01 İyun 2020, Bazar ertəsi

Naxçıvan diyarının yetirdiyi – bitirdiyi yüzlərlə nemət vardır. Bu nemətlərin içərisində yabanı bitkilərin yeyilməli olanları dad-tamları, vitamin zənginliyi ilə dillərdə deyilir. Həmin bitkilərdən biri də göbələkdir. Elə ki, yaz gəldi, dağlar, düzlər yaşıllaşdı, bol nemətli yurdumuzda dadı damaqlarda qalan bitkilərimiz bir-bir torpağın altından boy qaldırıb, ötən yazdan bu yaza baharın gəlişini səbrsizliklə gözləyənlərin  həsrətinə son qoyurlar. Yemiliyi, qazayağısı, cacığı, yarpızı, bulaqotusu, baldırğanı, çaşırı  bir aləmdisə bu yerlərin, göbələyi tam başqa bir  aləmdir. Çünki hər yerdə təsadüf edilməyən, insanın qarşısına harada gəldi çıxmayan bu bitkini toplamaq üçün onu çox axtarmalı, aramalısan.  Göbələk yığımı ilə uzun illər məşğul olanların  qənaətinə görə  göbələkdən hazırlanan yeməklərin  dadı,  faydası onu tapıb dərərkən insana verdiyi zövqlə yarıbayarıdır.

Ardını oxu...

Qafqaz Müsəlmanları İdarəsinin (QMİ) Qazilar Şurası Ramazan ayının başlanması ilə bağlı fətva verib.

QMİ-dən verilən məlumata görə, fətvada deyilir ki, bu il ölkə ərazimizin üfüqündə Ay hilalının görünməsinə uyğun olaraq Ramazan ayının 1-i miladi təqvimlə 25 aprel 2020-ci ilə təsadüf edəcək. Ramazani-Şərifin başlanması ilə əlaqədar olaraq Qafqaz Müsəlmanları İdarəsinin Qazılar Şurası aşağıdakıları bəyan edir:

Ardını oxu...

Hər il aprelin 17-si Dünya Səhiyyə Təşkilatının və Dünya Hemofiliya Federasiyasının təşəbbüsü ilə Ümumdünya Hemofiliya Günü kimi qeyd edilir.

Həmin tarixin seçilməsi Dünya Hemofiliya Federasiyasını yaratmış Frenk Şnaybelin doğum günü ilə əlaqədardır. Onun təsis edilməsinin və qeyd olunmasının məqsədi qanın laxtalanması prosesinin pozulması ilə əlaqədar irsi xəstəlik olan hemofiliyadan əziyyət çəkən insanların hər gün üzləşdiyi problemlərə dünya ictimaiyyətinin, siyasətçilərin və səhiyyə işçilərinin diqqətini cəlb etmək, bu barədə onların məlumatını artırmaqdır.

Ardını oxu...

Həssas təbəqənin qorunmasına yönələn sosial tədbirlər sırasında əvvəlcə sosial ödənişlərin davamlılığının təmin olunması nəzərdə tutulur və Dövlət Sosial Müdafiə Fondunun 200 milyon manatlıq vəsaiti məhz bu istiqamətə yönəldilir. Digər tədbir 65 yaşdan yuxarı olan tənha ahıl insanlarımıza dəstək mexanizmidir. Bu çərçivədə 15 min tənha ahıl insanımız tam sosial xidmətə götürülüb və gündəlik əsasda sosial xidmətçilər tərəfindən onlara qulluq edilir.

Ardını oxu...


Naxçıvan Muxtar Respublikası Ali Məclisi Sədrinin tapşırığı ilə aztəminatlı, çoxuşaqlı, ahıl şəxslər və sosial qayğıya ehtiyacı olanlara ərzaq payı verilib.

Nazirliyin mətbuat xidmətindən verilən məlumata görə, dünyada pandemiya elan olunan virusun Naxçıvan Muxtar Respublikasında təsirlərinin azaldılması, əhalinin sağlamlığının və təhlükəsizliyinin qorunması istiqamətində tədbirlər davam etdirilir. Bu tədbirlərin davamı kimi, muxtar respublikada tənha yaşayan və yaşı 65-dən yuxarı olan ahıllar, o cümlədən sosial qayğıya ehtiyacı olan şəxslər müəyyən edilir və onlara evlərində zəruri xidmətlər göstərilir. Bu gün Culfa və Ordubad rayonlarında yaşayan 60 sosial qayğıya ehtiyacı olan ailəyə ərzaq payları verilib.
Sosial qayğıya ehtiyacı olan şəxslərə ərzaq paylarının verilməsi muxtar respublikanın digər rayonlarında da davam etdiriləcəkdir.
Xatırladaq ki, dünən Naxçıvan şəhərində 50 ailəyə ərzaq payı verilib.

ARXİV

İyun 2020
Be Ça Ç Ca C Ş B
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

MÜƏLLİFLƏR

KEÇİDLƏR