29 May 2020, Cümə

Britaniyalı televiziya tamaşaçıları “Eurovision” müsabiqəsi tarixində ən gözəl mahnının adını müəyyən ediblər.

Qalibin adı koronavirus pandemiyası səbəbindən ləğv olunan müsabiqənin yayımının əvəzində ekranlara çıxan “Eurovision: Come Together” proqramının efirində açıqlanıb.

Səsvermənin nəticələrinə əsasən, ABBA qrupunun “Waterloo” kompozisiyası müsabiqə tarixində ən yaxşı mahnı seçilib. İsveç qrupu bu mahnını 1974-cü ildə İngiltərənin Brayton şəhərində keçirilən Eurovision müsabiqəsində ifa etmişdi.

Kompozisiya ekranlara çıxdığı andan etibarən müxtəlif ölkələrin hit-paradlarında ilk yerləri tutmuş, bütün dünyada 6 milyon nüsxə ilə yayılmışdı.

“Eurovision-2020” mahnı müsabiqəsi may ayının ortalarında Roterdam şəhərində keçirilməli idi. Lakin Avropa Yayım Şurası koronavirus pandemiyası səbəbindən müsabiqəni ləğv edib və təşkilatçılar onun əvəzində online-şou keçirib.

ARXİV

May 2020
Be Ça Ç Ca C Ş B
27 28 29 30 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

MÜƏLLİFLƏR

KEÇİDLƏR