22 Yanvar 2020, Çərşənbə

Sağlamlıq insanın  həmişə can atdığı  və həyatı boyu istədiyi, hətta yaxınlarına, sevdiklərinə  arzuladığı  ən böyük səadətdir. Sağlam yaşamaq – sağlam düşünmək,  sağlam çalışmaq, sağlam mühit və sağlam gələcəkdir. Elə məhz buna görə də, muxtar respublikada əhalinin sağlamlığının qorunması və sosial  müdafiəsinin gücləndirilməsi dövlət siyasətinin əsasını təşkil edir. Bu gün insanlara  nümunəvi xidmətin göstərilməsi məqsədilə səhiyyə ocaqlarının tikilib istifadəyə verilməsi, onların maddi-texniki bazasının möhkəmləndirilməsi, hər şeydən əvvəl, əhalinin  sağlamlığının qorunması naminə edilir. 

Ardını oxu...

Naxçıvan Muxtar Respublikası Səhiyyə Nazirliyinin göndərişi əsasında noyabrın 25-dən feldşer və sürücülər üçün “Təcili və təxirəsalınmaz tibbi yardım” üzrə təkmilləşdirmə kurslarına start verilib. 

İlk mərhələdə muxtar respublikanın Culfa, Ordubad, Babək, Şahbuz və Kəngərli rayonlarının səhiyyə müəssisələrində və onların tabeliyində çalışan 21 nəfər, eləcə də Sədərək Gömrük İdarəsi Sədərək Gömrük Postunda çalışan 3 nəfər təcili tibbi yardım feldşer və sürücüləri olmaqla, 24 nəfər kurslarda iştirak edir. Onlar öz ixtisasları üzrə Naxçıvan Tibb Kollecində 18 iş günü nəzəri, Naxçıvan şəhərinin tibb müəssisələrinin təcili tibbi yardım şöbələrində isə praktik təcrübə keçirlər.
Təcrübə kursu həkim Əkrəm Məmmədli tərəfindən tədris olunur. Kursları bitirənlər imtahandan keçərək sertifikat alacaqlar.
Qeyd edək ki, tibb işçilərinin ixtisas səviyyəsinin artırılması muxtar respublikamızda diqqət mərkəzində saxlanılan məsələlərdəndir. Bu məqsədlə mütəmadi olaraq tibb işçiləri Bakı şəhəri, Türkiyə Respublikasının müxtəlif klinika və xəstəxanalarına kurslara göndərilir və digər tədbirlərdə iştirak edirlər. Son illər ayrı-ayrı ixtisas həkimlərinin, eləcə də orta tibb işçilərinin peşə bacarıqlarının yüksəldilməsi də belə tədbirlər sırasındadır.
Təkmilləşdirmə kurslarının keçirilməsi tibb müəssisələrində çalışan hər bir işçinin nəzəri və praktik biliyini artırır, ümumilikdə, səhiyyənin inkişafına şərait yaradır.

Naxçıvan Muxtar Respublikası Səhiyyə Nazirliyinin
mətbuat xidməti

Hər il dekabr ayının 1-i Ümumdünya QİÇS-lə Mübarizə Günü kimi qeyd edilir. QİÇS-lə Mübarizə Gününün məqsədi dünya ictimaiyyətinin diqqətini bu problemin həllinə cəlb etməkdən, insanları maarifləndirməkdən ibarətdir.
Qazanılmış immunçatışmazlığı sindromu (QİÇS-SPİD) eyniadlı virus – insanın immunçatışmazlığı virusu (İİV) tərəfindən törədilən ən təhlükəli infeksion xəstəliklərdəndir.
Narkomaniya, qeyri-sağlam həyat tərzi, antisanitariya QİÇS-in yaranma və yayılmasının əsas səbəblərindəndir. Bundan başqa, yoxlanmamış donor qanın köçürülməsi zamanı birdəfəlik şprislərin təkrar istifadəsi, steril olmayan tibbi alətlər, döymə, qulaq və bədənin digər üzvlərinin deşilməsi, manikür, gigiyenik tələblərə cavab verməyən əşyalardan istifadə və başqa amillər də yoluxmaya gətirib çıxara bilər.

Ardını oxu...

Naxçıvan Muxtar Respublikası Səhiyyə Nazirliyi əhalinin sağlamlığının qorunması və tibbi xidmətin səviyyəsinin yüksəldilməsi istiqamətində fəaliyyətini oktyabr ayında da davam etdirmiş, ixtisaslı kadrların hazırlanması, yoluxucu xəstəliklərin profilaktikası, ilkin səhiyyə xidmətinin yeni tələblərə uyğunlaşdırılması diqqət mərkəzində saxlanılmışdır.
Ötən ay muxtar respublikanın səhiyyə sistemində kadrların bilik və bacarıqlarının artırılması vacib məsələ kimi diqqətdə saxlanılmış, həkim, rezident və orta tibb işçiləri Türkiyə Respublikasında və Bakı şəhərində kurslara göndərilmiş, həmçinin Naxçıvan Dövlət Universitetinin Tibb fakültəsinin 27, Naxçıvan Tibb Kollecinin isə 140 tələbəsi tibb müəssisələrinə hamiliyə verilmişdir. 81 həkim sertifikasiya imtahanında iştirak etmiş, 75-i uğurlu nəticə qazanmışdır.

Ardını oxu...

Naxçıvan Dövlət Universitetində Tibb fakültəsinin 20 illik yubileyi münasibətilə keçirilən tədbiri giriş sözü ilə açan universitetin rektoru, AMEA-nın müxbir üzvü Saleh Məhərrəmov fakültənin uğurlu fəaliyyətini muxtar respublikada əsası ümummilli lider Heydər Əliyev tərəfindən qoyulan təhsil və səhiyyə siyasətinin bəhrəsi olduğunu vurğulayıb. Rektor 2019-cu il 14 iyun tarixdə Qurtuluş Günü münasibətilə Tibb fakültəsinin yeni tədris kompleksinin istifadəyə verilməsini, ali təhsil ocağındakı xəstəxanada müasir tədris şəraitinin yaradılmasını fakültənin 20 illiyinə töhfə kimi dəyərləndirib. 

Ardını oxu...

ARXİV

Yanvar 2019
Be Ça Ç Ca C Ş B
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

MÜƏLLİFLƏR

KEÇİDLƏR