29 Aprel 2017, Şənbə

ARXİV

Aprel 2017
Be Ça Ç Ca C Ş B
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

 

 

LİNKLƏR

 

 

Yaz-yay mövsümünün başlanması ilə əlaqədar AMEA Naxçıvan Bölməsinin Bioresurslar İnstitutunun Nəbatat bağında mövcud yaşıllıqlara qulluq edilməklə yanaşı, bağın təcrübə sahəsinə yeni ağac və dekorativ gül bitkiləri salınır.
AMEA Naxçıvan Bölməsinin Bioresurslar İnstitutunun direktoru, AMEA-nın həqiqi üzvü Tariyel Talıbov və Nəbatat bağının şöbə müdiri biologiya üzrə fəlsəfə doktoru, dosent Teyyub Paşayev tərəfindən AMEA-nın Dendrologiya İnstitutundan, İran və Türkiyə respublikalarından, Batumi Botanika Bağından gətirilən, xüsusi sahələrə əkilən yeni bitki növlərinin arasında xeyli sayda otaq bitkiləri, müxtəlif kaktus növləri, palma tingləri, müxtəlif şam ağacı növləri və digər bitki nümunələri var.
Əkilən bitkilərin yerli şəraitə uyğunlaşması müəyyən ediləcək, əldə olunan yeni növlər artırılaraq yaşıllaşdırma işlərində, müxtəlif təşkilatların ərazilərində və fermer təsərrüfatlarında istifadə olunacaq.
AMEA Naxçıvan Bölməsinin Bioresurslar İnstitutunun Nəbatat bağında bitki ehtiyatlarının xammal bazasını zənginləşdirmək məqsədilə təcrübə sahələrinə ayrı-ayrı torpaq və iqlim xüsusiyyətlərinə malik bəzək, dərman və digər bitki nümunələri əkilərək üzərlərində elmi-tədqiqat işləri həyata keçirilir. O cümlədən nadir və nəsli kəsilməkdə olan bitki növlərinin artırılması və bu bitkilərin qorunması tədbirlərinə xüsusi önəm verilir.

Qeyd edək ki, bağın ərazisində qurulan “Ultra Sera” ailəsinə məxsus son texnologiyaya malik istixanada yetişdirilən müxtəlif iqlim şəraitlərinə uyğun olan bitki növlərinin toxumlarından alınan cücərtilər üzərində hazırda müşahidələr aparılır. Bu bitki növlərinin Naxçıvanın torpaq-iqlim şəraitinə uyğunlaşdırılması, introduksiya edilməsi böyük müvəffəqiyyət hesab oluna bilər.

AMEA Naxçıvan Bölməsinin İnformasiya şöbəsi

QƏZETİN BUGÜNKÜ NÖMRƏSİ

2030970
Bu gün
Dünən
Bu həftə
Bu ay
Cəmi
14270
19173
106155
450948
2030970

Submit to FacebookSubmit to Google PlusSubmit to Twitter