19 Sentyabr 2019, Cümə axşamı

Elə ki ilin may-iyun ayları yetişdi, Günəşin yandırıcı təsirindən qorunmaq, mənalı istirahət keçirmək istəyinə düşürük. Kimi səs-küyün nisbətən az, yaşıllıqların çox olduğu ucqar kəndlərə üz tutur, kimi də elə doğma şəhərimizin qoynunda salınan parklarda, xiyabanlarda, istirahət, əyləncə mərkəzlərində dincəlir. 2014-cü ildə istifadəyə verilən bir istirahət məkanı da var ki, bəziləri yay gəlsəydi, oraya üz tutub, doyunca əylənərdim, – deyə arzu edir. Bura Uzunoba Su Anbarı ərazisində yaradılan çimərlikdir.

Şəhər mərkəzindən bir neçə kilometr aralıda yerləşən həmin çimərliyə aparan marşrut avtobusunun 20 sərnişinindən biriyəm. Oturacaqlara nəzər saldıqda müxtəlif yaş qruplarından olan insanları görmək mümkündür. Aralarında universitet tələbələri, məktəbyaşlı uşaqlar, məzuniyyətə çıxan orta nəslin nümayəndələri, xarici ölkə vətəndaşları da var. Gözlərində sevinc, üzlərində təbəssüm sezilən bu insanlar yolboyu bir-birləri ilə keçirəcəkləri xoş, mənalı günün qısa müzakirəsini aparırlar. Çox keçmir ki, bəhs olunan ünvana yetişirik. Hədsiz maraq və sevincdən bir andaca hər kəs avtobusun çıxışına axışır, qapının açılması ilə insanların şən-şaqraq səslərinin ətrafa yayılması bir olur. Çimərliyin bənzərsiz görünüşü, yaradılan gözəl şərait, təhlükəsizlik qaydalarına əməl olunması üçün vurulan məlumat lövhələri, qoyulan xüsusi qadağanedici nişanlar diqqətimi çəkir. Ərazidə Fövqəladə Hallar Nazirliyinin struktur qurumlarının 7 nəfərdən ibarət dalğıc heyətini gördükdə istirahətin təhlükəsiz şəkildə keçəcəyinə bir daha əmin oluram. Günorta saatlarında istirahət mərkəzinə üz tutanların sayı xeyli çoxalır. İnsanlardan kimi skuter və pedallı qayıqlara əyləşərək su səyahətinə çıxır, kimi suda üzür, kimisi də voleybol, futbol meydançalarında idmanla məşğul olur. Sudan çıxanlar duş qəbul etdikdən sonra quraşdırılan çətirlərin altındakı rahat oturacaqlarda əyləşir, ərazidə fəaliyyət göstərən iaşə xidmətindən yararlanırlar. Bir-birindən maraqlı musiqi sədaları ətrafa yayılır, məkan əsl toy-bayram ab-havasına bürünür. Sərin meh əsdikcə Günəşin zərrin şəfəqlərinin bərq vurduğu su dalğalar yaradır, mexaniki qayıqlarla, skuterlərlə hərəkət edən insanların şən səsləri bir-birinə qarışır...

Ardını oxu...

Məktəblilərin yay tətilini səmərəli keçirmələri, milli-mənəvi dəyərlərimizin təbliği, onlarda vətənpərvərlik ruhunun formalaşması üçün Naxçıvan Muxtar Respublikası Təhsil Nazirliyi tərəfindən bir sıra tədbirlər həyata keçirilir. Belə tədbirlərdən biri də məktəblilərin milli mədəniyyət nümunələrimizin qorunduğu muzeylərə ekskursiyalarının təşkilidir. Bu çərçivədə Naxçıvan şəhər ümumtəhsil məktəbləri şagirdlərinin və məktəbdənkənar tərbiyə müəssisələrinin dərnək üzvlərinin Heydər Əliyev Muzeyinə ekskursiyaları təşkil olunub.
Muzeydə məktəblilərə ümummilli lider Heydər Əliyevin ömür yolu və çoxşaxəli fəaliyyətindən, Vətən və xalq qarşısında əvəzsiz xidmətlərindən ətraflı bəhs olunub. Onlar görkəmli dövlət xadiminin şəxsi arxivindən götürülən ayrı-ayrı dövrlərə aid fotolar, müxtəlif eksponatlarla tanış olublar. Ümummilli liderin uşaqlıq və gənclik illərinə həsr olunan stendlər, şəxsi əşyalar, sənəd və materiallar, eləcə də muzeyin kitabxanasında ulu öndərin həyat və fəaliyyətini əks etdirən qəzet, jurnal, albom və kitablar, videomateriallar şagirdlərin marağını cəlb edib.
Həmin gün məktəblilər Naxçıvan Dövlət Xalça və Ədəbiyyat muzeylərini də ziyarət ediblər. Mədəniyyət müəssisələrində şagirdləri maraqlandıran suallar cavablandırılıb, tariximiz və mədəni irsimiz haqqında onlara ətraflı məlumatlar ­verilib.

Naxçıvan Muxtar Respublikası
Təhsil Nazirliyinin mətbuat xidməti

Naxçıvan Muxtar Respublikası Fövqəladə Hallar Nazirliyinin təşkilatçılığı ilə Naxçıvan Beynəlxalq Hava Limanında “Hava limanının yerüstü obyektlərində baş verə biləcək yanğınların qarşısının alınması və nəticələrinin aradan qaldırılması zamanı idarəetmə orqanlarının və qüvvələrin fəaliyyətinin təşkili” mövzusunda taktiki-xüsusi təlim keçirilib.
Təlimin keçirilməsində məqsəd qəza şəraiti yarandığı halda Naxçıvan Beynəlxalq Hava Limanı ilə Fövqəladə Hallar Nazirliyi arasında qarşılıqlı fəaliyyətin, eyni zamanda yanğın təhlükəsizliyi və qəza-xilasetmə komandasının, həmçinin təlimə cəlb olunan digər qüvvələrin uzlaşmış fəaliyyətinin təşkilinə nail olmaqdır. Bununla yanaşı, şəxsi heyətin döyüş və peşə hazırlığının artırılması, eyni zamanda çevikliyinin təmin edilməsi də qarşıya qoyulan məqsədlərdəndir.
Təlim planına uyğun olaraq, ilk növbədə, aeroportun yanğın təhlükəsizliyi və qəza-xilas­etmə komandasının döyüş hazır­lığının yoxlanılması məqsədilə şəxsi heyətdən “Döyüş açılışı” üzrə normativlər qəbul edilib. Sonra yanacaq-sürtkü materialları anbarında şərti baş vermiş yanğının söndürülməsi üzrə yanğınsöndürmə qüvvələrinin fəaliyyətinin təşkilinə baxılıb, təlim yerində yanğından mühafizə bölmələrinin praktik fəaliyyətinə qiymət verilib. Həmin anbarın yanğın cəhətdən təhlükəli obyekt olduğunu nəzərə alaraq şərti yanğının söndürülməsinə Naxçıvan Beynəlxalq Hava Limanının və Fövqəladə Hallar Nazirliyinin Naxçıvan Şəhər və Babək Rayon Dövlət Yanğın Təhlükəsizliyi şöbələrinin 6 müasirtipli yanğınsöndürmə texnikası, 35 nəfər şəxsi heyət cəlb olunub. Yanğınsöndürənlərin cəld və çevik fəaliyyəti nəticəsində yanğının qarşısı vaxtında alınıb, qonşu çənlərə keçməməsi üçün çənlərin soyudulması təmin edilib, yanğın ocağında xəsarət alanlara aeroportun səhiyyə məntəqəsi tərəfindən ilk tibbi yardım göstərilib və onların xəstəxanaya təxliyəsi təmin olunub.

Ardını oxu...

Naxçıvan Muxtar Respublikasında uğurla həyata keçirilən sosial­-iqtisadi siyasət əhalinin həyat səviyyəsinin yüksəlməsinə xidmət edir.
“2016-2020-ci illərdə Naxçıvan Muxtar Respublikasında əhalinin məşğulluğunun artırılması üzrə Dövlət Proqramı” nın icrası muxtar respublikada yeni iş yerlərinin açılmasına, məşğulluq imkanlarının artırılmasına, əmək bazarının tələbinə uyğun peşə hazırlığının təşkilinə, ümumilikdə isə əhalinin sosial müdafiəsinin güclənməsinə səbəb olub. Sosial cəhətdən həssas əhali qruplarının məşğulluğu da diqqətdə saxlanılıb, qadınların və gənclərin özünüməşğulluğunu təmin etmək üçün bir sıra sosial layihələr həyata keçirilib, işaxtaranlar peşə kursları, ictimai işlər, habelə vakansiyalar barədə məlumatlandırılıb, yeni iş yerlərinin yaradılması üçün sahibkarlığın inkişafına dövlət dəstəyi davam etdirilib.
Azərbaycan Respublikası Prezidentinin “Əhalinin özünüməşğulluğunun təmin olunması sahəsində əlavə tədbirlər haqqında” 2016-cı il 7 aprel tarixli Sərəncamı bu baxımdan mühüm əhəmiyyətə malikdir. Özünüməşğulluq əməkqabiliyyətli şəxslərin müstəqil surətdə özünü işlə təmin etməsi kimi təsbit edilib. Sərəncamın icrası dövlət məşğulluq siyasətində keyfiyyətcə yeni bir mərhələ açmaqla özünüməşğulluq fəaliyyəti ilə işaxtaran şəxslərin ailə bizneslərini qurmalarına, əmək potensiallarının reallaşdırılması yolu ilə gəlirlərini artırmalarına, həmçinin kiçik və orta sahibkarlığın inkişafına töhfə verir. Bununla yanaşı, əmək bazarında rəqabət qabiliyyətinin artırılmasına da öz təsirini göstərir.

Ardını oxu...

Naxçıvan Muxtar Respublikası Dövlət Sosial Müdafiə Fondunun yerli orqanları tərəfindən cari ilin 6 ayı ərzində sığortaedənlər tərəfindən təqdim olunan müvafiq təsdiq­edici sənədlərə əsasən sığorta­olunanlara məcburi dövlət sosial sığortası üzrə ödəmələr aparılıb. Belə ki, muxtar respublika üzrə 4224 nəfər sığortaolunana fondun yerli orqanları tərəfindən məcburi dövlət sosial sığortası üzrə ödəmələr həyata keçirilib. Bunlardan 336 nəfər sığortaolunana əmək qabiliyyətinin müvəqqəti itirilməsinə, 586-na hamiləliyə və doğuma, 1909-na uşağın anadan olmasına, 1354 nəfər sığortaolunana isə uşağın üç yaşı tamam olanadək ona qulluq etməyə görə müavinət ödənilib. Eyni zamanda vəfat etmiş 39 nəfər sığortaolunanı dəfn etməyi öhdəsinə götürən şəxsə dəfn üçün müavinət ödənilib.
Məcburi dövlət sosial sığorta ödəmələri almaq hüququ olan sığortaolunanlara ödənilən müavinətlər üzrə vəsait sığortaedənlər tərəfindən təqdim olunmuş haqq- hesab cədvəllərindəki bank rekvizitlərinə uyğun olaraq “Naxçıvanbank” Açıq Səhmdar Cəmiyyəti ilə, eləcə də muxtar respublikada fəaliyyət göstərən digər banklar vasitəsilə onların plastik bankomat kartlarına və “Naxçıvanpoçt” Məhdud Məsuliyyətli Cəmiyyətinin yerli poçt bölmələri vasitəsilə ünvanlarında ödənilib.

Ardını oxu...

ARXİV

Sentyabr 2019
Be Ça Ç Ca C Ş B
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6

MÜƏLLİFLƏR

KEÇİDLƏR