16 Oktyabr 2019, Çərşənbə

Bakı şəhərində Naxçıvan Muxtar Respublikası daimi nümayəndəliyinin rəhbəri Bəxtiyar Əsgərov bir sıra rəsmi tədbirlərdə iştirak edib.

Daimi nümayəndəliyin rəhbəri Türkiyənin ölkəmizdəki fövqəladə və səlahiyyətli səfiri Erkan Özoralın dəvəti ilə"Sənədlərlə Osmanlı Dövləti və Azərbaycan Xanlıqları münasibətləri" adlı Sərginin açılış mərasiminə qatılıb. Tədbirdə Türkiyə Cumhuriyyəti Prezidenti Aparatı yanında Dövlət Arxivləri Baş İdarəsinin rəhbəri cənab Uğur Ünal və digər qonaqlar da iştirak ediblər.

Bəxtiyar Əsgərov həmçinin  Koreya Respublikasının Azərbaycan Respublikasında fövqəladə və səlahiyyətli səfiri Kim Tong Op və xanımının dəvəti ilə bu ölkənin milli bayramı-Milli Quruluş Günü münasibətilə Bakıda təşkil edilmiş rəsmi qəbulda iştirak edib.

Daimi nümayəndəliyin rəhbəri və kollektivi eyni zamanda Azərbaycan Respublikası Mədəniyyət Nazirliyinin təşkil etdiyi  Xalq yazıçısı Hüseyn İbrahimovun 100 illik yubileyində olublar.

Xəbərlər şöbəsi

İsa Həbibbəyli müasir Azərbaycan elminin və mədəniyyətinin korifeylərindən biridir. Humanitar elm sahəsində şəriksiz nüfuza malikdir və fəaliyyətinin çoxplanlılığı ilə diqqəti cəlb edir.
 
Hazırda Azərbaycan Milli Elmlər Akademiyasının vitse-prezidenti, Nizami Gəncəvi adına Ədəbiyyat İnstitutunun direktoru, Azərbaycan Respublikası Milli Məclisinin deputatı, Milli Məclisin Elm və Təhsil Komitəsi başda olmaqla, bir çox əhəmiyyətli komitə və komissiyaların sədridir.

İsa müəllimə bu qədər çətin, ciddi və məsuliyyətli işlərin etibar edilməsinin səbəbi keçdiyi həyat yolunda özünü fədakar, eyni zamanda, istedadlı, təşəbbüskar, yaradıcı bir insan kimi təsdiq etməsidir. Təhsil illərindən istedad və çalışqanlığı ilə diqqəti cəlb edən İsa Həbibbəyli analitik düşüncəyə malik olduğunu və kreativliyini Naxçıvan Dövlət Universitetində rektor kimi çalışdığı illərdə tam aydınlığı ilə üzə çıxardı və sübut etdi. Onun rəhbərliyə başladığı illərdə universitet sovet ordusunun təhsil üçün bir o qədər də yararlı olmayan köhnə hərbi kazarmasında yerləşdirilmişdi və burada yalnız bir neçə ixtisas üzrə müəllimlər hazırlanırdı. 1996-2013-cü illərdə, rektorluğu dövründə İsa müəllim Naxçıvan Dövlət Universitetini təsəvvürə gətirilməyəcək dərəcədə dəyişdirdi. Universitet məhz onun təşəbbüskarlığı, rəhbərliyi və dövlətdən aldığı dəstəklə yeni korpuslar, laboratoriyaların təchizatı, ixtisasların çoxşaxəliliyi, müasir tipli tələbə yataqxanası, elektron kitabxana, yüksək səviyyəli nəşriyyat və başqa imkanları ilə respublikanın bütün universitetlərindən yaxşı mənada fərqləndi, birincilik nümayiş etdirdi. Ermənistanın törətdiyi münaqişə və torpaqlarımızın işğalı nəticəsində blokadada olan Naxçıvanın çətin şəraitdə elm və təhsil sahəsində beynəlxalq əlaqələrini inkişaf etdirdi - Türkiyə Cümhuriyyətinin, Fransa, Misir Ərəb Respublikası, İran İslam Respublikasının, Rusiyanın bir sıra universitetləri ilə qarşılıqlı əlaqələr yaradıldı, əməkdaşlıq müqavilələri imzalandı. Ən əsası blokadada olan Naxçıvan üçün yüksək səviyyəli mütəxəssislər yetişdirildi. Naxçıvan Dövlət Universiteti böyük bir struktur kimi kiçik universitetlərin birliyinə, ittifaqına çevrildi.

Naxçıvanda rektor vəzifəsində işlədiyi müddətdə İsa müəllim elmin, təhsilin, mədəniyyətin patriarxı kimi tanındı, ziyalıları öz ətrafında cəmləşdirdi; Azərbaycan Yazıçılar Birliyinin Naxçıvan şöbəsinin, AMEA-nın Naxçıvan bölməsinin, teatrın, muzeylərin, mətbuatın inkişafında öz dəyərli tövsiyələri ilə yaxından iştirak etdi. MR-in ictimai-siyasi həyatında da fəal rol oynadı. 1998-2005-ci ildə Naxçıvan MR Ali Məclisinin, 2005-ci ildən isə Azərbaycan Respublikası Milli Məclisinin Deputatı seçildi. Akademik İsa Həbibbəylinin çoxmasştablı fəaliyyəti, analitik-yaradıcı yanaşmaları, təşəbbüskarlığı nəzərə alınaraq o, mərkəzə, Bakıya dəvət olundu. Artıq Azərbaycanın elm, təhsil, mədəniyyət sahələrində İsa müəllim çox yaxından iştirak edir və onun varlığı öz müsbət nəticələrini göstərir. Azərbaycanın müxtəlif elmi və mədəni qurumları arasında yaxın əlaqələrin yaranmasında akademik İsa Həbibbəylinin müstəsna xidmətləri var; AMEA bu əlaqələri öz ətrafında mərkəzləşdirib - Akademiya və Azərbaycan Yazıçılar Birliyi, Akademiya və Akademik Teatr, Akademiya və universitetlər, orta təhsil müəssisələri, Akademiya və Respublika kitabxanası və başqa qurumlar tez-tez birgə layihələr gerçəkləşdirirlər.

Ardını oxu...

Əmək və Əhalinin Sosial Müdafiəsi naziri Sahil Babayev İrana səfəri çərçivəsində bu ölkənin iqtisadiyyat və Maliyyə İşləri naziri Fərhad Dəjpəsənd ilə görüşüb. Sahil Babayev Azərbaycan Prezidentinin rəhbərliyi ilə həyata keçirilən uğurlu sosial-iqtisadi islahatlardan, o cümlədən əməkhaqqı və müavinətlərin hər il artırılmasından və bunun nəticəsində ölkəmizdə əhalinin rifahının gündən-günə yaxşılaşmasından danışıb.

Tərəflər iqtisadi əməkdaşlığın perspektivlərini müzakirə ediblər. 

Rabil Kətanov

AZƏRTAC-ın xüsusi müxbiri

Tehran

Oktyabrın 12-15-də Azərbaycan Respublikasının Diasporla İş üzrə Dövlət Komitəsinin sədri Fuad Muradov Polşaya səfər edəcək.

AZƏRTAC Azərbaycanın Polşadakı səfirliyinin məlumatına istinadən xəbər verir ki, səfər çərçivəsində rəsmi görüşlərlə yanaşı, Fuad Muradovun Polşadakı diaspor nümayəndələri ilə görüşü də nəzərdə tutulur.

Aygün Əliyeva

AZƏRTAC-ın xüsusi müxbiri

Varşava 

Oktyabrın 9-da Xəzər dənizində maqnitudası 4,4 olan zəlzələ baş verib.

Azərbaycan Milli Elmlər Akademiyası nəzdindəki Respublika Seysmoloji Xidmət Mərkəzindən verilən məlumata görə, yeraltı təkanlar yerli vaxtla saat 07:06-da qeydə alınıb.

Ocağı 20 kilometr dərinlikdə yerləşən zəlzələ hiss olunmayıb.

ARXİV

Oktyabr 2019
Be Ça Ç Ca C Ş B
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

MÜƏLLİFLƏR

KEÇİDLƏR