tamamilə yarmağını, özünün blokada şəraitində necə yüksək inkişaf yolu keçməyini bütün dünyaya göstərməyi çoxdan haqq edib. Axı, blokadada yaşaya-yaşaya inkişaf edən, iqtisadiyyat, ordu quran, Qarabağın, Şuşanın işğaldan azad edilməsində qəhrəmanlıqla döyüşüb yüzlərlə şəhidlər verən ulu diyardı Naxçıvan…

Ardını oxu...

Azərbaycan Respublikasında koronavirus (COVID-19) infeksiyasına 2284 yeni yoluxma faktı qeydə alınıb, 4 392 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan verilən məlumata görə, COVID-19 üçün götürülən analiz nümunələri müsbət çıxmış 41 nəfər vəfat edib.

İndiyədək ölkədə ümumilikdə 205 877 nəfərin koronavirus infeksiyasına yoluxması faktı müəyyən edilib, onlardan 147 199 nəfər müalicə olunaraq sağalıb, 2 294 nəfər vəfat edib, aktiv xəstə sayı 56384 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 15 221, ötən müddət ərzində isə ümumilikdə 2 088 358 test aparılıb.

Ermənilər tərəfindən təkcə Kəlbəcərdəki mineral su bulaqlarının istismarı Azərbaycana 7.5 milyard manat həcmində ziyan vurub.

Bunu AMEA akademik H.Ə.Əliyev adına Coğrafiya İnstitutunun şöbə müdiri, coğrafiya üzrə fəlsəfə doktoru Mirnuh İsmayılov deyib.

O qeyd edib ki, ermənilər həmin suları qablaşdıraraq öz adları ilə ixrac ediblər. Bizə məxsus qızıl, civə yataqlarından onların əldə etdikləri gəlir isə qat-qat artıq olub ki, bu da bizim itkilərimizin hesabındadır.

Kəlbəcərin təbii ehtiyat potensialının təsərrüfatın inkişafına geniş imkanlar yaratdığını diqqətə çatdıran alim ərazidə yenidənqurma, bərpa layihələrinin həyata keçirilməsi üçün ciddi landşaft planlaşdırılmasının aparılması, relyefin, təbii şəraitin nəzərə alinmasının vacibliyini qeyd edib.

İnstitut rəsmisi bidirib ki, Kəlbəcər yüksək dağlıq şəraitinə malik olduğundan burada əkinçilik təsərrüfatındansa, mal-qaranın inkişaf etdirilməsi ilə daha yaxşı nəticələr əldə etmək olar.

 

 

 

İran Naxçıvan Muxtar Respublikası ilə Azərbaycanın digər əraziləri arasında dəmiryolu xəttinin bərpa olunması ilə Şimali Qafqaz və Avropaya yük və sərnişindaşımanı artıracaq.

Bunu İranın yol və şəhərsalma naziri Məhəmməd Eslami Şərqi Azərbaycan vilayətində Təbriz-Səhənd avtomagistral yolunun istismara verilməsi ilə əlaqədar tədbirdə deyib.

M.Eslaminin sözlərinə görə, bu dəmiryolu xətti İran üçün böyük əhəmiyyət kəsb edir.

O, əlavə edib ki, bununla əlaqədar İran, Azərbaycan və Rusiya arasında anlaşma əldə olunub.

“Bu dəmiryolunun davamı kimi İran ərazisində Təbriz-Xavəran dəmiryolu xəttinin birləşdirilməsi önəmli addımdır”.

http://destekfondu.nmr.az domenində fəaliyyət göstərən sayta daxil olmaqla ölkəmizin ərazi bütövlüyünün müdafiəsi ilə əlaqədar yaralananların və şəhid ailələrinin təminatına dəstək vermək mümkündür.

Saytın “Köçürmələr” bölümündə könüllü olaraq maliyyə vəsaiti şəklində yardımlar edən hüquqi və fiziki şəxslərin siyahısı və yardımın miqdarı yer alır.

Saytın “Müraciət” bölümündəki “Şəhid ailələri” və “Müharibədə yaralananlar” alt bölümlərinə daxil olub qeydiyyatdan keçməklə müraciət ünvanlamaq  mümkündür.

Qeyd edək ki,  Naxçıvan Muxtar Respublikası Ali Məclisinin Sədri Vasif Talıbov dekabrın 14-də Azərbaycan Respublikasının ərazi bütövlüyünün müdafiəsi ilə əlaqədar yaralananların və şəhid ailələrinin təminatına dəstək fondunun yaradılması haqqında   Fərman imzalayıb. Fond və onun yeni saytı bu kateqoriyadan olan  şəxslərə əlavə dəstək verilməsi məqsədilə yaradılıb.

Türkiyə Silahlı Qüvvələrinin ölkəmizdə olan minadan təmizləmə üzrə heyəti xüsusi hazırlanmış mühəndis şəhərciklərində mühəndis təminatı tapşırıqlarının yerinə yetirilməsi üzrə məşqlər keçirir.

Ardını oxu...

Azərbaycan Respublikası Prezidentinin tapşırığına uyğun olaraq Mərkəzi Bank və Azərbaycan Banklar Assosiasiyası banklar tərəfindən Müdafiə Nazirliyinin rəsmi siyahısında yer almış şəhidlərdən banklar qarşısında kredit öhdəliyi olan 830 şəhidə aid 1 503 kredit üzrə həm əsas borcun, həm də faizlərin silinməsini təmin etmişlər.

Mərkəzi Bankdan Trend-ə verilən məlumata görə, eyni zamanda, şəhidlərimizin ailə üzvlərinə aid olan 286 sayda, xəsarət almış hərbçilər üzrə 1 323 sayda kreditin, şəhid olmuş 15 nəfər və ciddi zərər çəkmiş 9 nəfər mülki şəxsin borc öhdəliklərinin tamamilə silinməsi təmin olunmuşdur.

Ardını oxu...

Hər bir insanın doğulduğu, böyüdüyü və son nəfəsini verdikdən sonra əbədi yuxuya getdiyi bir torpaq vardır. Bu torpağa Vətən deyirik. Vətən millətin azadlığının  və müstəqilliyinin simvoludur. Məhz bu səbəbdən insanlar ürəklərinin bir tərəfində hər zaman böyük bir sevgi olan Vətən sevgisini daşıyırlar. Bu sevgi sadəcə doğulduğumuz torpağı sevmək deyil, eyni zamanda mənsub olduğumuz milləti, vətəndaşı olduğumuz dövləti, azadlığımızın simvolu olan ay- ulduzlu şanlı bayrağımızı, dilimizi, adət - ənənələrimizi sevməkdir.

         Düşmənin işğalçılıq siyasətinə son qoymaq üçün apardığımız 44 günlük  müharibədə  ürəyi bu  sevgiylə dolu insanların qəhramanlıqları və fədakarlıqları tariximizə yeni bir tarix qatdı. İkinci Qarabağ müharibəsində ən yeni və qürurlu tariximizi yazanlar arasında qəhrəmanlar diyarı olan Naxçıvanın qorxmaz, yenilməz, məğrur igidləri də oldu. O igidlər dən biri də Əsgərov Vüqar Rza oğlu idi.

         Vuqar 1994-cü ilin 26 noyabrında Kəngərlı rayonunun Qarabağlar kəndində doğulmuşdu. Alənin son beşiyi olan Vüqarın iki bacısı,  bir qardası var idi. Qardaşı Moskva şəhərində avtomobil qəzası  nəticəsındə həyatını itirdiyi üçün bacılarının və  ata-anasının son ümid yeri idi Vüqar. İnsan taleyini adında yaşayır - deyiblər. Bəli, Vüqar da adının haqqını layiqincə verdi - öz əzəməti və vüqarı ilə… Vüqar təbiətcə sakit, səmimi və  hamı ilə ünsiyət qura bilən bir gənc idi. Bu səbəbdən ətrafındakı insanlar tərəfindən çox sevilirdi. Vüqar orta təhsilini Qarabağlar kəndində birinci Qarabağ müharibəsi şəhidi olan Əbülfəz İmanovun adını daşıyan məktəbdə  almışdı. Universitetə qəbul olsa da, ailəsinin  maddi cətinlikləri olduğu üçün ali  təhsil ala bilməmişdir. Atası Rza kişi ağır şəkərli diabet xəstəsi olduğundan ailənin bütün yükü Vüqarın üzərinə düşmüşdü. Hər zaman özündən çox ətrafındakı insanları düşünən Vüqar hərbi xidmətdə olduğu vaxtlarda da nizam - intizamı, qayğıkeşliyi, ayıq-sayıqlığı, vətənpərvərliyi ilə seçilirdi. Verilən döyüş tapşırıqlarını  yüksək dəqiqliklə yerinə yetirən Vüqarın arzusu vətəni Azərbaycanı azad görmək idi. Hərbi xidmətini bitirdikdən bir qədər sonra vətənə səngərdə xidmət etmək arzusu onu müddətdən artıq xidmət edən hərbi qulluqçu olaraq yenidən səngərə qaytarmışdı. Vüqarını dağlardan alan Vüqar igidliyi, qorxmazlığı , vətənpərvərliyi ilə komandirlərinin sevgisini qazanmağı bacarmışdı .

Ardını oxu...

Paşinyanın planı məlumdur: Sünikdə (Zəngəzur) başlanan prosesi (Qubadlı-Zəngilan istiqamətində dövlət sərhədinin bərpası) tamamlamaq, sonra Tavuşa (Qazaxın 7 kəndi) keçmək.

Bu barədə “Dejavü” teleqram kanalı mənbələrinə istinadən yazıb.

“Tavuşdan sonra isə Tiqranaşen (Naxçıvanın Kərki kəndi) qaytarılacaq”- mənbə kanala deyib.

Mənbə iddia edir ki, proses uğurla başa çatandan sonra plana uyğun olaraq, Türkiyə ilə münasibətlər normallaşdırılacaq, Rusiyanın 102-ci hərbi bazasından imtina ediləcək, NATO-nun qapıları açılacaq: “Bu proqram 2021-ci ilin 20 yanvar tarixindən gec olmayaraq reallaşdırılmalıdır. Nikolun planı 20 yanvar 2021-ci il tarixinə qədər hakimiyyətdə qala bilməkdir, ondan sonra türk-amerika güclərinin müdafiəsi altında olacaq”.

Ardını oxu...

Milli Məclisin dekabrın 24-də keçiriləcək plenar iclasının gündəliyi açıqlanıb.

İclasın gündəliyinə 9 məsələ daxil edilib.

Bunlar aşağıdakılardır:

1. "Azərbaycan Respublikasının 2021-ci il dövlət büdcəsi haqqında” Azərbaycan Respublikası qanununun layihəsi barədə.

2. "Dövlət Sosial Müdafiə Fondunun 2021-ci il büdcəsi haqqında” Azərbaycan Respublikası qanununun layihəsi barədə.

3. "İşsizlikdən Sığorta Fondunun 2021-ci il büdcəsi haqqında” Azərbaycan Respublikası qanununun layihəsi barədə.

Ardını oxu...

Azərbaycan Respublikası Ədliyyə nazirinin əmrinə əsasən, işğaldan azad edilmiş ərazilərdə yerli ədliyyə qurumlarının yeni strukturu və ştat bölgüsünün təsdiq edilməsi ilə əlaqədar müvafiq vəzifələrin icrası barədə verilən təkliflər və müraciətlər nəzərə alınaraq, Xankəndi şəhər icra və probasiya şöbəsinin rəisi vəzifəsinin icrası, Xocalı şəhər icra və probasiya şöbəsinin rəisi, ədliyyə müşaviri Bəşirov Rac Şükür oğluna həvalə edilib.

Bu barədə xocalininsesi.info-ya istinadla məlumat verir.

Xankəndi şəhər icra və probasiya şöbəsinə rəis təyin edilən Rac Bəşirov Beynəlxalq Universitetinin Hüquq fakültəsini bitirib. O, 2003-cü ildən 2008-ci ilə qədər Xocalı rayon İcra Hakimiyyətində Hüquq şöbəsində hüquqşünas vəzifəsində işləyib. 2008-ci ildən indiyə qədər Xocalı şəhər icra və probasiya şöbəsinin rəisi vəzifəsində çalışır. Qeyd edək ki, Rac Bəşirov Xankəndi və Xocalı şəhər icra və probasiya şöbələrinə rəhbərlik edəcək. Hər iki şöbə hələlik Goranboy rayonunun Meşəli qəsəbəsində fəaliyyət göstərir.

29 ildən sonra ilk dəfədir ki, Xankəndidə rəsmi quruma Azərbaycan vətəndaşı rəhbər təyin edilib. Artıq Xankəndi şəhər və Kərkicahan qəsəbə sakinlərinin müraciət edə biləcəkləri hüquq orqanı vardır.

 

 

 

Müdafiə Nazirliyi Azərbaycan Respublikası Silahlı Qüvvələrinin Vətən müharibəsində şəhid olmuş hərbi qulluqçularından dekabrın 21-dək dəfn edilənlərin adını açıqlayıb. Nazirkdən bu vaxta qədər 2802 nəfər dəfn edilib. Dəfn edilənlərin foto şəkilləri, adları, soyadları, hərbi rütbəsi və doğum tarixi haqqında yenilənmiş məlumat təqdim olunur.

Qeyd edək ki, hazırda itkin düşmüş hesab olunan 40-a yaxın hərbi qulluqçunun tapılması və şəxsiyyəti müəyyən olunmayan 60-dan artıq şəxsin identifikasiyası üzrə işlər davam etdirilir.

Ardını oxu...

Bu ilin 21 dekabr tarixində Azərbaycan Respublikasının xarici işlər naziri Ceyhun Bayramov və Rusiya Federasiyasının xarici işlər naziri Sergey Lavrov arasında telefon danışığı baş tutub.

Xarici İşlər Nazirliyinin (XİN) Mətbuat xidməti idarəsindən verilən xəbərə görə, nazirlər 10 noyabr tarixli birgə bəyanatdan irəli gələn məsələlərin icrası, eləcə də ikitərəfli əməkdaşlıq gündəliyi üzrə fikir mübadiləsi aparıblar.

Tərəflər, həmçinin qarşılıqlı maraq doğuran regional məsələləri müzakirə ediblər.

 

 

 

 

“Torpaq bizi səsləyirdi. Tələsirdik düşmənə ağır zərbələr endirib, doğma torpaqlarımıza ayaq basmağa.Tələsirdik Xarı bülbülü azadlığa buraxmağa, tələsirdik illərdir həsrəti ilə yanıb göynədiyimiz doğma torpaqlarımızı geri almağa. Vaxt, zaman yetişdi. Döyüş əmrini alıb irəli yeridik”. Bu sözləri deyən naxçıvanlı igidimiz Hümbətov İlkin Zakir oğlu idi. İlkinin atası vaxtsız vəfat etdiyindən, anası Tünzalə xanım  onu tək böyüdüb boya-başa çatdırıb. Bu mərd, cəsur oğlanın  ən böyük arzusu hərbiçi olmaq idi. Bu sevgi, ona hələ məktəb yaşlarından hakim kəsilmişdi. Sinifdə müəllim sərbəst mövzuda inşa yazmağı tapşırır, elə bu zaman İlkin inşaya bu kəlimələrlə başlayır: “Ən böyük arzum hərbiçi olub, o şərəfli formanı geyinib, düşmən əsarətində olan yurd yerlərimizi azad etməkdir”. Bu arzu, bu niyyət balaca İlkinin xəyalları idi. Böyüdü arzusunu gerçəkləşdirmək üçün addım-addım irəlilədi. Naxçıvan şəhər Heydər Əliyev adına Hərbi Lisseydə təhsilini başa vurduqdan sonra Azərbaycan Ali Hərbi Məktəbinə daxil oldu. Məktəbi uğurla bitirib Beyləqanda yerləşən “N” hərbi hissəsində leytenant kimi xidmətə başladı. İlkinin ilk döyüş yolu Vətən müharibəsində gerçəkləşdi.Onunla etdiyim söhbət o qədər maraqlı idi ki, sanki bir film səhnəsindən bəhs edilirdi.Cəbhədə baş verənlər bir kinolenti kimi  gözlərimönündə canlanırdı. İlkinin döyüş yolunu vərəqləyib sizlərlə bölüşürəm:

Döyüş başlayır.İlk əvvəl Füzuli, Hadrut istiqamətindən. Daha sonra Cəbrayılın, Xocavəndin kəndləri işğaldan azad edilir. Atəş səsindən qulaq tutulur, göz-gözü görmürdü elə bu məqamda. İlkin hər bir əməliyyata böyük ustalıqla yanaşaraq, üzərinə yağan mərmi yağışından canını qurtarmağı bacarır.Bu gənc naxçıvanlının bir məqsədi vardı: ölmək yox, öldürmək. Döyüşlər zamanı İlkin və onun tabeliyində olan əsgərlər düşmənin çoxlu qənimətini ələ keçirir. Düşmən hər zaman olduğu kimi,Hadrutda gedən döyüşlər zamanı da növbəti riyakarlığına ət atır. Elə bu zaman gənc eloğlumuz, hiss edir ki, niva markalı avtomobildə erməni əsgəri özünü ölü vəziyyətinə vurub.Dərhal hərəkətə keçir, düşməni məhv etməyə nail olur. İlkin deyir ki, döyüş zamanı əsgər, zabit bilinmirdi. Hər birimiz bir  yumruq olub, düşmən üzərində 30 illərdir yanan alovu söndürürdük. Döyüşdə belə bir şey var, döyüş yoldaşına özün qədər güvənirsənsə, deməli o vurulsa sən də vurulmusan,o yaşayırsa sən də sağsan deməkdir. Düşmənin əsas hədəfi  zabitlər idi, çünki idarə etmə itsin deyə. Məhz buna görə də döyüş başlayan bir gündən daşıdığım hərbi rütbəni çıxarıb kənara qoymuşdum. Çünki məndən önəmli mənim şəxsi heyətim idi.Onlar komandirlərininin gözünün içinə baxır, nə komanda verəcəyini böyük ümidlə gözləyirdilər.

Ardını oxu...

“Sumqayıt-Çörək” ASC İqtisadiyyat Nazirliyinin dəstəyi ilə mədəniyyət beşiyi hesab olunan Şuşada ilk istehsal müəssisəsi - çörək istehsalı sahəsi açıb.

Nazirlikdən verilən məlumata görə, Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin qətiyyəti, müzəffər Azərbaycan Ordusunun şücaəti nəticəsində torpaqlarımız işğaldan azad olundu. Bu böyük zəfər iqtisadi imkanların genişlənməsi və yeni layihələrin icrası, eyni zamanda sahibkarlıq üçün də geniş imkanlar açır.

Bu imkanlardan yararlanan “Sumqayıt-Çörək” ASC 20 gün ərzində təşkil edilmiş müəssisə gündəlik olaraq 2 çeşiddə 5000 ədəd çörək istehsal edir. İstehsal sahəsində 10 nəfər işlə təmin olunub. Müəssisə bölgədə xidmət aparan əsgər və zabitlərimizi çörəklə təmin edir.

Fasiləsiz işin təşkili məqsədilə müəssisə fərdi generatorla, su sistemi ilə təmin olunub. Tələbatın artacağı təqdirdə istehsalın həcminin və məhsul çeşidinin artırılması, yeni iş yerlərinin açılması nəzədə tutulur.

 

 

 

 

 

“Azərbaycan Hava Yolları” QSC-nin (AZAL) bu gün saat 09:10-da Bakıdan Türkiyənin İstanbul şəhərinə yerinə yetirməli olduğu J2 177 reysi ləğv olunub.

Bu barədə  Heydər Əliyev Beynəlxalq Aeroportundan bildirilib.

Məlumata görə, həmin aviareysin sərnişinləri İstanbula AZAL-ın bu gün saat 11:50-də həyata keçirəcəyi J2 175 reysi ilə yola salınacaq.

Bununla belə, hava limanından uçuşun hansı səbəbdən baş tutmadığı açıqlanmayıb.

Sözügedən aviareys sərnişinlərin sayının az olması ilə əlaqədar ləğv edilib.

 

 

 

Xankəndidə ermənilər evləri təcili şəkildə satışa qoyublar.

Müxtəlif ev elanı saytlarında yerləşdirilən evlər təcili satıldığı bildirilir.

Diqqət çəkən məqamlardan biri isə odur ki, evlərin böyük əksəriyyəti bütün əşyaları ilə birlikdə satışa qoyulub. Evlər təcili satıldığı üçün bazar qiymətindən aşağıdır.

Türkiyə Böyük Britaniya, Danimarka, Niderland və Cənubi Afrika Respublikasından uçuşları müvəqqəti dayandırıb.

Bu barədə ölkənin səhiyyə naziri Fəxrəddin Qoca bildirib.

Onun sözlərinə görə, uçuşlar koronavirusun yeni aşkarlanan mutasiyası səbəbindən dayandırılıb: "Bildirilirdi ki, koronavirus mutasiyasından sonra Böyük Britaniyada onun yayılma sürəti artıb. Prezidentin tapşırığı və Nəqliyyat və İnfrastruktur Nazirliyinin koordinasiyası ilə Böyük Britaniya, Danimarka, Niderland və Cənubi Afrika Respublikasından uçuşların müvəqqəti dayandırılması barədə qərar qəbul edilib".

Qeyd edək ki, dekabrın 14-ü Böyük Britaniyanın səhiyyə naziri Mett Henkok bildirib ki, britaniyalı alimlər ölkədə koronavirusun yeni mutasiyasını aşkarlayıblar. Onun sözlərinə görə, ilkin araşdırmalar göstərir ki, sözügedən ştamm digər ştammlardan daha sürətli yayılır.

 

 

 

Naxçıvan Muxtar Respublikası Ali Məclisi Sədrinin 2014-cü il 19 dekabr tarixli “Muzeylərlə əlaqələrin daha da gücləndirilməsi haqqında” Sərəncamı muxtar respublikada dövlət orqanları əməkdaşlarının muzeylərə kollektiv gedişinin təmin olunması ilə yanaşı, həm də qədim diyarımızın tarixi keçmişinin, mədəniyyətinin öyrənilməsində əhəmiyyətli rol ­oynayır.

Ardını oxu...

Muzey günləri” çərçivəsində Naxçıvan Dövlət Xalça Muzeyində olan universitet kollektivinə bildirilib ki, 1998-ci ildən fəaliyyət göstərən muzey 2010-cu ildən yeni binaya köçürülüb. 2013-cü ildə muzeydə yenidənqurma işləri aparılıb ekspozisiya yenidən təşkil olunub. Qeyd olunub ki, Naxçıvan Dövlət Xalça Muzeyinin xalçaçılıq sənətinin təbliği, yaşadılması sahəsində özünəməxsus yeri var və muzeyin fəaliyyətində yaddaqalan mədəni hadisələr, görüşlər olub. 1999-cu ilin oktyabr ayında Azərbaycan xalqının ümummilli lideri Heydər Əliyevin Naxçıvan Muxtar Respublikasının yaradılmasının 75 illiyi ilə əlaqədar Naxçıvana səfəri zamanı bu muzeydə olması da əlamətdar hadisələrdən ən yaddaqalanıdır.

Ardını oxu...

Naxçıvan Muxtar Respublikası Ali Məclisinin sədri Vasif Talıbovun Muxtar Respublikaya rəhbərliyinin 25 ili tamam oldu. Siyasi iradə, fədakarlıq, xalq sevgisi və böyük əmək sərf edilən ömür yolu ilə bağlı yazı yazmışdım. Onu bir daha oxucularımıza təqdim etmək istəyirəm.

Antik yunan filosofu Aristotel “Politika” əsərində yazır ki, inam uğuru təmin edən mühüm vasitə kimi siyasətin ayrılmaz hissəsidir. Bu mənada, Naxçıvan Muxtar Respublikasının Ali Məclisin sədri Vasif Talıbov da böyük siyasətdə və dövlət idarəçiliyində bütün uğurlara məhz xalqın böyük sevgisi, mənəvi dəstəyi, etimadı sayəsində nail olub. Ən mühüm fakt odur ki, cənab Vasif Talıbov blokada şəraitində yerləşən Naxçıvanda iqtisadi uğurlarla yanaşı, cəmiyyətin mənəvi bütövlüyünü yarada bilib. Əsl rəhbər digər insanlardan onunla seçilir ki, ətrafda baş verən hadisə və proseslərə münasibətdə passiv müşahidəçi mövqeyindən çıxış etmir, hadisələrə biganəlik-laqeydlik göstərmir. Öz iradəsi, qətiyyəti, hadisələrə operativ qiymət vermək bacarığı, heç bir riskdən çəkinməməsi ilə sübuta yetirir ki, onun hədəfləri xalqın xoşbəxt gələcəyi, işıqlı sabahıdır.

Ardını oxu...

Əmək və Əhalinin Sosial Müdafiəsi Nazirliyinin Kollegiyasının 18 dekabr 2020-ci il tarixli Qərarı ilə 2021-ci il üçün iş vaxtı norması və istehsalat təqvimi təsdiq edilib.

Nazirlikdən bildirilib ki, 2021-ci il üçün iş vaxtı normasında bildirilir ki, Azərbaycan Respublikasının Əmək Məcəlləsinə, Azərbaycan Respublikası Prezidentinin “Azərbaycan Respublikasında Zəfər Gününün təsis edilməsi haqqında” 2020-ci il 3 dekabr tarixli Sərəncamına və Azərbaycan Respublikası Nazirlər Kabinetinin “2021-ci il üçün Novruz, Ramazan və Qurban bayramları günlərinin müəyyən edilməsi haqqında” 2020-ci il 3 dekabr tarixli 483 nömrəli Qərarına əsasən 2021-ci ildə aşağıdakı günlər iş günü hesab edilmir:

Ardını oxu...

ARXİV

Yanvar 2020
Be Ça Ç Ca C Ş B
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

MÜƏLLİFLƏR

KEÇİDLƏR