15 Avqust 2018, Çərşənbə

 

  • 3-1.jpg
  • 3-2.jpg
  • 3-3.jpg
  • 3-4.jpg
  • 3-5.jpg
  • 3-6.jpg
  • 4-1.jpg
  • 4-2.jpg
  • 4-3.jpg
  • 4-4.jpg
  • 4-5.jpg
  • 4-6.jpg
  • 4-7.jpg
  • 4-8.jpg
  • 4-9.jpg
  • 4-10.jpg
  • 5-1.jpg
  • 5-2.jpg
  • 5-3.jpg
  • 5-4.jpg
  • 5-5.jpg
  • 5-6.jpg
  • 5-7.jpg
  • 5-8.jpg
  • 5-9.jpg
  • 5-10.jpg
  • 5-11.jpg
  • 5-12.jpg
  • 6-1.jpg
  • 6-2.jpg
  • 6-3.jpg
  • 6-4.jpg
  • 6-5.jpg
  • 6-6.jpg
  • 6-7.jpg
  • 6-8.jpg
  • 6-9.jpg
  • 6-10.jpg
  • 6-11.jpg
  • 6-12.jpg

 

ARXİV

Avqust 2018
Be Ça Ç Ca C Ş B
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

 

 

LİNKLƏR

 

 

Doğma diyarımız islami dəyərləri özündə qoruyub yaşadan türk-islam mədəniyyəti nümunələri, tarixi-dini abidələrlə zəngindir. Kəngərli rayonunun qədim yaşayış məskənlərindən olan Qarabağlar kəndi də əsrlərə şahidlik edən abidələri ilə özünə şöhrət qazanmış yurd yerlərimizdəndir. Burada hələ eramızdan əvvəl II-I minilliklərə aid edilən və bu günümüzə qədər qorunub yaşadılan qədim tikililər tariximizin izlərini özündə saxlayan daş kitabələrdir. Qarabağlar kəndindəki Pələng qayası dağının cənub ətəklərində yerləşən, əsrlərdən bəri insanların inanc yerinə, müqəddəs ziyarətgahına çevrilən belə tikililərdən biri də Asnı piridir. 

Burada olarkən kəndin ziyalı ağsaqqalarından Nahas Səfərovla söhbət zamanı dedi ki, Naxçıvan Muxtar Respublikası Ali Məclisi Sədrinin diqqət və qayğısı nəticəsində qədim diyarımızda tarixi abidələrin mühafizəsi və tədqiqi, maddi-mənəvi irsimizin qorunaraq gələcək nəsillərə çatdırılması istiqamətində əhəmiyyətli işlər görülüb. Qarabağlar kəndindəki orta əsrlərdən qalma digər memarlıq abidələri ilə birgə Asnı pirində də yenidənqurma işləri aparılıb. Əvvəllər pirin yахınlığındа möhrədən tikilmiş dördkünc fоrmаlı köhnə tikili hаzırdа mоnumеntаl quruluşa malik mеmаrlıq аbidəsilə əvəz olunub. Binanın künc divarları uca çıxıntılarla hörülərək milli naxışlarla bəzədilib. Burada zəvvarlar üçün mədəni-məişət şəraiti yaradılıb, həyətyanı sahədə geniş abadlıq işləri aparılıb, yaşıllıq zolaqları salınıb, oturacaqlar quraşdırılıb. Pirin yaxınlığında sıldırım qayaların arasından çıxan gursulu bulaq da insanların inanc yerinə çevrilib və хаlq tərəfindən müqəddəsləşdirilib.

Asnı pirinə, adətən, yenicə nikah bağlamış gənc ailələr ziyarətə gəlir, burada qurbanlar kəsirlər. Özləri ilə bulaq suyundan aparır, xeyir-bərəkətli və xoşbəxt gələcək diləyilə həmin sudan xəmir yoğurub çörək bişirirlər. Bulаğın ətrаfındаkı аğаclаr dа insanlar tərəfindən müqəddəs hеsаb еdilir, orada yabanı qaraçalı, həmərsin, yemişan kolları ilə bərabər, cır armud, alma, alça kimi meyvə ağacları bitib. Sonradan burada su arxı boyunca söyüd və iydə ağacları da əkilib.
Pirin içərisində оrtа əsrlərə аid iki qəbir, qəbirlərdəki sinə dаşlаrının üzərində isə ərəb əlifbаsı ilə yazılı kitаbələr vаrdır. Kitаbələrə əsаsən qəbir аbidələri XIV əsrə аid edilir. Lаkin pirin tаriхi Аzərbаycаn türklərinin dаğ, su və аğаc inаncı ilə bаğlı оlub dаhа qədim dövrə gedib çıxır.
Pirin tarixi haqqında da kənd ağsaqqallarının söhbətləri maraqlıdır. Nahas Səfərov deyir ki, bu pirlə bağlı хаlq аrаsındа əfsаnələr söylənilir. Əfsаnələrin birində dеyilir ki, Asnı dağındakı bulağın suyu Göyçə gölünün suları ilə əlaqədardır. Keçmiş vaxtlarda uzaq Göyçə mahalından gəlmiş bir tacir karvan ilə daşduz aparmaq üçün Qalaçıq şəhərindəki (indiki Qarabağlar kəndi) bazarda dayanmalı olur. O, bir şəxsin əlində özünün əvvəllər itirdiyi naxışlı əlağacını görərək tanıyır və sevincək on il əvvəl başına gəlmiş bir hadisəni xatırlayır. Bir zamanlar Göyçə gölündən qayıqla keçən zaman qəflətən yaranan tufan nəticəsində qayıq çevrilir və tacir sudan çətinliklə üzüb çıxır. O, hadisədən sonra suda batan mallarından çox, qaraağacdan yonulmuş naxışlı əlağacının suda batmasına heyifsilənir. Tacir əlağacını özününkü olduğunu sübut edib qalaçıqlı şəxsdən almaq üçün yivli baş hissəsini burub açır və içərisində gizlətdiyi qızıl sikkə­ləri yerə tökür. Camaat təəccüblənərək tacirin əlağacı ilə qızıllarını özünə qaytarır. Tacir isə halallıq kimi qızılların yarısını itmiş əlağacı­nı tapan şəxsə verərək onu haradan tapdığını soruşur. Ağacı tapan şəxs Allaha şükür edərək, əlağacını təpədəki Asnı bulağından tapdığını söyləyir. Həmin əhvalatı eşidən qalaçıqlılar (qarabağlarlılar) Asnı bulağını Allahın möcüzəsi kimi müqəddəs bilib, oranı ziyarətgaha çevirirlər. Tacir isə qalan qızılları xərcləyərək Asnı bulağında min baş erkək qurbanlıq quzu kəsdirməklə əhaliyə ehsan verir.
Yurdumuzun bütün bölgələrində özündə yerli türk ənənələrini saxlamaqla yanaşı, İslami xarakter daşıyan, türk-islam mədəniyyəti abidələrimiz, dini inanc yerlərimiz var. Onların hər biri xalqımızın etnik tarixinin, maddi və mənəvi dəyərlərinin, qədim dünyagörüşünün öyrənilməsində mühüm əhəmiyyət kəsb edir.
Ulularımızın fəlsəfi düşüncəsində dərin iz buraxmış bu inanclar əhalinin mənəvi həyatının tam mənzərəsini təsəvvür etməyə imkan verir. Xalqımızın bu mənəvi etiqadları göstərir ki, əsrlərin sınağından keçmiş belə qədim inanclarla bağlı olan adətlər xalqımız tərəfindən unudulmayıb, ulularımızdan qalan belə dəyərlər bu günədək qorunub saxlanılıb.

 Gülcamal TAHİROVA

QƏZETİN BUGÜNKÜ NÖMRƏSİ

2875109
Bu gün
Dünən
Bu həftə
Bu ay
Cəmi
245
4386
8798
61803
2875109

Submit to FacebookSubmit to Google PlusSubmit to Twitter