23 May 2019, Cümə axşamı

 

ARXİV

May 2019
Be Ça Ç Ca C Ş B
29 30 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

 

 

LİNKLƏR

 

 

Yeni Azərbaycan Partiyası Şərur Rayon Təşkilatının onbirinci şura iclasında rayon təşkilatının sədri, Naxçıvan Muxtar Respublikası Ali Məclisinin deputatı Əmir Babayev təşkilatın 2019-cu ilin birinci rübündə gördüyü işlərdən və qarşıda duran vəzifələrdən danışıb. Qeyd edib ki, rayon təşkilatı İdarə Heyəti və şura üzvləri iş planına uyğun olaraq fəaliyyətlərini ərazi ilk təşkilatları ilə birgə davam etdirib, yerlərdə sakinlərlə görüşlər keçiriblər. Bu görüşlərdə, əsasən, ölkə­mizdə, eləcə də muxtar respublikamızda, o cümlədən rayonda regional inkişaf proqramlarının icrası istiqamətində görülən işlər, tikinti-quruculuq, abadlıq və yaşıllaşdırma tədbirləri barədə ətraflı məlumat verilir, qarşıya qoyulmuş vəzifələr və görülən işlər müzakirə olunur.
Bildirilib ki, üç ayda təşkilatın bir şura, 3 İdarə Heyəti yığıncağı keçirilib. Yığıncaqlarda görülən işlər müzakirə edilib, hər bir ərazi ilk partiya təşkilatının, ümumilikdə, bütün partiya üzvlərinin qarşıya qoyulmuş vəzifələrin həyata keçirilməsi sahəsində görəcəyi işlər müəyyənləşdirilib.

Məlumat verilib ki, Yeni Azərbaycan Partiyası Şərur Rayon Təşkilatının tərkibindəki 87 ərazi ilk təşkilatının qeydiyyatında 10 min 569 nəfər partiya üzvü vardır. Bunların da 3 min 179 nəfərini, yəni 30 faizini qadınlar, 2 min 929 nəfərini, yaxud 27,7 faizini gənclər təşkil edir. Bu ilin üç ayı ərzində Yeni Azərbaycan Partiyası sıralarına qəbul olunmuş 48 nəfərin 44-ü gəncdir.
Diqqətə çatdırılıb ki, gənclərin partiya sıralarına qəbulu ildən-ilə artan templə müşayiət olunur. Bu da onların həyata keçirilən siyasəti dəstəklədiklərini, iqtidar partiyasının üzvü olmaqdan qürur duyduqlarını göstərir.
Müzakirələrdə Yeni Azərbaycan Partiyası Şərur Rayon Təşkilatı Qadınlar Şurasının sədri, Naxçıvan Muxtar Respublikası Ali Məclisinin deputatı Yeganə Məmmədova, təşkilatın Gənclər Birliyinin sədri Cahandur Məhərrəmov və Şərur şəhər ərazi ilk partiya təşkilatının sədri Məhərrəm Həşimov çıxış ediblər.
Sonda partiya sıralarına yeni qəbul olunmuş gənclərə üzvlük vəsiqələri verilib.

Elman MƏMMƏDOV

QƏZETİN BUGÜNKÜ NÖMRƏSİ

4008809
Bu gün
Dünən
Bu həftə
Bu ay
Cəmi
3043
4717
16299
91191
4008809

Submit to FacebookSubmit to Google PlusSubmit to Twitter