01 Dekabr 2021, Çərşənbə

Bakı şəhərində bodibildinq, klassik bodibildinq, mens fizik və fitnes üzrə Azərbaycan çempionatı keçirilib. Turnir iki il öncə “mens fizik” növündə ölkə çempionu olan, şəhid baş leytenant Muxtar Qasımlının xatirəsinə həsr olunub. 40-a yaxın idmançının qatıldığı yarışda muxtar respublikanı Həsənqulu Abdullayev təmsil edib.

İdmançımız ona bəslənilən ümidləri doğruldub. Belə ki, klassik bodibildinqdə hündürlüyü 175 santimetrdən yuxarı idmançılar kateqoriyasında ölkə birincisi olan Həsənqulu Abdullayev bu növdə, həmçinin Azərbaycan çempionatının mütləq qalibi adına layiq görülüb. İdmançımız diplom, medal və kuboklarla təltif olunub.
Qeyd edək ki, Naxçıvan idmanında bodibildinq üzrə ilk ölkə çempionluğu titulunu qazanan Həsənqulu Abdullayev bu uğurla yığma komandanın heyətinə cəlb olunaraq qarşıdakı Avropa çempionatında iştirak etmək hüququ əldə edib.


Naxçıvan Muxtar Respublikası
Gənclər və İdman Nazirliyinin mətbuat xidməti

 

 

 

Futbol üzrə Azərbaycan Region Liqasının Naxçıvan zonasında ikinci turun oyunları keçirilib.
İlk turda böyük hesablı qələbə qazanan Şərurun “Arpaçay” komandası doğma meydanda Babəkin eyniadlı komandasını sınağa çəkib. Görüş meydan sahiblərinin 4:0 hesablı qələbəsi ilə başa çatıb. Culfanın “Əlincə” komandası isə sədərəkli həmkarlarından üstün olub – 10:1.
Çempionatın favoriti “Araz-Naxçıvan” muxtar respublika stadionunda Şahbuzun “Batabat” komandası ilə üz-üzə gəlib. Üstün oyun sərgiləyən “qırmızı-ağlar” meydanı böyük hesablı qələbə ilə tərk ediblər – 12:0. Uzunoba Təlim-Məşq İdman Kompleksində keçirilən günün digər görüşündə “Dübəndi” və “Kəngərli” komandaları qarşılaşıb. Gərgin keçən oyunda Ordubad komandası qələbə qazanıb – 6:3.
İlk iki turdan sonra turnir cədvəlinə 6 xalla “Araz-Naxçıvan” başçılıq edir. Eyni xala malik “Arpaçay” ikinci, 3 xalı olan “Əlincə” isə üçüncü yerdə qərarlaşıb.

Ceyhun MƏMMƏDOV

 

 

 

Naxçıvan Muxtar Respublikası Şahmat Federasiyası tərəfindən növbəti interaktiv dərs keçilib. Naxçıvan Şahmat Mərkəzində keçilən dərs öncə ümumtəhsil məktəblərinin şagirdləri, daha sonra ümumtəhsil məktəblərində şahmat fənnini tədris edən müəllimlər, şahmat məktəbləri üçün təşkil edilib. Şagirdlər üçün beynəlxalq usta, müəllim Toğrul Həsənzadə tərəfindən “2 at müdafiəsinə aid oyunların təhlili” mövzusunda keçilən interaktiv dərsdə şahmata yeni başlayanlar üçün açıq debütlərdən istifadə etməyin daha səmərəli olduğu izah olunub. Müəllimlər üçün təşkil olunan seminarda şahmat oyununda kompüter proqramlarından istifadə haqqında məlumat verilib.

Ardını oxu...

Azərbaycan Region Liqasının Naxçıvan zonası üzrə oyunlarına start verilib.
İlk turda “Araz-Naxçıvan” Ordubad səfərində yerli “Dübəndi” komandasının qonağı olub. Yenidən qurulan Ordubad şəhər stadionunda keçirilən ilk rəsmi görüşdə Naxçıvan təmsilçisi meydanı 3:1 hesablı qələbə ilə tərk edib. Həmin gün Uzunoba Təlim-Məşq İdman Kompleksində azarkeşlər daha bir maraqlı oyuna şahidlik edib. “Babək” komandası çətin keçən görüşdə “Əlincə” (Culfa) komandasını 4:3 hesabı ilə məğlub etməyi bacarıb.
Turun digər iki görüşündə azarkeşlər bol qollu oyunlar izləyib. Sədərək rayonunda keçirilən oyunda “Arpaçay” (Şərur) komandası meydan sahiblərini məğlub etməkdə çətinlik çəkməyib – 0:7. Kəngərlinin eyniadlı komandası isə səfərdə Şahbuzun “Batabat” komandası üzərində böyük hesablı qələbəyə sevinib – 2:12.
Qeyd edək ki, Naxçıvan zonasının qalibi olacaq komanda Region Liqasının reqlamentinə əsasən ölkə üzrə yarımfinal mərhələsinə birbaşa vəsiqə əldə edəcək.

Ceyhun MƏMMƏDOV

 

 

 

Naxçıvan şəhərindəki İlham Əliyev adına Olimpiya İdman Kompleksində uşaq və yeniyetmələr arasında keçirilən kikboksinq üzrə muxtar respublika çempionatına yekun vurulub.

Ardını oxu...

Naxçıvan şəhərindəki İlham Əliyev adına Olimpiya İdman Kompleksində “Zərərli vərdişlərə yox deyək, həmişə sağlam olaq!” devizi altında yeniyetmələr (2007-2009-cu illər) arasında sərbəst güləş üzrə Naxçıvan şəhər birinciliyi keçirilib.
Naxçıvan Muxtar Respublikası Güləş Federasiyası və Naxçıvan Şəhər Gənclər və İdman İdarəsinin birgə təşkil etdiyi birincilikdə 13 çəki dərəcəsi üzrə 70-dən çox idmançı öz qüvvələrini sınayıb.
Yekun nəticəyə əsasən İsmayıl Rüstəmov (32 kiloqram), Turqay Məmmədli (35 kiloqram), Tuqay Qəhrəmanlı (38 kiloqram), Məhəmməd İsmayılov (42 kiloqram), Sadiq Kərimov (46 kiloqram), Namiq Əlizadə (50 kiloqram), Ülvi Şahbazov (54 kiloqram), Elnur Məmmədov (58 kiloqram), Yasin Hüseynli (63 kiloqram), Elbrus Kazımov (69 kiloqram), Fərhad Rzayev (76 kiloqram), Elxan Əhmədli (85 kiloqram) və Süleyman Məmmədov (92 kiloqram) bütün rəqiblərini üstələyərək birinciliyin qalibi olublar.
Sonda hər çəki dərəcəsində yer tutan idmançılar mükafatlandırılıblar.

Ceyhun MƏMMƏDOV

 

 

 

Mersin Yenişəhər Bələdiyyəsi Atatürk Kültür Mərkəzində Türkiyə Şahmat Federasiyası və Mersin Böyükşəhər Bələdiyyəsinin təşkil etdiyi “Mersin Böyükşəhər Bələdiyyəsi V Uluslararası Satranç Turnuvası”na start verilib.

Ardını oxu...

Naxçıvan Muxtar Respublikasında cəmiyyətin bütün sahələri kimi, idman da inkişaf dövrünü yaşayır, gənclərin idmana cəlbi, onlara sağlam həyat tərzinin aşılanması işləri diqqət mərkəzində saxlanılır. Məqsədyönlü tədbirlərin davamlı xarakter alması və yaradılan müasir idman mühiti gənclərin bədən tərbiyəsi və idmana olan marağını artırır, idman klublarının və federasiyaların heyəti ilbəil genişlənir. Belə federasiyalardan biri də Basketbol Federasiyasıdır.

Ardını oxu...

Naxçıvan şəhərindəki İlham Əliyev adına Olimpiya İdman Kompleksində ümumtəhsil məktəblərinin voleybol klubları arasında keçirilən muxtar respublika birinciliyinə yekun vurulub.
İki gün davam edən və Naxçıvan Muxtar Respublikası Gənc­lər və İdman, Təhsil nazirlikləri və Voleybol Federasiyasının birgə təşkil etdiyi yarışda şəhər və rayon mərhələlərində uğur qazanan 11 komanda mübarizə aparıb. Olimpiya sistemi üzrə keçirilən yarışın həlledici qarşılaşmasında Şərur Şəhər Fizika-Riyaziyyat Təmayüllü Liseyin komandası ilə “Şərur” komandası üz-üzə gəlib. Daha üstün oyun sərgiləyən ikincilər qalib adını qazanıblar. Üçüncü yer uğrunda görüşdə isə “Ordubad” komandası sədərəkli məktəbliləri məğlub etməyi bacarıb.
Qaliblər diplom, medal və kubokla mükafatlandırılıblar.

Ceyhun MƏMMƏDOV

 

 

 

Naxçıvan Muxtar Respublikası Paralimpiya Federasiyası tərəfindən məhdud fiziki imkanlı şəxslərin idman həyatına inteqrasiyası, istedadlı idmançıların aşkara çıxarılması diqqət mərkəzində saxlanılır, onların iştirakı ilə idmanın müxtəlif növləri üzrə yarışlar və yoldaşlıq görüşləri təşkil edilir. Paralimpiyaçılarımız muxtar respublikada keçirilən tədbirlərlə yanaşı, ölkə və beynəlxalq miqyaslı yarışlarda iştirakına da ciddi önəm verilir.
Ötən həftə Azərbaycan Respublikası Milli Paralimpiya Komitəsinin təşkilatçılığı ilə Sumqayıt şəhərində baş tutan VI paralimpiya idman oyunlarının pauerliftinq (ağırlıqqaldırma) idman növü üzrə keçirilən yarışları muxtar respublika paralimpiyaçıları üçün uğurlu nəticələrlə yadda qalıb. Bu yarışda iştirak edən Naxçıvan Muxtar Respublikası Paralimpiya Federasiyasının idmançıları Həsən Qasımov II, Mehdi Quliyev isə III yerə layiq görülməklə, yarışın mükafatçıları sırasına daxil olublar.

Naxçıvan Muxtar Respublikası Gənclər və İdman Nazirliyinin
mətbuat xidməti

 

 

 

Serbiya Respublikasının Zrenjanin şəhərində Dünya Şotokan Federasiyasının 28-ci dünya çempionatı keçirilib. Yarışda Naxçıvan Muxtar Respublikası Karate-do Federasiyasının 3 idmançısı iştirak edib. Onlardan ikisi mükafatçılar sırasına düşə bilib.
12-13 yaş kateqoriyasında mübarizə aparan Yaqub Qəmbərov (-43 kiloqram) “şobu ippon” və “şobu sanbon” qaydaları üzrə 2 gümüş medal qazanıb. Digər təmsilçimiz Rafiq Hüseynli (-40 kiloqram) isə 10-11 yaş kateqoriyasında “şobu ippon” üzrə bürünc medala layiq görülüb.
Federasiya idmançıları, həmçinin Zəfər Gününə həsr edilmiş açıq Bakı turnirinə də qatılıblar. Yekun nəticələrə əsasən Naxçıvan komandası medalların sayına və əyarına görə (7 qızıl, 6 gümüş və 4 bürünc) turniri ikinci sırada tamamlayıb.
Karateçilərimizdən Ayxan Musayev I, II və III yerlər olmaqla, 3 medal qazanıb. Vüsal Seyidov, Qafar Hüseynli, Canər Abbaszadə, Səma Bağırova, Gültac Cəfərova və Sadiq Qənbərov qızıl medala sahib olublar. Nərgiz Həsənli II və III yerlər olmaqla, 2 medal əldə edib. Fatimə Bədəlova, Sona Bağırova və Məhəmməd Bağırov gümüş, Həsən Səfərli, Saleh Qənbərov və Abbas Əliyev bürünc medallara layiq görülüblər.

Naxçıvan Muxtar Respublikası Gənclər və İdman Nazirliyinin
mətbuat xidməti

 

 

 

Türkiyənin İstanbul şəhərində təşkil olunan və dünyanın 70-dən çox ölkəsində canlı yayımlanan peşəkar kikboksçuların ənənəvi döyüş gecəsi – “Levent Bulut Fight Club Champions Night”da Naxçıvan Kikboksinq Federasiyasının sədri Xəyal Abdullayev də iştirak edib. Tədbirə rəsmi qonaq qismində dəvət olunan federasiya sədri turnirin mükafatlandırma mərasimində yüksək təşkilatçılığa və qonaqpərvərliyə görə təşkilatçılara təşəkkürünü bildirib, Azərbaycan idmançılarının bu tip yarışlarda iştirakını yüksək qiymətləndirdiyini ifadə edib. Türkiyə-Azərbaycan dostluğu və qardaşlığının idman arenalarında da davam etdirilməsi təqdir olunub.
Turnirdən sonra yarışın təşkilatçısı, tanınmış məşqçi Ləvənd Bulud və Xəyal Abdullayev arasında görüş reallaşıb. İrimiqyaslı turnirlərin təşkilatçılıq məsələləri ilə bağlı müzakirə və məsləhətləşmələr aparılıb, Naxçıvanın gənc kikboksçularının bu tipli turnirlərdə iştirakının təmin olunması ilə bağlı razılıq əldə olunub. Görüşün sonunda “Levent Bulut Fight Club Champions Night”a məxsus xatirə kəməri Xəyal Abdullayevə hədiyyə olunub.

Naxçıvan Muxtar Respublikası
Gənclər və İdman Nazirliyinin
mətbuat xidməti

Xəbər verdiyimiz kimi, Xaçmaz şəhərində keçirilən çağırışaqədər və çağırışyaşlı gənclər arasında “Vətənin Müdafiəsinə Hazıram!” poliatlon çoxnövçülüyü üzrə ölkə birinciliyində muxtar respublika təmsilçiləri ikinci yerə layiq görülüblər.

Ardını oxu...

Türkiyədə 43-cü İstanbul Marafonu keçirilib. “Dünyanın qitələrarası yeganə marafonu” adlandırılan, Dünya Atletika Birliyi tərəfindən “qızıl kateqoriya”da göstərilən nüfuzlu tədbirə 100-dən çox ölkədən 20 min idmançı olmaqla, ümumilikdə, 40 min nəfər qatılıb.

Naxçıvan Atletika Federasiyasının idmançılarından Əmrah Nağıyev və Miryusif Seyidov da marafona qatılıblar. Əmrah tam məsafə – “42 kilometr” kateqoriyası üzrə mübarizə aparıb. Təmsilçimiz finişə 120-ci (kişilər arasında) olaraq çatıb. 3 saat 21 dəqiqə 27 saniyəlik göstəriciyə nail olan gənc atlet bu nəticə ilə Azərbaycan idmançıları arasında birinci olub.
“15 kilometr” kateqoriyasında gücünü sınayan Miryusif Seyidov 1 saat 10 dəqiqə 59 saniyəlik göstərici ilə 296-cı (kişilər arasında), azərbaycanlı idmançılar arasında isə ikinci olub.
İdmançılarımız marafonun medalları ilə mükafatlandırılıblar.

Naxçıvan Muxtar Respublikası Gənclər və İdman Nazirliyinin mətbuat xidməti

 

 

 

Naxçıvan Atıcılıq Mərkəzində keçirilən birincilik I və II Qarabağ müharibələrində iştirak edən hərbçilərimiz arasında keçirilib. Məqsəd onların arasında atıcılıq idman növlərinin təbliği, ən yaxşı atıcıların müəyyən edilməsi və asudə vaxtlarının səmərəli təşkilindən ibarət olub.

Ardını oxu...

Dünən Sədərək Rayon İcra Hakimiyyətinin başçısı, Şahmat Federasiyasının rayon bölməsinin sədri Mahirə Adnayeva Sədərək Rayon Şahmat Məktəbində şahmat dərsini tədris edən müəllimlər və şahmatçı şagirdlərlə görüş keçirib.
Mahirə Adnayeva çıxış edərək vurğulayıb ki, muxtar respublikada şahmat hərəkatı son vaxtlarda geniş vüsət alıb. Ümumtəhsil məktəblərində şahmatın tədrisi üçün xüsusi siniflər ayrılıb və şahmat müəllimlərinin növbəti sertifikasiya imtahanı həyata keçirilib. Şahmatın tədrisi səviyyəsinin yüksəldilməsi təkcə müəllimlərin peşəkarlıq səviyyəsinin artırılması ilə məhdudlaşmır. Eyni zamanda ümumtəhsil məktəblərinin şahmat fənninə dair dərslik, dərs vəsaiti və digər tədris-metodik ədəbiyyatlarla təmin olunması da diqqətdə saxlanılır. Şahmat Federasiyası tərəfindən şahmatın əsaslarının şagirdlərə öyrədilməsində müəllimlərə yaxın köməkçi olan kitablar nəşr olunaraq ümumtəhsil məktəblərinə verilib.
Qeyd edilib ki, Naxçıvan Muxtar Respublikası Ali Məclisində keçirilən müşavirədə idmanın inkişafı ilə bağlı tapşırıqlar verilib, qarşıya mühüm vəzifələr qoyulub. Sədərək Rayon İcra Hakimiyyəti də bu məsələni diqqətdə saxlayıb, rayonda gənclərin idmana və şahmata cəlbi sahəsində işlər görülüb. Həmçinin şahmat idman növünün kütləvi hal alması üçün federasiyanın rayon bölməsi, Təhsil Şöbəsi ilə birgə tempo yarışları, rayon birincilikləri, Türkiyənin şəhər və rayonları, Pakistanın Şahmat məktəb və mərkəzləri, Azərbaycanın şəhər və rayonlarının şahmat məktəblərinin şagirdləri arasında onlayn yoldaşlıq görüşləri keçirib və bu yarışlarda şahmatçı şagirdlərimizin iştirakları təmin olunub.
Diqqətə çatdırılıb ki, rayonda şahmatın daha da inkişaf etdirilməsi məqsədilə kiçikyaşlı istedadlı şahmatçıların seçilib üzə çıxarılması və komanda şəklində formalaşması daim diqqət mərkəzində saxlanılmalı, dərsdən sonra şagirdlərlə əlavə şahmat məşğələləri keçirilməsi, Sədərək rayonunun şahmatçı şagirdlərinin də yarışlarda da fəallıqla iştirak etməsi təmin olunmalıdır.
Sədərək Rayon İcra Hakimiyyətinin başçısı, rayonda şahmatın inkişafına göstərilən diqqət və qayğıya görə Naxçıvan Muxtar Respublikası Ali Məclisinin Sədri cənab Vasif Talıbova minnətdarlığını bildirib.
Təhsil Şöbəsinin müdiri Sirac Qarayev diqqətə çatdırıb ki, Türkiyə Şahmat Federasiyanın təşkilatçılığı ilə 13-18 sentyabr 2021-ci il tarixlərdə Kırşehir “2021 Uluslararası Ahilik Yılı Açık Satranç Turnuvasında” 10 yaşlı şahmatçılar arasında Sədərək Rayon Şahmat Məktəbinin şahmatçı şagirdi Anar İbrahimzadə 3-cü yerə layiq görülüb. Karate üzrə 11-ci Dünya Şotokan Çempionatında iştirak edən Məhəmməd Bağırov və Canər Abbaszadə müvafiq olaraq II-III yerlərin sahibi olublar.
Tədbirin sonunda ölkə və beynəlxalq yarışlarda uğurlu nəticələrə görə 7 idmançıya və 2 məşqçi-müəllimə mükafat təqdim edilib.

Xəbərlər şöbəsi

 

 

 

Futbol üzrə Azərbaycan Region Liqası Naxçıvan Zonasının püşkatma mərasimi keçirilib. Naxçıvan Muxtar Respublika Stadionunun inzibati binasında keçirilən tədbirdə şəhər və rayon gənclər idman idarələrinin rəisləri və məşqçilər iştirak ediblər.
Cari mövsümdə Region Liqasının muxtar respublika zonasında 8 komanda dairəvi sistem üzrə mübarizə aparacaq. Sonda ən çox xal qazanmış komanda Naxçıvanı Azərbaycan Region Liqasında yarımfinal mərhələsində təmsil edəcək. İlk turda aşağıdakı komandalar üz-üzə gələcək:
“Babək” (Babək) – “Əlincə” (Culfa)
“Sədərək” (Sədərək) – “Arpaçay” (Şərur)
“Batabat” (Şahbuz) – “Kəngərli” (Kəngərli)
“Dübəndi” (Ordubad) – “Araz-Naxçıvan” (Naxçıvan)

Ceyhun MƏMMƏDOV

 

 

 

Türkiyənin İstanbul şəhərində karate üzrə 11-ci Dünya Şotokan Çempionatı keçirilib. 3 kateqoriyada keçirilən nüfuzlu yarışda 30 ölkədən 1076 idmançı iştirak edib. Naxçıvan Karate-do Federasiyasının 3 idmançısı milli komandamızın heyətində ölkəmizi təmsil edib və hər biri mükafatçılar sırasına düşüb:
Abbaszadə Canər (12-13 yaş) “WKF” 3-cü yer.
Bağırov Məhəmməd (14-15 yaş) “Shobu ippon” 2-ci yer.
Qasımov Rəşad (18-20 yaş) “Shobu ippon” 3-cü yer.
Bu yaş qrupunda milli komandanın üzvləri komanda kumite yarışında iştirak etmədiyi üçün R.Qasımov Türkiyə komandalarından birinin tərkibində yarışa qatılaraq 2-ci yeri tutub.
Qeyd edək ki, müxtəlif kateqoriyalarda çıxış edən klub və milli komanda üzvlərinin nəticələrinə əsasən Azərbaycan karateçiləri, ümumilikdə, 29 medal qazanıb. Mükafatlardan on üçü qızıl, altısı gümüş, on ədədi isə bürüncdür. İdmançılarımız bu uğuru 8 Noyabr – Zəfər Gününə həsr ediblər.

Naxçıvan Muxtar Respublikası Gənclər və İdman
Nazirliyinin mətbuat xidməti

 

 

 

Serbiyanın paytaxtı Belqradda boks üzrə dünya çempionatında 1/4 final mərhələsinin döyüşləri keçirilib. Yarımfinala gedən yolda Azərbaycan millisinin 4 üzvü qüvvəsini sınayıb.

Ardını oxu...

Bakı şəhərində Azərbaycan Milli Karate Federasiyasının yeniyetmə və gənclər arasında 21-ci respublika birinciliyi keçirilib.

Ardını oxu...

Serbiyanın paytaxtı Belqradda boks üzrə dünya çempionatı davam edir. Mundialda iştirak edən milli komandamızın heyətində #Naxçıvan Boks Federasiyasının yetirmələri Tayfur və Sərxan Əliyev qardaşları da var. 

Ardını oxu...

“Zərərli vərdişlərə yox deyək, həmişə sağlam olaq!” devizi altında keçirilən yeniyetmələr arasında cüdo üzrə Naxçıvan şəhər birinciliyinə yekun vurulub.

Ardını oxu...

Naxçıvan Muxtar Respublikasında gənc nəslin sağlamlığının qorunması, onların asudə vaxtlarının səmərəli təşkili, eyni zamanda idmana cəlb olunması yönündə mühüm addımlar atılır. Bu gün muxtar diyarımızda bütün sahələrdə olduğu kimi, idmana da diqqət və qayğı ilə yanaşılır. Muxtar respublikanın şəhər və rayonlarında, həmçinin kəndlərində yeni idman obyektləri, zalları tikilərək uşaq, yeniyetmə və gənclərin ixtiyarına verilib.

Ardını oxu...

Ağdam Olimpiya İdman Kompleksində ümummilli lider Heydər Əliyevin xatirəsinə həsr olunan universal döyüş növü üzrə turnir keçirilib.
Turnirdə Naxçıvan Muxtar Respublikası Kikboksinq Federasiyasının idmançıları da mübarizə aparıb və mükafatçılar sırasına düşüblər. Belə ki, 35 kiloqram çəki dərəcəsində Fərid Orucov, 45 kiloqram çəki dərəcəsində Sadiq Kərimov, Uğur Əliyev, Rəhim Əşrəfov bütün rəqiblərinə qalib gələrək turnirin baş mükafatını qazanıblar. Sərdar Qurbanov (35 kiloqram), Əbülfəz Cəfərov (40 kiloqram), İbrahim Əlizadə (50 kiloqram), İsmayıl Hüseynzadə (50 kiloqram), Məhəmmədəli Qasımov (55 kiloqram) və Səhət Əsədov (60 kiloqram) yalnız final görüşlərində məğlub olaraq ikinci yerlə kifayətləniblər. İlqar Səfərli (30 kiloqram), Nurəddin Əliyev (30 kiloqram), Rəhim Quluzadə (35 kiloqram), Şahin Səfərli (45 kiloqram) və Fuad Quliyev (75 kiloqram) isə üçüncü olublar.
Qaliblərə təşkilatçıların diplom və medalları təqdim edilib.

Ceyhun Məmmədov

2006-2007-ci il təvəllüdlü oğlan və qız atletlər arasında keçirilən kross qaçışı üzrə muxtar respublika birinciliyinə yekun vurulub. Naxçıvan Muxtar Respublikası Gənclər və İdman Nazirliyi ilə Atletika Federasiyasının birgə təşkil etdiyi birincilikdə 100-ə yaxın atlet qüvvəsini sınayıb.
Birinciliyin mükafatlandırma mərasimində çıxış edən Naxçıvan Muxtar Respublikası Atletika Federasiyasının sədri Rəhman Məmmədov bildirib ki, bu gün muxtar respublikanın bütün ali təhsil ocaqlarında uşaq, yeniyetmə və gənclərin bu sahə ilə məşğul olmaları üçün hər bir şərait yaradılıb. Məhz bunun nəticəsidir ki, idmançılarımız keçirilən ölkədaxili birinciliklərdə uğurla çıxış edərək böyük nailiyyətlər qazanır. Bu qələbələr həm də digər idmançılar üçün əlavə stimuldur. Uğurlu çıxışlar yeniyetmə və gənclərin idmana cəlb edilməsində müstəsna rol oynayır. Rəhman Məmmədov idmana və idmançılara göstərilən diqqət və qayğıya görə muxtar respublika rəhbərinə minnətdarlığını bildirib.

Ardını oxu...

Naxçıvan şəhərindəki 16 nömrəli tam orta məktəbin mini futbol meydançasında dostluq və idman əlaqələrinin gücləndirilməsi məqsədilə Naxçıvan Şəhər və Şərur Rayon Uşaq-Gənclər İdman məktəblərinin 10 və 11 yaşlılardan ibarət komandaları arasında minifutbol üzrə yoldaşlıq görüşü keçirilib.
Yoldaşlıq görüşünün keçirilməsində məqsəd uşaq futbolunun inkişafına töhfə vermək, oyunçuların ustalıq səviyyəsini yüksəltmək və bu növdə kütləviliyə nail olmaq idi. Yarış Naxçıvan Şəhər və Şərur Rayon Gənclər və İdman idarələri, Təhsil şöbələri və Uşaq-Gənclər İdman məktəbləri tərəfindən birgə təşkil edilmişdir.

Ardını oxu...

Cari ildə Milli Komandaların Məşq Mərkəzində başlayan qapıçılar üzrə məşqçilər üçün Avropa Futbol Birliyi İttifaqının (UEFA) “B” kateqoriyalı məşq­çi kursu yekunlaşmaq üzrədir.
UEFA-dan Mart Poom və yerli təlimatçılar Faiq Əzizov, Üzeyir İbrahimov və Vitali Kovalyovun rəhbərliyi ilə keçirilən kursda Naxçıvan Futbol Federasiyasının qapıçılarla iş üzrə koordinatoru, eyni zamanda “Araz-Naxçıvan”ın qapıçı məşqçisi Amil Ağacanov da iştirak edib. Son modul başa çatdıqdan sonra kursda iştirak edən məşqçilərdən nəzəri və praktik imtahanlar götürülüb. Naxçıvan Muxtar Respublikasına gələn Faiq Əzizov və Üzeyir İbrahimov komandanın məşq prosesini, eyni zamanda qapıçı-məşqçi Amil Ağacanova imtahanda verilən tapşırıqları praktik olaraq izləyiblər. Müvafiq qeydlərdən sonra Naxçıvan Muxtar Respublika Stadionunun iclas zalında nəzəri imtahan keçirilib. İmtahan nəticələri növbəti ay açıqlanacaq.
İmtahandan sonra Faiq Əzizovun fikirlərini öyrəndik: “Burada olarkən komandanın, eləcə də Futbol Federasiyasının məşq bazaları ilə tanış oldum, məşqi izlədim. Hər şey mükəmməl təşkil olunub. Naxçıvanda futbol komandalarının məşq etməsi üçün hər cür şərait yaradılıb. Bundan gənc məşqçilər, eyni zamanda futbola yeni qədəm qoyan uşaq və yeniyetmələr maksimum yararlanmalı, gələcək karyeralarını sağlam bünövrə üzərində qurmalıdırlar. Uzun zamandır, Naxçıvana gəlmirdim. Son 20 ildə bura tam olaraq müasir standartlara cavab verəcək şəkildə quraşdırılıb”.
Qeyd edək ki, imtahanı uğurla başa vuran məşqçilərə UEFA-nın “B” kateqoriyalı məşqçi lisenziyası veriləcək.

- Ceyhun MƏMMƏDOV

Naxçıvan Muxtar Respublika Stadionunda “Zərərli vərdişlərə yox deyək, həmişə sağlam olaq!” devizi altında Naxçıvan şəhər tam orta məktəblərinin atletləri arasında atletikanın kross qaçışı üzrə şəhər birinciliyi keçirilib.
Naxçıvan Şəhər Gənclər və İdman İdarəsi, şəhər Təhsil Şöbəsi və Uşaq-Gənclər İdman Məktəbinin təşkilatçılığı ilə keçirilən birincilikdə 60 qız və oğlan iştirak edib.

Ardını oxu...

Oktyabrın 13-də Azərbaycan Milli Paralimpiya Komitəsinin stolüstü tennis üzrə milli komandasının baş məşqçisi Ruqiyyə Qubuşova və məşqçi Əkbər Qubuşovun iştirakı ilə muxtar respublikada stolüstü tennis ilə məşğul olan paralimpiyaçılar üçün təlim keçirilib. Təlimdə iştirakçılara müxtəlif məşq prosesləri haqqında müvafiq tövsiyələr verilib.
Naxçıvan Muxtar Respublikası Paralimpiya Federasiyasının sədri Nicat Babayev təlim-məşq prosesini izləyib, idmançıların qayğıları ilə maraqlanıb.
Sonda Azərbaycan Milli Paralimpiya Komitəsinin stolüstü tennis üzrə uşaq milli komandasının baş məşqçisi Ruqiyyə Qubuşovaya xatirə hədiyyəsi və təşəkkürnamə təqdim olunub.

Naxçıvan Muxtar Respublikası
Gənclər və İdman Nazirliyinin mətbuat xidməti

Naxçıvan Muxtar Respublikasında fəaliyyət göstərən ali və orta ixtisas təhsili müəssisələri tələbələrinin oğlan komandaları arasında basketbol üzrə muxtar respublika birinciliyi keçirilib.
Naxçıvan Muxtar Respublikası Gənclər və İdman Nazirliyi ilə Basketbol Federasiyasının birgə təşkil etdiyi birincilikdə 6 komanda olimpiya sistemi üzrə mübarizə aparıb.

Ardını oxu...

Uzunoba Təlim-Məşq İdman Kompleksinin inzibati binasında Azərbaycan Həvəskar Futbol Federasiyasının prezidenti, Azərbaycan Region Liqasının vitse-prezidenti Rüfət Əmirovla görüş keçirilib. Görüşdə Naxçıvan Futbol Federasiyasının (NFF) sədr müavini Sakit Rzayev, federasiyasının qapıçılarla iş üzrə koordinatoru, “Araz-Naxçıvan” Peşəkar Futbol Klubunun qapıçı məşqçisi Amil Ağacanov iştirak ediblər.

Ardını oxu...

Futbolun təbliği, kütləviliyinin artırılması, istedadlı gənclərin üzə çıxarılması məqsədilə “Araz-Naxçıvan” Peşəkar Futbol Klubunun nəzdində fəaliyyətə başlayacaq “Araz-Naxçıvan” futbol məktəbi layihəsi çərçivəsində daha bir tədbir keçirilib.
Naxçıvan Muxtar Respublikası Gənclər və İdman, Təhsil nazirlikləri və Naxçıvan Futbol Federasiyasının təşkilatçılığı ilə Naxçıvan şəhərindəki 7 nömrəli tam orta məktəbdə keçirilən tədbirdə şəhər ümumtəhsil məktəblərində fiziki tərbiyə dərslərini tədris edən müəllimlər iştirak ediblər.

Ardını oxu...

Naxçıvan Muxtar Respublikasında futbolun kütləvi hal alması üçün məqsədyönlü addımlar atılır, müvafiq tədbirlər həyata keçirilir. Bu idman növünün təbliği və kütləviliyinin artırılması, istedadlı və perspektivli gənclərin üzə çıxarılması məqsədilə “Araz-Naxçıvan” Peşəkar Futbol Klubunun nəzdində “Araz-Naxçıvan” futbol məktəbinin fəaliyyətə başlaması da həmin tədbirlərin davamıdır. 5-15 yaş arası uşaqların iştirak edəcəyi məktəbdə UEFA-nın futbol təhsili proqramından istifadə olunacaqdır.

Ardını oxu...

Azərbaycanın Mərkəzi Ordu İdman Klubunun heyətində karyerasını davam etdirən dəri əlcək sahibimiz Rusiyanın paytaxtı Moskva şəhərində keçirilən boks üzrə hərbçilərin 58-ci Dünya Çempionatında mubarizə aparıb.
İlk dəfə olaraq belə böyük turnirdə 60 kiloqram çəki dərəcəsində rinqə çıxan idmançımız bürünc medal qazanıb. 8 gün davam edən mundialda Tayfur Əliyev yəmənli, braziliyalı və iranlı rəqiblərini məğlub edərək yarımfinala yüksəlib. Ancaq boksçumuz yüksək hərarəti olduğu üçün həkimlərin rəyinə əsasən rinqə çıxmaqdan imtina edib. Nəticədə, texniki məğlubiyyət alan idmançımız dünya çempionatında bürünc medal qazanıb.
Sonda idmançımız təşkilatçılar tərəfindən mükafatlandırılıb.

 Ceyhun MƏMMƏDOV

İlham Əliyev adına Olimpiya İdman Kompleksində qızlardan ibarət voleybol komandaları arasında Naxçıvan Muxtar Respublika açıq birinciliyinə yekun vurulub.
Yarışa şəhər və rayonlardan, ümumilikdə, 9 komanda qatılıb. Dairəvi sistem üzrə iki yarımqrupda oynanılan birincilikdə yüksək göstəriciyə nail olan 4 komanda yarımfinal mərhələsində mübarizəyə davam edib. Bu mərhələni qalib kimi tamamlayan “Sədərək” və “Culfa” komandaları həlledici final görüşündə bir-birinə rəqib olub. Qarşılaşmada üstün oyun nümayiş etdirən sədərəkli məktəblilər birinciliyin qalibi olub. Culfa təmsilçiləri ikinci yerdə qərarlaşıb. Üçüncülük oyununda “Naxçıvan-1” ilə görüşdə qələbə qazanan “Kəngərli” bürünc medallara sahib çıxıb.

Ardını oxu...

Bakı şəhərində uşu idman növü üzrə 44 günlük Vətən müharibəsi şəhidlərinin xatirəsinə həsr olunmuş klublararası respublika turniri keçirilib. Yarışda Naxçıvan Kikboksinq Federasiyasının idmançıları da iştirak edib. Məşqçi Kəmaləddin Rzayevin rəhbərliyi altında yarışa yeddi idmançımız qatılıb. Onlardan 6-sı mükafatçılar sırasına düşməyi bacarıb.
Təmsilçilərimizdən Fərişad Süleymanlı (14 yaş, 45 kiloqram), Məmməd Məhəmmədov (13 yaş, 47 kiloqram), Enes Babayev (11 yaş, 20 kiloqram) və Əli Nəsurullayev (11 yaş, 30 kiloqram) müvafiq çəki və yaş kateqoriyaları üzrə 1-ci olublar. Turqay Həsənov (2008, 42 kiloqram) və İsməddin Rzayev (2011, 39 kiloqram) yarışı ikinci sırada yekunlaşdırıblar. Bu nəticələrlə Naxçıvan komandası turniri 4 qızıl və 2 gümüş medalla tamamlayıb.

Naxçıvan Muxtar Respublikası Gənclər və İdman Nazirliyinin
mətbuat xidməti

 

 

 

Bakı şəhərində pauerliftinq, deadlift və benç press üzrə kişilər və qadınlar arasında açıq Azərbaycan çempionatı keçirilib. Azərbaycan Respublikası Gənclər və İdman Nazirliyi ilə Pauerliftinq Federasiyası tərəfindən birgə təşkil olunan yarış 17-19 sentyabr tarixlərini əhatə edib.
Muxtar respublika idmançısı, milli komandanın üzvü Əli Əsgərov benç press növündə uğurlu nəticəyə imza atıb. Belə ki, təmsilçimiz 215 kiloqramlıq ağırlığın öhdəsindən gələrək öz çəki dərəcəsində (90 kiloqram) birinci yerə sahib çıxıb. Digər təmsilçimiz Turan Qədimli (75 kiloqram) də mükafatçılar sırasına düşüb. O, benç press yarışında 160 kiloqramlıq nəticə ilə 2-ci olub. İlk üçlükdəki idmançılara diplom, kubok və medal təqdim edilib.
Qeyd edək ki, Əli Əsgərov dekabr ayında Rusiyanın paytaxtı Moskva şəhərində keçiriləcək dünya çempionatında ölkəmizi təmsil edəcək.

Naxçıvan Muxtar Respublikası Gənclər və İdman Nazirliyinin
mətbuat xidməti

 

 

 

Serbiyanın paytaxtı Belqrad şəhərində Beynəlxalq Məktəb İdmanı Federasiyasının (İSSF) təşkilatçılığı ilə Dünya Məktəblilərinin İdman Oyunları keçirilib.

Ardını oxu...

Türkiyə Şahmat Federasiyanın təşkilatçılığı ilə 13-18 sentyabr tarixlərində Kırşehirdə beynəlxalq turnir təşkil olunub.

Ardını oxu...

Bakı şəhərində AFFA tərəfindən qapıçılar üzrə məşqçilər üçün UEFA-nın “B” kateqoriyalı məşqçi kursunun III modulu keçirilib.

Ardını oxu...

“Kütləvi futbol həftəsi” başa çatdıqdan sonra Uzunoba Təlim-Məşq İdman Kompleksinin inzibati binasında Azərbaycan Futbol Federasiyaları Assosiasiyasının nümayəndələri ilə görüş olub.

Ardını oxu...

Avropa Futbol Assosiasiyaları İttifaqına (UEFA) üzv olan dövlətlərdə uşaq futbolu ilə bağlı tətbiq olunan “Grassroots” proqramına əsasən “kütləvi futbol həftəsi” (Grassroots week) və “Futboldan həzz al” (Enjoy with football) layihəsinə start verilib. Naxçıvandan başlayan layihə ölkəmizin bir neçə regionunu da əhatə edəcək.
Azərbaycan Futbol Federasiyaları Assosiasiyası (AFFA), Naxçıvan Muxtar Respublikasının Gənclər və İdman, Təhsil nazirlikləri və Naxçıvan Futbol Federasiyasının birgə təşkilatçılığı ilə Uzunoba Təlim-Məşq İdman Kompleksində keçirilən festivalda 100-dək məktəbli iştirak edib. Kompleksin böyük və mini-futbol meydançalarında maraqlı və əyləncəli oyunları əhatə edən sektorlarda uşaqlar öz bacarıqlarını müxtəlif toplu oyunlarda nümayiş etdiriblər. İştirakçıların “face art”la (üz boyama sənəti) bəzənən simaları, diceyin (DJ) müşayiəti ilə səslənən dinamik musiqilər əyləncəni daha da rəngarəng edib. Sonda hər bir məktəbliyə layihəni əks etdirən futbol topları hədiyyə olunub.
Tədbirdən sonra AFFA-nın Kütləvi Futbol Departamentinin rəhbəri Fərrux İsmayılov layihə barədə fikirlərini bildirib: “Bu layihənin həyata keçirilməsində məqsəd futbolun kütləviliyini artırmaq, uşaqların və yeniyetmələrin asudə vaxtlarının səmərəli təşkili, onlarda futbola maraq yaratmaq və sağlam həyat tərzini təbliğ etməkdir. Muxtar respublikada layihəni həyata keçirmək üçün hər bir şərait var. Layihə çərçivəsində, eyni zamanda yeni kateqoriya alan futbol məşqçiləri də iştirak etdi. Ötən dövrdə olduğu kimi, bu layihədə də Gənc­lər və İdman, Təhsil nazirlikləri, eləcə də Futbol Federasiyasının təşkilatçılığı ən yüksək səviyyədə idi. Belə lahiyələr davamlı şəkildə təşkil olunacaq. Bu həm də Naxçıvan Muxtar Respublikası Gənclər və İdman Nazirliyi və Futbol Federasiyasının AFFA ilə əməkdaşlığının möhkəmlənməsi, uşaq futbolunun inkişafı yönündə atılan bir addımdır. Təşkilatçılığa görə bir daha bu layihədə əməyi keçən bir kəsə minnətdarlığımı bildirirəm”.

 Ceyhun MƏMMƏDOV

Naxçıvan Atıcılıq Mərkəzində paralimpiyaçılar arasında atıcılığın stend növü üzrə muxtar respublika açıq birinciliyi keçirilib. Yarışa qazilərimiz də cəlb olunub, ümumilikdə, 16 nəfər iştirak edib.
Nəticələrə əsasən Şəmsəddin Əsədov birinci olub. İlk üçlüyü müvafiq ardıcıllıqla Asəf Süleymanovla Elvin Quliyev tamamlayıblar.

Ardını oxu...

Ötən ay gənc nəslin vətənpərvər ruhda formalaşdırılması, intellektual bilik və dünyagörüşünün artırılması, asudə vaxtının səmərəli təşkili, muxtar respublikamızın turizm imkanlarının onlar arasında tanıdılması və təbliği məqsədilə bir sıra tədbirlər həyata keçirilib.

Ardını oxu...

 

 

 

 

 

Naxçıvan karatenin yeni “brilyant oğlanı”nı yetişdirir

         Bu ayı Azərbaycan karatesi üçün əlamətdar ay hesab etmək olar. İlk dəfə olaraq Tokyoda keçirilən Yay olimpiya yunlarına daxil edilən karate idman növündə idmançılarımız uğur qazanmaqla adlarını Azərbaycanın idman tarixinə yazdırmış oldular. Təbii ki, belə qələbə əldə edən gənc idmançılar üçün əlavə motivasiyadır – indi yüzlərlə uşaq və yeniyetmə onları özlərinə kumir seçir, bayrağımızı beynəlxalq arenalarda dalğalandırmaq istəyirlər. Bu yol onlar üçün heç də asan olmur – ağır məşqlər, təlim-məşq toplanışları, mütəmadi çıxış etdikləri dünya və Avropa çempionatları, turnirlər və ən əsası üzərlərində hiss etdikləri məsuliyyət. Sonuncu hiss, demək olar ki, idmançıların qələbəsində mühüm, müstəsna rol oynayır. Bugünkü yazımızın qəhrəmanı yaşının az olmasına baxmayaraq, bu hissi hər zaman məsuliyyətlə dərk edən, istedadlı idmançıların uğurlarını təkrarlamağı özünə yol seçən, Naxçıvan Muxtar Respublikası Karate-do Federasiyasının yetirməsi Rəşid Süleymanovdur.

Ardını oxu...

“Zərərli vərdişlərə yox deyək, həmişə sağlam olaq!” devizi ilə keçirilən yarış İlham Əliyev adına Olimpiya İdman Kompleksində reallaşıb. Naxçıvan Kikboksinq Federasiyası ilə Gənclər və İdman İdarəsi tərəfindən birgə təşkil olunan birinciliyə “Naxçıvan-1”, “Naxçıvan-2”, “Kəngərli”, “Odlar yurdu” və “Turan” döyüş klublarından, ümumilikdə, 110 idmançı qatılıb. Görüşlər 3 yaş kateqoriyasında 22 çəki dərəcəsi üzrə keçirilib.

Ardını oxu...

Finlandiyanın Tampere şəhərində keçirilən 14-15 yaşlı yeniyetmələrin və 16-17 yaşlı gənclərin 48-ci Avropa çempionatı, 21 yaşadək gənclərin isə 13-cü qitə çempionatı davam edir. Azərbaycan Avropa çempionatında 24 karateçi və 5 hakimlə təmsil olunub. Onlardan biri də Naxçıvan Karate-do Federasiyasının idmançısı, hazırda karyerasını millinin heyətində davam etdirən Rəşid Süleymanovdur.

Ardını oxu...

Naxçıvan şəhərindəki İlham Əliyev adına Olimpiya İdman Kompleksində məktəblilərin yay tətilinin səmərəli təşkili məqsədilə keçirilən kiçikyaşlı yeniyetmələr (2008-2011-ci il təvəllüdlər) arasında cüdo üzrə Naxçıvan şəhər açıq birinciliyinə yekun vurulub.

Ardını oxu...

“Zərərli vərdişlərə yox deyək, həmişə sağlam olaq!” devizi ilə keçirilən yarış Olimpiya İdman Kompleksində reallaşıb.

Ardını oxu...

Naxçıvan şəhərindəki İlham Əliyev adına Olimpiya İdman Kompleksində məktəblilərin yay tətilinin səmərəli təşkili məqsədilə Naxçıvan şəhər tam orta məktəblərində yaradılan idman klubları arasında (2007-2009-cu illər) sərbəst güləş üzrə yoldaşlıq görüşü keçirilib.

Ardını oxu...