22 Mart 2019, Cümə

 

ARXİV

Mart 2019
Be Ça Ç Ca C Ş B
25 26 27 28 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

 

 

LİNKLƏR

 

 

Naxçıvan şəhərində yerləşən “Naxçıvanqala” Tarix-Memarlıq Muzey Kompleksində martın 19-dan başlayan Novruz şənliklərində yüzlərlə muxtar respublika sakini, xarici vətəndaşlar və turistlər iştirak edirlər.

“Şərq qapısı” qəzetinin əməkdaşı Novruz şənliklərində iştirak edən insanlarla həmsöhbət olub, onların təəssüratlarını öyrənib.

İran İslam Respublikasının vətəndaşı Həsən Rəhimi muxtar respublikamıza ilk dəfədir ki, Novruz bayramı ərəfəsində səfər etdiyini bildirib. O qeyd edib ki, Novruz bayramı şənlilkəri çox möhtəşəm keçirilir. Burada olan milli rəqslər, musiqilər məni valeh etdi. Bir sözlə Naxçıvanda insanlarda olan ruh yüksəkliyi, adət-ənənələrə bağlılıq, milli dəyərlərə ehtiram çox yüksək səviyyədədir. Hər il davamlı olaraq Naxçıvanda keçirilən Novruz şənliklərində iştirak edəcəyəm.

Digər həmsöhbətimiz isə Novruz şənliyində iştirak etmək üçün Naxçıvana Bakıdan səfər edən Elmira Axundovadır. Müsahibimiz bildirdi ki, oğlum hərbiçidir və Naxçıvanda qulluq edir.

Ardını oxu...

Şərur rayonu

Mart ayının 19-da Şərur şəhərində də ümumrayon bayram şənliyi keçirilib. Əvvəlcədən baharı, Novruzu təmsil edən müxtəlif şüar və plakatlarla, üçrəngli bayrağımızla bəzədilmiş meydanda rayon Mədəniyyət Şöbəsi musiqi və teatr kollektivlərinin hazırladıqları əyləncəli, rəngarəng proqramlar bayram şənliyinə toplaşanların alqışları ilə qarşılanıb. Tədbirin aparıcıları rayonda həyata keçirilən sosial-­iqtisadi inkişafdan danışıblar.
Şərur şəhərindəki 2 nömrəli tam orta məktəbin direktoru, Naxçıvan Muxtar Respublikasının Əməkdar müəllimi Sevil Hacıyeva ilə söhbətimiz zamanı dedi ki, müstəqillik illərində Şərur rayonunun 50-dək yaşayış məntəqəsində geniş quruculuq tədbirləri həyata keçirilib. Hazırda bir neçə kənddə yeni obyektlərin tikintisi davam etdirilir.

Ardını oxu...

Muxtar respublikada su təsərrüfatı sistemlərinin istismarının yaxşılaşdırılması istiqamətində görülən işlərin əhatə dairəsi genişləndirilir. Naxçıvan Muxtar Respublikasının Dövlət Meliorasiya və Su Təsərrüfatı Komitəsinin əməkdaşları tərəfindən fevral ayında 250 metr yeni suvarma xətti çəkilmiş, 5 kilometr içməli su xətti, 3 kilometr təzyiqli boru xətti, 440 metr suvarma xətti təmir edilmiş, 22 kilometr beton və torpaq kanal, 17 kilometr ara arxlar, 3 kilometr kollektor lildən təmizlənmişdir.

Ardını oxu...

Naxçıvan Muxtar Respublikası Təhsil Nazirliyinin və AMEA Naxçıvan Bölməsinin təşkilatçılığı ilə muxtar respublikanın ümumtəhsil məktəblərinin şagirdləri üçün keçilən interaktiv dərsdə AMEA Naxçıvan Bölməsinin elmi işçisi filologiya üzrə fəlsəfə doktoru Aytən Cəfərova Azərbaycanın milli bayramı olan Novruz bayramının yaranması və Novruz bayramına aid adət ənənələr haqqında şagirdlərə geniş məlumat verib.
Bildirilib ki, Azərbaycan müstəqilliyini yenidən bərpa etdikdən sonra öz tarixi keçmişini, zəngin ənənələrini inkişaf etdirib, məhz bundan sonra digər milli bayramlar kimi, Novruz da dövlət səviyyəsində daha geniş qeyd olunmağa başlanıb. Uzun əsrlərdir ümumxalq bayramı-Novruz ölkəmizin digər guşələrində olduğu kimi Naxçıvan Muxtar Respubliksında da müxtəlif el şənlikləri və mərasimlərlə qarşılanır.

Ardını oxu...

C.Məmmədquluzadə adına Naxçıvan Muxtar Respublika Ədəbiyyat Muzeyində “Beynəlxalq Poeziya Günü” münasibətilə tədbir keçirilib.
Tədbiri giriş sözü ilə açan Naxçıvan Muxtar Respublikasının Mədəniyyət naziri Natəvan Qədimova bildirib ki, 1999-cu ildə YUNESKO-nun 30-cu iclasında 21 mart tarixi Beynəlxalq Poeziya Günü elan olunmuşdur. Azərbaycanda isə “Beynəlxalq Poeziya Günü” 2007-ci ildən etibarən qeyd olunur.
Məqsəd poeziya sənətini təbliğ etmək, şeiri insanlara sevdirmək, xalqları ədəbiyyatın bu janrı ilə bir-birinə yaxınlaşdırmaqdır. Poeziya danışıq nitqi ilə musiqi arasında bir növ orta mövqe tutur.
Muxtar respublikamızda da poeziya sənətinin inkişafına böyük qayğı göstərilir, Naxçıvanda yaşayıb-yaradan şair və yazıçıların əməyi yüksək qiymətləndirilir. Qədim diyarımızda görkəmli şairlərin yubileyləri dövlət səviyyəsində qeyd olunur, onların ev muzeyləri yaradılır. Hər il böyük romantik şairimiz Hüseyn Cavidin anadan olduğu gün Naxçıvanda “Hüseyn Cavid Poeziya Günü” keçirilir. Şair və yazıçılarımız orden və medallara, Azərbaycan Respublikası Prezidentinin fərdi təqaüdünə, Prezident mükafatına layiq görülürlər. Müstəqillik dövründə yazıçı və şairlərimizin 1000-dən çox kitabı, 10-dan çox almanaxı nəşr olunmuşdur.

Ardını oxu...

QƏZETİN BUGÜNKÜ NÖMRƏSİ

3785059
Bu gün
Dünən
Bu həftə
Bu ay
Cəmi
302
1300
7609
49376
3785059

Submit to FacebookSubmit to Google PlusSubmit to Twitter