26 Fevral 2021, Cümə

Bədən tərbiyəsi və idman insanın kamilləşməsinə və sağlamlığının möhkəmlənməsinə xidmət edir. İdman fiziki sağlamlıqla yanaşı, insanı mənəvi ucalığa dəvət edən, nikbin emosiyanın formalaşmasına səbəb olan, beynəlxalq idman yarışlarında ölkənin tanınmasına xidmət edən mühüm sosial vasitədir. Ölkə Prezidenti cənab İlham Əliyev idmançılarla görüşündə demişdir: “İdman hər bir ölkənin gücünü göstərir. İdmana olan diqqət və qayğı hər bir ölkənin dövlət siyasəti olmalıdır. Azərbaycanda bu belədir. Uğurlarımızın təməlində məhz dövlət siyasəti dayanır. Məhz dövlət siyasəti, idmançılarımızın peşəkarlığı, mütəxəssislərin və federasiyaların birgə fəaliyyəti bu uğurları şərtləndirir”.

Ardını oxu...

Naxçıvan Muxtar Respublika Stadionunda “Zərərli vərdişlərə yox deyək, həmişə sağlam olaq!” devizi altında Naxçıvan şəhər tam orta məktəblərində yaradılan idman klublarının atletləri аrаsındа atletikanın qaçış növü üzrə şəhər birinciliyi keçirilib.

Ardını oxu...

Tədbiri giriş sözü ilə açan federasiyanın sədri Azad Cabbarov yığıncağın gündəliyində duran məsələlərlə bağlı məlumat verib.
Sonra federasiyanın sədr müavini Sakit Rzayevin 2020-ci ildə görülən işlər və keçirilən yarışlar barədə hesabatı dinlənilib. Bildirilib ki, ölkəmizin aidiyyəti idman qurumları ilə sıx əməkdaşlıq əlaqələri yaradan federasiyamız tərəfindən, həmçinin xarici əməkdaşlıqla da bağlı məqsədyönlü addımlar atılıb. Şərur rayonunda Region Liqa Naxçıvan Zonasında oyun idarəçiliyi edən 15 hakimin iştirakı ilə təlim-məşq toplanışı keçirilib, futzal idman növünün inkişafı üçün də lazımi işlər görülüb. Belə ki, muxtar respublikada ilk dəfə Naxçıvan Futzal Liqasının yaradılması bölgənin idman həyatında yaddaqalan olub. İki komanda muxtar respublikamızı Azərbaycan kubokunda təmsil edib. Naxçıvan Futbol Federasiyasının rəsmi internet saytı nff.az istifadəyə verilib.

Ardını oxu...

Naxçıvan Muxtar Respublikası Atletika Federasiyasının 2020-ci ilin yekunu və 2021-ci ildə görüləcək işlərə dair hesabat yığıncağı keçirilib.
Yığıncağı Naxçıvan Muxtar Respublikası Atletika Federasiyasının sədri Rəhman Məmmədov açaraq muxtar respublikada idmanın inkişafına göstərilən diqqət və qayğıdan, ötən müddət ərzində təməli qoyulan idman məktəbləri, mərkəzləri və ümumtəhsil məktəblərində yaradılan idman klublarından, eləcə də idmanın müxtəlif növləri üzrə peşəkar idmançıların yetişdirilməsi, bu sahədə qazanılan nailiyyətlər, ölkə və beynəlxalq səviyyəli yarışlarda yüksək nəticələrin əldə olunmasından danışıb.

Ardını oxu...

Dünən Naxçıvan Muxtar Respublikası Voleybol Federasiyasının 2020-ci ilin yekunları və qarşıda duran məsələlərlə bağlı iclası keçirilib.
Tədbirdə çıxış edən Naxçıvan Muxtar Respublikası Gənclər və İdman naziri Azad Cabbarov vurğulayıb ki, Naxçıvan Muxtar Respublikası Ali Məclisi Sədrinin idman və idmançılara göstərdiyi diqqət və qayğı sayəsində muxtar respublikada idmana olan maraq gündən-günə artmaqdadır. “2020-2025-ci illər üçün Naxçıvan Muxtar Respublikasında idmanın inkişafına dair Dövlət Proqramı”nın icrası ilə əlaqədar bir sıra işlər həyata keçirilməkdədir.

Ardını oxu...

Formula 1 Azərbaycan Qran-Prisinin təqvimi açıqlanıb.

Bakı şəhər halqasında yarış iyunun 4-də yerli vaxtla saat 13:30-da start götürəcək. Həmin gün saat 17:00-da ikinci test yürüşü başlayacaq. Növbəti - sonuncu sərbəst yürüş iyunun 5-də saat 14:00-da başlayacaq. Hər üç yürüş bir saat davam edəcək. Sıralama turu iyunun 5-də saat 17:00-da start götürəcək. Azərbaycan Qran-Prisi isə iyunun 6-da saat 16:00-da başlayacaq.

Xatırladaq ki, Formula 1 yarışları Bakıda 2016-cı ildən keçirilir.

Naxçıvan Muxtar Respublikası Karate-do Federasiyasında ötən ilin yekunları və qarşıda duran vəzifələrlə bağlı yığıncaq olub.
Tədbiri giriş sözü ilə açan federasiyanın sədri Fazil Ələkbərov yığıncağın gündəliyində duran məsələlərlə bağlı məlumat verib.
Sonra federasiyanın sədr müavini Nəriman Quliyevin 2020-ci ildə görülən işlər və keçirilən yarışlar barədə hesabatı dinlənilib.

Ardını oxu...


Naxçıvan Muxtar Respublikası Paralimpiya Federasiyasının ötən ilin yekunlarına həsr olunmuş iclası keçirilib. Yığıncağın gündəliyində federasiyanın 2020-ci il ərzində fəaliyyəti və görülən işlərin hesabatı olub. 

Ardını oxu...

Naxçıvan Muxtar Respublikası Şahmat Federasiyası tədbirlər planına uyğun olaraq növbəti interaktiv dərs və yarışlar keçirib.
Belə ki, Şahmat Federasiyası, Babək Rayon Uşaq-Gənclər Şahmat Məktəbi, Quba Şahmat Məktəbi, “İdea” şahmat klubu, “Bakı Grandmaster” şahmat klubu, Türkiyənin Hatay “Şah” şahmat klubu, “Söke Remzi Zeytinoğlu” şahmat klubu və “Albio” şahmat klubunun təşkilatçılığı ilə 7 komanda arasında yoldaşlıq oyunu keçirilib. Lichess.org plartforması vasitəsilə keçirilən görüşdə müxtəlif dərəcəli şahmatçı şagirdlər iştirak ediblər. Bununla yanaşı, federasiya Şərur Rayon Uşaq-Gənclər Şahmat Məktəbi və Türkiyənin nüfuzlu “Mersin Modern” şahmat klubu ilə birgə 20 Yanvar şəhidlərinin əziz xatirəsinə həsr edilmiş klublararası yoldaşlıq oyunu da təşkil edib.

Ardını oxu...

View the embedded image gallery online at:
http://serqqapisi.az/index.php/idman.html#sigProGalleria953821781e
  

İstənilən peşəkar idman növü insan sağlamlığında zərər yarada bilər. Amma bəzi idman növləri var ki, onlarla peşəkar və ya qeyri-peşəkar şəkildə məşğul olduqda belə insan sağlamlığı üçün heç bir təhlükə yaranmır. Kainat inkişaf etdikcə bütün sahələrdə dəyişikliklər olduğu kimi idmanda da müəyyən yenilənmələr baş verir: yeni idman növləri yaradılır, bəzi idman növlərində qaydalar müasirləşir, bəziləri isə öz “hegemonluğunu” digərlərinə təhvil verir. Yeni-yeni püxtələşməyə və kütləviləşməyə başlayan idman növlərindən biri də skandinav yürüşüdür.

Ardını oxu...

Ölkəmizdə dövlət siyasətinin prioritet istiqamətlərindən birini də idmanın inkişafı təşkil edir. Bu sahənin maddi-texniki bazası gündən-günə möhkəmləndirilir. Ölkənin idman mərkəzlərindən biri hesab olunan muxtar respublikamızda da bu məsələ diqqətdə saxlanılır.

Ardını oxu...

Naxçıvan Muxtar Respublikası Gənclər və İdman Nazirliyi tərəfindən dekabr ayında da gənclərin asudə vaxtlarının səmərəli təşkili, dünyagörüşlərinin formalaşdırılması, idmanın kütləviliyinə nail olunması istiqamətində ardıcıl tədbirlər həyata keçirilmişdir.
Ötən ay könüllülüyün gənclər arasında daha geniş təbliğ edilməsi məqsədilə 5 dekabr – Beynəlxalq Könüllülər Günü ilə əlaqədar könüllü gənclər arasında futzal və “Xəmsə” milli intellektual oyunu üzrə yarışlar keçirilmiş, qalib gənc­lər mükafatlandırılmışdır.

Ardını oxu...

Naxçıvan Muxtar Respublikası Şahmat Federasiyası və Fransanın Şartr şəhərinin “C’Chartres Echecs” Şahmat Klubunun təşkilatçılığı ilə Azərbaycan-Fransa onlayn yoldaşlıq görüşü keçirilib.

Ardını oxu...

Dekabrın 18-də Naxçıvan Dövlət Texniki Kollecində Naxçıvan Muxtar Respublikası Atletika Federasiyasının ümumi yığıncağı keçirilib.
Ümumi yığıncağın gündəliyi təsdiq edildikdən sonra Atletika Federasiyasının sədri Rəhman Məmmədov qeyd edib ki, muxtar respublikada digər idman növləri kimi atletikanın da inkişafı üçün zəruri şərait vardır. Bu şəraitdən səmərəli istifadə olunması məqsədilə ötən müddət ərzində muxtar respublikada Yüngül Atletika Federasiyası yaradılmışdır. Muxtar respublikada atletikanın digər növləri də inkişaf etdiyindən bu federasiyanın əhatə dairəsinin genişlənməsinə ehtiyac yaranmışdır. Buna görə də federasiyanın təsisçiləri ləğv edilərək “Xatun” Bədii Gimnastika İdman Klubu və Şərur Rayon Ağır Atletika İdman Bölməsinin bazasında Naxçıvan Muxtar Respublikası Atletika Federasiyası yaradılıb.

Ardını oxu...

Naxçıvan Muxtar Respublikası Culfa Rayon Uşaq-Gənclər Şahmat Məktəbi ilə İtaliyanın Roma şəhərinin “Ostia Scacchi” Şahmat klubu arasında yoldaşlıq görüşü keçirilib.
Lichess.org saytında onlayn keçirilən görüşdə qrossmeyster, FİDE və beynəlxalq usta şahmaçılar mübarizə aparıb. Yoldaşlıq görüşündə hər zəka sahibinə 90 dəqiqə (5+3) vaxt verilib.
Yekun nəticəyə əsasən muxtar respublikanın şahmat məktəbinin yetirməsi, beynəlxalq usta Toğrul Həsənzadə qalib adını qazanıb. Azərbaycan əsilli italiyalı şahmatçı, beynəlxalq usta Mir­ağa Ağayev ikinci, naxçıvanlı zəka sahibi Sadiq Qarayev isə üçüncü olub.
Qeyd edək ki, Naxçıvan Şahmat Federasiyası qarşıdakı günlərdə beynəlxalq görüşlərin yenidən keçirilməsini planlaşdırıb.

 Ceyhun MƏMMƏDOV

Futbol üzrə Azərbaycan millisi noyabrın 27-də rəsmən açıqlanan FIFA reytinqində 1180 xalla 109-cu olub. Yığmamız son 14 ay üçün ən yaxşı nəticəsinə imza atıb.

Komandamız sonuncu dəfə 2019-cu ilin sentyabrında belə yüksək mövqedə qərarlaşıb. Həmin vaxt milli indiki kimi 109-cu olub.

Ardını oxu...

“2020-2025-ci illər üçün Naxçıvan Muxtar Respublikasında idmanın inkişafına dair Dövlət Proqramı”na uyğun olaraq Təhsil Nazirliyinin tabeliyində fəaliyyət göstərən təhsil müəssisələrində idman klubları yaradılıb. Noyabrın 20-də Naxçıvan Muxtar Respublikasının Təhsil, Gənclər və İdman nazirliklərinin birgə təşkilatçılığı ilə Naxçıvan Dövlət Texniki Kollecində idman klublarının təqdimatı keçirilib. 

Tədbirdə Naxçıvan Muxtar Respublikasının Təhsil naziri Rəhman Məmmədov çıxış edərək bildirib ki, Naxçıvan Muxtar Respublikası Ali Məclisi Sədrinin diqqət və qayğısı sayəsində ümumtəhsil müəssisələrində 33 futbol, 16 minifutbol idman meydançası, 196 idman zalı və açıq idman qurğuları, şahmat sinifləri şagird və müəllimlərin ixtiyarına verilib. Şahmat məktəbləri 67 kompüter və 9 elektron lövhə, həmçinin şahmatla bağlı elektron tədris vəsaitləri ilə təchiz olunub, şahmat fənnini tədris edən müəllimlərin sertifikasiyası aparılıb, 505 müəllim sertifikatla təmin edilib.

Ardını oxu...

DÇ-2022-nin Avropa zonası üzrə seçmə mərhələsinin püşkatmasının səbətlərinin ilkin siyahısı açıqlanıb.

Dekabrın 7-dəki püşkatmada komandalar 6 səbətə bölünəcək.

Bunların beşində 10, birində 5 yığma yer alacaq. Bu səbətlər noyabrın 26-da açıqlanacaq FİFA reytinqinə əsasən bəlli rəsmiləşəcək. Lakin artıq indidən reytinqlə bağlı təxminlərə əsasən səbətlər məlumdur. 

Ardını oxu...

İdman qədim tarixə malik olan və çoxfunksiyalı xarakter daşıyan fəaliyyət növüdür. Bir tərəfdən insan sağlamlığının təmin olunmasının ən etibarlı vasitələrindən biri kimi qəbul edilən idman, digər tərəfdən ölkənin müxtəlif yarışlarda dünya səviyyəsində tanıdılmasında, gənclərin zərərli vərdişlərdən uzaqlaşdırılaraq düzgün istiqamətləndirilməsində və peşəkar idmançılar üçün məşğulluğun təmin olunmasında əhəmiyyətli rola malikdir. İdman artıq ölkəmizdə dövlət siyasətinin bir hissəsini təşkil edir. Azərbaycan Respublikasının Prezidenti cənab İlham Əliyev demişdir: “İdmanın inkişafı bizim dövlət siyasətimizdir və idman infrastrukturunun yaradılması prosesi davam edir. Biz gələcək illərdə də bu istiqamətdə işlərimizi davam etdirəcəyik ki, hər bir rayonda idmanla məşğul olmaq üçün ən müasir şərait yaradılsın”. 

Ardını oxu...

2020/2021 mövsümündə futbol üzrə İspaniya La Liqasında ən çox maaş verən klub "Real Madrid"dir.

Paytaxt təmsilçisinin ödədiyi məvacib 468,5 milyon avrodan çoxdur.

Bu məbləğə futbolçuların, əsas komandanın məşqçilər heyətinin, akademiya və əvəzedici heyətin xərcləri daxildir.

Ardını oxu...

Futbol üzrə Avropa çempionatında bütün qrupların tərkibi dəqiqləşib.

Bu, AVRO-2020-nin pley-off mərhələsində final oyunlarından sonra məlum olub. Son 4 vəsiqəyə Şimali Makedoniya, Şotlandiya, Slovakiya və Macarıstan sahib çıxıb. Onlar müvafiq olaraq, C, D, E və F qruplarına düşüblər.

Ardını oxu...

Bu gün UEFA Çempionlar Liqasında qrup mərhələsinin II turunun növbəti oyunları keçiriləcək.

İkinci oyun günündə 4 qrupda 8 qarşılaşma təşkil ediləcək.

Azərbaycanın U-21 millisinin üzvü Emre Kaplanın çıxış etdiyi Türkiyənin "Başakşehir" klubu İstanbulda Fransa PSJ-sini qəbul edəcək. H qrupunun digər matçında "Mançester Yunayted" İngiltədə Almaniya “Leyptsiq”ini sınağa çəkəcək.

Ardını oxu...

İngiltərənin "Liverpul" futbol klubu ötən UEFA Çempionlar Liqasının qrup mərəhələsi çərçivəsində Danimarkanın "Midtyuland" klubu ilə qarşılaşmada tarixinin 10 000-ci qolunu vurub.

Bu barədə futbol klubunun rəsmi "Twitter" səhifəsində deyilir.

Məlumata əsasən, klubun tarixinin 10 000-ci qolunun müəllifi portuqaliyalı futbolçu Dioqu Jota olub. Bildirilir ki, 10 000-ci qol klubun 5 753-cü oyununda vurulub. 

Qeyd edək ki, ötən gün keçirilən oyunda "Liverpul" rıqibi üzərində 2:1 hesablı qələbə qazanıb. Qrup mərhələsinin növbəti oyununda "Liverpul" İtaliyanın "Atalanta" klubunun qonağı olacaq.

Mütləq Döyüş Çempionatının (UFC) yüngül çəkidə çempionu rusiyalı Həbib Nurməhəmmədov ilə amerikalı döyüşçü Castin Getji arasında döyüş keçirilib.

  Əbu-Dabidə baş tutan görüş H.Nurməhəmmədovun qələbəsi ilə başa çatıb.

Peşəkar arenada indiyədək məğlub olmayan Həbib Nurməhəmmədov bu görüşdə dünya çempionu kəmərini müdafiə edib. O, ikinci raundda rəqibini boğucu fəndə salaraq məğlub edib və yüngül çəkidə öz UFC çempionu titulunu qoruyub.

Ardını oxu...

Milli komandaların FİFA reytinqi açıqlanıb.

 Azərbaycan yığması 1175 xalla 114-cü sırada qərarlaşıb.

Canni de Byazinin yetirmələri ötən ayla müqayisədə 2 pillə geriləyib. 2 xal itirən komandamız Niger və Tailandı özündən qabağa buraxıb.

Ardını oxu...

Naxçıvan Dövlət Universitetində tələbələr üçün seminar-treninq keçirilib.
Sonra universitetin Tədris və tərbiyə işləri üzrə prorektoru Rafiq Rəhimov çıxış edərək bildirib ki, ali təhsil ocağında keçirilən hər bir məşğələ tələbələrin müxtəlif idman növü üzrə təcrübələrinin artırılmasına və asudə vaxtlarının səmərəli təşkilinə yönəlib.

Ardını oxu...

İtaliyanın “Yuventus” klubunun və Portuqaliya millisinin futbolçusu Kriştiano Ronaldo koronavirusa yoluxub.

 Portuqaliya Futbol Federasiyasına istinadla xəbər veririk ki, hücumçunun testi müsbət nəticə verib. Təcrübəli forvard karantinə alınıb.

Beləliklə, Ronaldo oktyabrın 14-də UEFA Millətlər Liqası çərçivəsində İsveçdə keçiriləcək matçı buraxacaq.

Sentyabrın 27-də futbol üzrə Türkiyə çempionatının üçüncü turunda İstanbul derbisi oynanılıb.

Günün mərkəz qarşılaşmasında “Qalatasaray” öz meydanında “Fənərbağça” komandasını qəbul edib.

Ardını oxu...


Futbol Federasiyası bu ənənəni davam etdirəcək

Naxçıvan Muxtar Respublikası Ali Məclisi Sədrinin diqqət və qayğısı sayəsində bu gün Naxçıvanda idman ən yüksək səviyyədə inkişaf etməkdədir. “Naxçıvan Muxtar Respublikasında bədən tərbiyəsi və idmanın hazırkı vəziyyəti və qarşıda duran vəzifələr” mövzusunda keçirilən müşavirələrdə və “2020-2025-ci illər üçün Naxçıvan Muxtar Respublikasında idmanın inkişafına dair Dövlət Proqramı”nda bu sahənin inkişafı ilə bağlı qarşıya konkret məqsədlər qoyulub. Dövlət proqramına uyğun olaraq muxtar respublikaya təcrübəli məşqçilərin dəvət edilməsi, məşqçilərə təlimlərin, idmançılara nümunəvi dərslərin təşkili Gənclər və İdman Nazirliyi ilə aidiyyəti qurumların diqqət mərkəzindədir. Son olaraq Azərbaycan Futbol Federasiyaları Assosiasiyası (AFFA), Naxçıvan Muxtar Respublikası Gənclər və İdman Nazirliyi və Naxçıvan Futbol Federasiyasının birgə təşkilatçılığı ilə “C” kateqoriyalı məşqçilik kursunun keçirilməsi bunun bariz nümunəsidir. Şərur Olimpiya İdman Kompleksində AFFA-nın Maarifləndirmə şöbəsinin rəhbəri Aslan Kərimov, təlimatçılardan Osman Rəhimov və İlham Əzizzadənin iştirakı ilə təşkil olunan kursda muxtar respublikanın müxtəlif bölgələrindən 15 məşqçi iştirak edir.

Hədəflərinə doğru irəliləyən gənclər

Bu kurs digərlərindən öz missiyasına, əhatə dairəsinə görə çox fərqlənir. Ümumiyyətlə, futbol sahəsində çalışanların vəzifəsi, məsuliyyəti daha ağır olur. Onlar Azərbaycan futbolunun inkişafı, gələcəyi naminə karyeralarını daim təkmilləşdirən şəxslərdir. Əsas məqsədləri istedadlı kadrlar hazırlayıb futbolumuza öz töhfələrini verməkdir. Futbol mütəxəssislərinin dediyi kimi: “Məşqçi olmur, məşqçi doğulur”. Bu şərəfli missiyanı üzərlərinə götürən məşqçilərlə söhbətləşmək, kursun iş prinsipləri ilə maraqlanmaq üçün Şərur rayonuna yollandıq.

Ardını oxu...

UEFA 2019-2020-ci il mövsümünün ən yaxşı futbolçusu və baş məşqçisi adına namizədləri açıqlayıb.

UEFA-nın saytına istinadla xəbər veririk ki, ən yaxşı futbolçu adına namizədlər arasında üç futbolçu – yarımmüdafiəçi Kevin De Brüyne (Mançester Siti), hücumçu Robert Levandovski və qapıçı Manuel Noyer (Bavariya) yer alıblar.

Kevin De Brüyne ötən mövsüm Premyer Liqada 20 məhsuldar ötürmə verib və 13 qol vurub.

Ardını oxu...

İlk dəfə olaraq Naxçıvan Muxtar Respublikasında futbol məşqçiləri üçün “C” kateqoriyalı məşqçi kurslarına start verilib.
Azərbaycan Futbol Federasiyaları Assosiasiyası, Naxçıvan Muxtar Respublikası Gənclər və İdman Nazirliyi və Futbol Federasiyasının birgə təşkil etdiyi kursda muxtar respublikanın 15 gənc məşqçisi iştirak edir. Şərur Olimpiya İdman Kompleksində başlayan kurs müəyyən fasilələrlə 15 gün davam edəcək. Kursun sonunda hər bir məşqçidən imtahan götürüləcək və bu imtahanları müvəffəqiyyətlə başa vuran məşqçilərə “C” kateqoriyalı məşqçi lisenziyaları veriləcək.
Qeyd edək ki, kurs Bakı şəhərindən dəvət olunmuş AFFA-nın məşqçilərinin maarifləndirmə şöbəsinin müdiri Aslan Kərimov, təlimatçılar Osman Rəhimov və İlham Əzizzadə tərəfindən aparılır.

- Ceyhun MƏMMƏDOV

Naxçıvan Muxtar Respublikası Şahmat Federasiyası tərəfindən keçirilən şəhər və rayon birincilikləri, yoldaşlıq görüşləri davam etdirilir.
Ordubad Rayon Şahmat Məktəbində ümumtəhsil məktəblərində şahmat fənnini tədris edən müəllimlər arasında keçirilən şahmat üzrə rayon birinciliyinə yekun vurulub. Rayon Təhsil Şöbəsi, Şahmat Federasiyasının rayon bölməsi və Gənclər və İdman İdarəsinin təşkil etdiyi birincilikdə 24 məşqçi-müəllim olimpiya sistemi üzrə mübarizə aparıb. Yekunda Elmar Süleymanlı qalib adını qazanıb. Etibar Rzayev ikinci, Lamiyə Məmmədova isə üçüncü olub.

Ardını oxu...

İctimai-siyasi, iqtisadi, sosial tədbirlərin reallaşmasında həyatın bütün sferalarında uğurlu fəaliyyəti ilə seçilən gənclərin rolu böyükdür. Hazırda dövlət tərəfindən yaranan imkanlar bu aparıcı təbəqəni cəmiyyətin vacib qüvvəsinə çevirib. Təbii ki, burada əsas məqsəd intellektual, fiziki cəhətdən sağlam və vətənpərvər gənclər yetişdirməkdir. Qürur duyuruq ki, ümummilli liderimiz Heydər Əliyevin əsasını qoyduğu ölkə gənclərinin sağlam ruhda tərbiyəsi, cəmiyyətdə vətənpərvər vətəndaş kimi formalaşması siyasəti muxtar respublikamızda məqsədyönlü şəkildə davam etdirilir. Gənclər və idman siyasəti Naxçıvan Muxtar Respublikasında həyata keçirilən dövlət siyasətinin mühüm tərkib hissəsinə çevrilib.

Ardını oxu...

Naxçıvan Muxtar Respublikası Gənclər və İdman, Təhsil nazirlikləri və Atletika Federasiyasının təşkilatçılığı ilə məktəblilər arasında əyləncəli idman oyunları üzrə Naxçıvan şəhər birinciliyi keçirilib.
Oyunları keçirməkdə məqsəd bədən tərbiyəsi və idmanın məktəblilər arasında kütləviliyinin, məktəblilərin fiziki sağlamlığının və idman vərdişlərinin artırılması, ümumtəhsil müəssisələrində fiziki tərbiyə fənninin tədrisinin təkmilləşdirilməsi, onlar arasında idman və dostluq əlaqələrinin möhkəmləndirilməsindən ibarət olub.

Ardını oxu...

Naxçıvan Muxtar Respublikası Gənclər və İdman Nazirliyi və Futbol Federasiyasının (NFF) nümayəndələrinin şəhər və rayon gənclər və idman idarələrinin rəislərinin görüşü olub. Naxçıvan Muxtar Respublika Stadionunun iclas zalında keçirilən görüşdə lisenziyalaşdırma və qeydiyyat, uşaq futbolu, məşqçilik və gündəmə aid digər məsələlərlə bağlı məlumat verilib, fikir mübadiləsi aparılıb.

Ardını oxu...

Naxçıvan Muxtar Respublikasında digər sahələr kimi, idmanın da inkişafına xüsusi qayğı ilə yanaşılır. İnfrastrukturun yenilənənməsi və görülən digər çoxsaylı tədbirlər diyarımızda bu sahənin kütləviləşməsinə bilavasitə təsir göstərir. Naxçıvan Muxtar Respublikası Ali Məclisinin Sədri tərəfindən verilən tövsiyə və tapşırıqlar nəticəsində hər il yeni idman kompleksləri, zalları, idman obyektləri tikilərək insanların ixtiyarına verilir. Belə ünvanlardan biri də hazırda Uzunoba gölü ətrafında inşa edilən futbol kompleksidir.

Ardını oxu...

 

Son illər idman sahəsində həyata keçirilən tədbirlər onu deməyə əsas verir ki, muxtar respublikamızda bu sahə özünün inkişaf dövrünü yaşayır. Naxçıvanda müasir idman infrastrukturunun yaradılması, ölkədaxili və beynəlxalq səviyyəli yarışların sayının artması bu qədim diyarı həm respublikanın, həm də dünyanın idman mərkəzlərindən birinə çevirir. Həmçinin müxtəlif beynəlxalq yarışlarda nailiyyət qazanmış idmançıların adlarının Gənc İstedadların “Qızıl kitabı”na yazılması, onların Naxçıvan Muxtar Respublikası Ali Məclisi Sədrinin xüsusi aylıq təqaüdünə layiq görülməsi idmana və idmançıya göstərilən dövlət qayğısından xəbər verir. 

Qeyd edilən bütün tədbirlər Naxçıvanda hər dövr üçün idmanın inkişafının diqqət mərkəzində saxlanıldığının mühüm göstəricisidir. Naxçıvan Muxtar Respublikası Ali Məclisinin Sədri cənab Vasif Talıbov demişdir: “Azərbaycanda və onun Naxçıvan Muxtar Respublikasında yaradılan müasir təhsil və idman infrastrukturu gənc nəslin bacarığına görə peşə seçiminə və təhsil almasına, müxtəlif idman növləri ilə məşğul olmasına imkan verir. Bu sahədə görülən işlərin nəticəsidir ki, muxtar respublikada sağlam gənc nəsil yetişir. Gənclər zərərli vərdişlərdən və hüquqazidd hərəkətlərdən uzaqdır. Hər il ali məktəblərə qəbul olan gənclərin, eləcə də yüksək bal toplayanların sayı artır, gənclər müxtəlif idman yarışlarında uğurla çıxış edir, muxtar respublika iqtisadiyyatının inkişafına öz töhfələrini verirlər”. Naxçıvan Muxtar Respublikası Ali Məclisi Sədrinin 2020-ci il 14 fevral tarixli Sərəncamı ilə təsdiq edilmiş “2020-2025-ci illər üçün Naxçıvan Muxtar Respublikasında idmanın inkişafına dair Dövlət Proqramı” isə bu sahədə yeni mərhələnin əsasını qoymuşdur. Muxtar respublikada idmanın inkişafı sahəsində həyata keçirilən tədbirlərin davamlılığının təmin edilməsi məqsədilə hazırlanan proqramda 37 bənddən ibarət tapşırıqlar nəzərdə tutulmuşdur.

Ardını oxu...

Azərbaycan Futbol Federasiyaları Assosiasiyası, Azərbaycan Çimərlik Futbolu Federasiyası, Naxçıvan Muxtar Respublikası Gənclər və İdman Nazirliyi və Naxçıvan Futbol Federasiyasının birgə təşkilatçılığı, “Arazbet”in baş sponsorluğu ilə keçirilən çimərlik futbolu üzrə muxtar respublika çempionatına yekun vurulub.

Ardını oxu...

Azərbaycan Futbol Federasiyaları Assosiasiyası, Azərbaycan Çimərlik Futbolu Federasiyası, Naxçıvan Muxtar Respublikası Gənclər və İdman Nazirliyi və Naxçıvan Futbol Federasiyasının birgə təşkilatçılığı, “Arazbet”in baş sponsorluğu ilə keçirilən çimərlik futbolu üzrə muxtar respublika çempionatında yarımfinal görüşləri olub.
İlk olaraq meydana “Şahinlər” və “Badamlı” komandaları çıxıb. Məğlubiyyətsiz olaraq bu mərhələyə kimi yüksələn hər iki komandanın görüşü gözləniləndən də gərgin keçib. Oyunun gedişatında üstünlüyü ələ alan “Badamlı” komandası 2:1 hesablı qələbə qazanaraq finala yüksəlib.
Günün digər görüşündə “Naxçıvan Dövlət Universiteti” komandası “Panter”lə üz-üzə gəlib. Hər iki tərəfin oyun boyu hücumları nəticəsində azarkeşlər gərgin və maraqlı oyuna şahidlik ediblər. Nəticədə, 3:2 hesabı ilə qalib gələn “NDU” komandası həlledici qarşılaşmada oynamaq hüququ qazanıb.

Naxçıvan Muxtar Respublikası Gənclər və İdman Nazirliyi və Voleybol Federasiyasının təşkilatçılığı ilə voleybol üzrə yoldaşlıq görüşü keçirilib.
Uzunoba çimərliyindəki yerləşən voleybol meydançasında keçirilən görüşdə “Ordubad” və “Şahbuz” komandaları üz-üzə gəliblər. Gərgin keçən görüşün ilk setində qələbə qazanan Ordubad voleybolçuları bu üstünlüyü sonadək qoruyub və nəticədə, meydanı 3:1 hesablı qələbə ilə tərk ediblər.
Sonda hər iki komanda təşkilatçılar tərəfindən mükafatlandırılıb.

Ümumdünya Şahmat Olimpiadasının dörddəbir finalında Azərbaycan komandasının rəqibi müəyyənləşib.

Pley-off mərhələsində Bolqarıstan komandasını məğlub edən Polşa yığması dörddəbir finalda şahmatçılarımızın rəqibi olacaq.

Millimizin əsas heyətində Şəhriyar Məmmədyarov, Teymur Rəcəbov, Günay Məmmədzadə, Gülnar Məmmədova, Vüqar Əsədli və Xanım Balacayeva yer alıblar. Ehtiyat oyunçular siyahısına isə Rauf Məmmədov, Qədir Hüseynov, Türkan Məmmədyarova, Ülviyyə Fətəliyeva, Aydın Süleymanlı və Gövhər Beydullayevanın adları daxil edilib. Komandamızın kapitanı Eltac Səfərli və Rəhim Qasımovdur.

Dörddəbir finalın digər oyunlarına gəldikdə Rusiya Macarıstan, ABŞ Ukrayna, Hindistan Ermənistanla mübarizə aparacaq.

Dörddəbir finalın oyunları avqustun 28-də baş tutacaq.

 

 

 

 

Avqustun 27-də “Təhsil” Respublika İdman Mərkəzində Lənkəran şəhər Uşaq-Gənclər İdman-Şahmat Məktəbinin komandası ilə Naxçıvan Muxtar Respublikası Kəngərli Rayon Uşaq Gənclər Şahmat Məktəbinin komandası arasında yoldaşlıq görüşü start götürüb.

Turnirdə 16 yaşadək şahmatçılar iştirak edirlər. Yarış “Lichess.org” platforması üzərindən onlayn formatda təşkil olunub.

 

 

 

Azərbaycan Futbol Federasiyaları Assosiasiyası, Azərbaycan Çimərlik Futbolu Federasiyası, Naxçıvan Muxtar Respublikası Gənclər və İdman Nazirliyi və Naxçıvan Futbol Federasiyasının birgə təşkilatçılığı, “Arazbet”in baş sponsorluğu ilə keçirilən çimərlik futbolu üzrə muxtar respublika çempionatında 1/4 final mərhələsinə yekun vurulub.

Ardını oxu...

Azərbaycan Futbol Federasiyaları Assosiasiyası, Azərbaycan Çimərlik Futbolu Federasiyası, Naxçıvan Muxtar Respublikası Gənclər və İdman Nazirliyi və Naxçıvan Futbol Federasiyasının birgə təşkilatçılığı, “Arazbet”in baş sponsorluğu ilə çimərlik futbolu üzrə muxtar respublika çempionatında növbəti oyunlar keçirilib.

Ardını oxu...

Muxtar respublikada şahmatın kütləviliyinin artırılmasına və bu sahənin inkişafına yüksək qayğı göstərilir. Belə ki, şahmatın maddi-texniki bazası möhkəmləndirilib, Naxçıvan şəhərində Şahmat Mərkəzi, rayon mərkəzlərində yeni şahmat məktəbləri tikilib istifadəyə verilib. Muxtar respublikanın ümumtəhsil məktəblərində yaradılan şəraitdən səmərəli istifadə, təhsil müəssisələrinin bacarıqlı və bilikli müəllimlərlə təmin olunması daim diqqətdə saxlanılıb. Naxçıvan Muxtar Respublikası Təhsil Nazirliyi və Naxçıvan Muxtar Respublikası Şahmat Federasiyasının birgə təşkilatçılığı ilə keçirilən sertifikasiyalarda uğurlu nəticə göstərən 487 müəllimə ümumtəhsil məktəblərində şahmat fənnini tədris etməsinə icazə hüququ verən sertifikat təqdim edilib.

Ardını oxu...

Avqustun 23-də UEFA Çempionlar Liqasının 2019-2020-ci illər mövsümünün final görüşü keçirilib.

Turnirin həlledici görüşündə “Bavariya” (Almaniya) və “Paris Sen-Jermen” (Fransa) klubları üz-üzə gəlib.

Portuqaliyanın paytaxtı Lissabondakı "Estadio da Luş" stadionunda keçirilən görüş “Bavariya”nın 1:0 hesablı qələbəsi ilə başa çatıb.

Qarşılaşmanın birinci hissəsinində hər iki komandanın təhlükəli vəziyyəti olsada hesab açılmayıb.

Oyunun ikinci hissəsinə daha üstün başlayan Münxen təmsilçisi 59-cu dəqiqədə hesabı açıb. Coşua Kimixin cinah ötürməsindən sonra qapıya dəqiq baş zərbəsi vuran Kirsli Koman komandasına vacib qələbə gətirib.

Qalan dəqiqələrdə hesab dəyişilməyib.

Ardını oxu...

Azərbaycan Futbol Federasiyaları Assosiasiyası, Azərbaycan Çimərlik Futbolu Federasiyası, Naxçıvan Muxtar Respublikası Gənclər və İdman Nazirliyi və Naxçıvan Futbol Federasiyasının birgə təşkilatçılığı, “Arazbet”in baş sponsorluğu ilə keçirilən çempionatda mübarizə davam edir.

Artıq çempionatda qrup mərhələsinin oyunlarına yekun vurulub. “B” qrupunun son görüşündə “Şahinlər” komandası “Batabat” komandasını 11:0 hesabı ilə məğlub edib. “A” qrupunda isə gərgin keçən görüşdə “Badamlı” komandası “Bənəniyar”dan üstün olub – 6:5.

Ardını oxu...

Avqustun 16-da UEFA Avropa Liqasında yarımfinal mərhələsinə start veriləcək.

İlk oyun günündə bir qarşılaşma baş tutacaq.

İndiyədək turnirin ən çox (5 dəfə) qalibi olmuş İspaniyanın "Sevilya" klubu finala vəsiqə uğrunda İngiltərənin "Mançester Yunayted" klubu ilə qarşılaşacaq.

Ardını oxu...

Culfa Rayon “Əshabi-Kəhf Ziyarətgahı” Dini-Mədəni Abidə Kompleksində spelio (mağara) turizm idman yürüşü üzrə birincilik keçirilib.
Naxçıvan Muxtar Respublıkası Gənclər və İdman Nazir­liyinin Hava və Ekstremal İdman Növləri Federasiyası ilə birgə təşkil etdiyi birincilikdə 10 gənc idmançı iştirak edib. Sonda bütün rəqiblərini üstələyən Abbas Məmmədov qalib adını qazanıb. Elvin Hacıyev ikinci, Osman Məmmədov isə üçüncü olub.
Qaliblər diplom və hədiyyələrlə mükafatlandırılıblar.

 Ceyhun MƏMMƏDOV

Naxçıvan Muxtar Respublikası Gənclər və İdman Nazirliyində sağlamlıq imkanları məhdud gənclər arasında fərdi “Xəmsə” intellektual oyunu keçirilib.
Hər mövzuda 4 nəfər gəncin iştirak etdiyi oyunda mövzuya uyğun olaraq 5 sual cavablandırılıb. Hər bir gənc oyunda iki dəfə iştirak edib. Sonda oyunun hər iki mərhələsinin nəticəsinə görə ən çox xal toplayan Elmar Maqsudov I, Hüseyn Novruzov II, İradə Hüseynli isə III yerə layiq görülüblər. Oyunun qalibləri diplom, digər iştirakçılar isə Fəxri fərmanla təltif olunublar. Həmçinin iştirakçıların hər birinə təşkilatçılar tərəfindən kitablar hədiyyə olunub.
İntellektual oyun Gənclər və İdman, Əmək və Əhalinin Sosial Müdafiəsi və Təhsil nazirliklərinin, Yeni Azərbaycan Partiyası Heydər Əliyev adına Gənclər Birliyinin və “Gənclərin İntellektual İnkişaf Mərkəzi” İctimai Birliyinin birgə təşkilatçılığı ilə keçirilib.

Naxçıvan Muxtar Respublikası
Gənclər və İdman Nazirliyinin
mətbuat xidməti

ARXİV

Fevral 2021
Be Ça Ç Ca C Ş B
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28

MÜƏLLİFLƏR

KEÇİDLƏR