16 İyul 2020, Cümə axşamı

26 İyun - Azərbaycan Respublikası Silahlı Qüvvələri Günü münasibətilə Naxçıvan hərbi şəhərciyində zabit-gizir ailələrinə yen ixidməti mənzillər təqdim edilib.

Əlahiddə Ümumqoşun Ordu komandanı, general-polkovnik Kərəm Mustafayev Silahlı Qüvvələr Günü və yeni xidməti mənzillərin təqdim edilməsi münasibətilə hərbi qulluqçuları və ailə üzvlərini təbrik edib.

 General-polkovnik Kərəm Mustafayev ümummilli lider Heydər Əliyevin müəyyənləşdirdiyi ordu quruculuğu siyasətinin bu gün Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyev tərəfindən uğurla davam etdirildiyini deyib. Qeyd olunub ki, Naxçıvan Muxtar Respublikası Ali Məclisinin Sədri cənab Vasif Talıbovun diqqət və qayğısı sayəsində hərbi infrastrukturun müasirləşdirilməsi istiqamətində mühüm işlər görülür, zabit-gizir ailələrinin mənzil-məişət şəraitinin yaxşılaşdırılmasına və səmərəli istirahətinin təşkilinə xüsusi diqqət yetirilir. Hərbçi ailələrinə yeni xidməti mənzillərin təqdim edililməsi də növbəti qayğının ifadəsidir.

Mənzillə təmin olunan zabit Emil Hüseynov 8 ildir ki, muxtar respublikada xidmət etdiyini, bu müddətdə hərbi qulluqçuların sosial-məişət şəraitinin daim diqqətdə saxlanıldığının şahidi olduğunu bildirib. Hərbi hissələrdə xidmətin vəziyyətinə, əsgərlərin məişət şəraiti və zabit-gizir ailələrinin sosial təminatına dövlət qayğısı şəxsi heyətdə vətənpərvərlik hisslərini daha da gücləndirdiyini, böyük ruh yüksəkliyi yaratdığını deyən zabit Emil Hüseynov bundan sonra da nümunəvi xidmət edəcəklərinə söz verib.

Cəlilabad rayonundan olan hərbçi ailəsinin üzvü Zəhra Quluzadə Naxçıvanda yaşadıqları müddətdə onlara göstərilən dövlət qayğısından danışıb. Əsaslı təmir olunaraq istifadəmizə verilən tam təmirli mənzillər rahat yaşayışımız üçündür deyən Zəhra Quluzadə yaradılan şəraitə görə hərbçi ailələri adından dövlətimizə minnətdarlıq edib.

Çıxışların ardından binaya baxış olub. Bu zaman hərbi qulluqçular və onların ailə üzvləri ilə görüşən Əlahiddə Ümumqoşun Ordu komandanı, general-polkovnik Kərəm Mustafayev yeni mənzillərin sakinlərinə uğurlar arzulayıb.

Qeyd edək ki, zirzəmi ilə birlikdə 4 mərtəbəli binanın birinci mərtəbəsində dərzi, ayaqqabı təmiri sexi, hərbi və qarışıq mallar mağazaları fəaliyyət göstərəcək. Fərdi qazanxana sistemi quraşdırılan binada Naxçıvan Qarnizonu Mənzil İstismar İdarəsinin bölmələri üçün iş otaqları da yaradılıb. Binanın 2-ci, 3-cü və 4-cü mərtəbələrinin hər birində 13 mənzil olmaqla ümumilikdə 39 mənzilin hər biri müasir mebel dəstləri və lazımi məişət əşyaları ilə təmin olunub. Həmin mərtəbələrdə lazımi avadanlıqlarla tam təmin edilmiş mətbəx və camaşırxana yerləşir. Binada əsaslı təmir işləri aparılan zaman hərbi qulluqçuların və ailə üzvlərinin səmərəli istirahəti nəzərə alınaraq hərbi şəhərcikdə yeni istirahət parkı da salınıb. Ərazidə abadlıq işləri aparılıb, istirahət güşələri və oturacaqlar quraşdırılıb, dekorativ ağac və gül kolları əkilib.

NərimanNəcəfov


ARXİV

İyul 2020
Be Ça Ç Ca C Ş B
29 30 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

MÜƏLLİFLƏR

KEÇİDLƏR