16 Sentyabr 2021, Cümə axşamı

Naxçıvan şəhər Afiyyədin Cəlilov adına 12 saylı tam orta məktəbdə bilik günü ilə bağlı keçirilən tədbiri giriş sözü ilə Naxçıvan şəhər İcra Hakimiyyətinin başçısı Mirsənani Seyidov açaraq bildirib ki, bu gün muxtar respublikamızda digər sahələrlə yanaşı, təhsil sahəsi də Ali Məclisin Sədri cənab Vasif Talıbov tərəfindən diqqət və qayğı ilə əhatə olunub, təhsil müəssisələri yeni avadanlıqlarla təchiz edilib, müəllimlərin iş şəraiti yaxşılaşdırılıb. Sözsüz ki, muxtar republikamızda təhsil sisteminin müasir tələblər səviyyəsində qurulmasının əsasında məqsədyönlü və düşünülmüş dövləti siyasəti dayanır. Yeni inşa olunan hər bir məktəb binası, yaradılan müasir təhsil şəraiti savadlı və vətənpərvər gəncliyin yetişdirilməsinə xidmət edir.

Ardını oxu...

Azərbaycan Dövlət Himninin səsləndirilməsi ilə başlayan tədbiri giriş sözü ilə universitetin rektoru Elbrus İsayev açaraq professor-müəllim heyətini və tələbələri təbrik edib, yeni dərs ilində hər kəsə elmi nailiyyətlər azru edib.Bildirilib ki, Azərbaycan Respublikasının Prezidenti İlham Əliyevin 2004-cü il 21 avqust tarixli Fərmanına əsasən sentyabrın 15-i ölkəmizdə “Bilik günü” kimi qeyd olunur. Rektor diqqətə çatdırıb ki, bu il də universitetdə elmin, biliyin təntənəsi kimi qeyd olunan əlamətdar Bilik gün yüksək əhval-ruhiyyə ilə qarşılanıb. Vurğulanıb ki, 2020-2021-ci tədris ili universitet tarixində bir çox uğurlarla yadda qaldı, yeni tədris ilində isə qarşıda daha böyük işlər dayanır.  Rektor qeyd edib ki, muxtar respublikada təhsilə göstərilən yüksək dövlət qayğısının nəticəsində universitetin maddi-texniki bazası hər il gücləndirilir, yeni tədris korpusları istifadəyə verilir və ali təhsil ocağının beynəlxalq əlaqələri genişləndirilir.Naxçıvan Muxtar Respublikası Ali Məclisinin Sədrinin 2020-ci il dekabrın 14-də “Naxçıvan Dövlət Universitetində Texnologiyalar Parkının yaradılması haqqında” imzaladığı Sərəncama əsasən bu il iyunun 16-da Texnoparın təməli qoyulub. Bu da muxtar respublikada təhsil sahəsində həyata keçirilən tənzimləmələrin və bu sahədəki islahatların sosial və məntiqi davamı olaraq da çox əlamətdardır.Həmçinin rektor universitet ərazisini bütünülüklə əhatə edən abadlıq-quruculuq, təmir-bərpa işlərindən danışıb, universitet rektorluğunun tikisinin başlandığına diqqəti çəkib. Elbrus İsayev vurğulayıb ki, Musiqi Kollecinin universitetin tabeliyinə verilməsi də peşəkar musiqiçi kadrların yetişməsinə zəmin yaradacaq. Bundan başqa ali təhsil ocağının beynəlxalq əlaqələrinin genişləndirilməsi diqqətə saxlanılaraq ikili diplom layihələrinə start verilməsi bu sahədə atılan uğurlu addımlardandır- deyə rektor qeyd edib. Bilidirlib ki, bu il universitet beynəlxalq reytinq cədvəlində irəliləyib və dünyanın ən yaxşı universitetləri sırasına daxil olub.Bu da professor-müəllim heyətinin nüfuzlu elmi nəşrlərinin sayının artması və tələbələrin yüksək nailiyyətlər əldə etməsi ilə əlaqəldardır.

Ardını oxu...

Dərs ilinin başlanması ərəfəsində həmişə xəyallarım qeyri-ixtiyari olaraq məni ötən əsrin 90-cı illərinə aparır. Anamın cehiz sandığından çıxardığı parçadan mənim üçün öz əlləriylə əzizləyə-əzizləyə tikdiyi ətəyi, dayımın “uriset”dən aldığı ağ köynəyi geyinib güzgünün qarşısında dəqiqələrlə dayanıb özümü böyük sevinclə süzməkdən zövq alırdım sanki. Atamın aldığı rəngli qələmləri, kitab-dəftəri məktəbli çantama dəfələrlə götür-qoy etmişdim. Axşamdan ütülənib dolabdan asılan məktəb üçün geyinəcəyim paltarı gördükcə qəlbimi qeyri-adi sevinc, həyəcan bürüyürdü. Sabahı iplə çəkirdim, çünki sabahdan mən də məktəbli olacaqdım. Və nəhayət, səbirsizliklə gözlədiyim həmin sabah açıldı. Lap erkəndən oyanıb əl-üzümü yumadan, hələ heç kim oyanmadan dolabdan asılan paltarımı geyindim, çantamı götürüb, məni məktəbə aparsınlar deyə, ana-atamı yuxudan oyatdım. İlk müəllimim üçün həyətimizdən axşamdan dərilib, solmasın deyə, suya qoyulmuş gülləri də götürüb, atamla anamın əlindən tutub yollandıq məktəbə. Evdən məktəbə qədər uzanan yol boyunca mənim kimi məktəbə gedən uşaqların əllərindəki gül dəstələri göz oxşayırdı. Biz o zamanlar Ordubadın ucqar dağ kəndi olan Bistdə yaşayırdıq. Balaca kənd olduğu üçün, demək olar ki, hər kəs bir-birini tanıyırdı. Qarşımıza çıxanlar biz məktəbliləri təbrik edir, uğurlar arzulayırdılar. Çox sevinirdim, deyəsən, diqqət mərkəzində olmaq xoşuma gəlmişdi o gün. Məktəbin həyətinə daxil olanda bir anlıq həyəcan bütün bədənimi sardı. Ancaq xoşbəxt idim, axı o gündən artıq məktəbli olmuşdum.

Ardını oxu...

15 sentyabr Bilik Günüdür

Azərbaycan Respublikasının Prezidenti cənab İlham Əliyevin 2004-cü il 21 avqust tarixli Fərmanı ilə hər il sentyabrın 15-i ölkəmizdə Bilik Günü kimi qeyd olunur.

Ardını oxu...

AMEA Naxçıvan Bölməsində muxtar respublika ərazisində aparılan arxeoloji ekspedisiyaların yekunlarına həsr olunmuş tədbir keçirilib.
Tədbiri giriş sözü ilə açan bölmənin sədri, akademik İsmayıl Hacıyev bildirib ki, cari ildə AMEA-nın Arxeologiya və Etnoqrafiya İnstitutu, Naxçıvan Bölməsi əməkdaşlarının və Fransadan gəlmiş arxeoloqların iştirakı ilə biri beynəlxalq olmaqla, iki arxeoloji ekspedisiya həyata keçirilib. Azərbaycan-Fransa beynəlxalq arxeoloji ekspedisiyası Uçan Ağıl yaşayış yerində 2015-ci ildən başlayaraq AMEA-nın müxbir üzvü Vəli Baxşəliyev və dosent Catherine Marronun rəhbərliyi ilə arxeoloji araşdırmalara başlayıb. Xaraba Gilan arxeoloji ekspedisiyası isə 2004-cü ildən tədqiqat aparır. Akademik hər iki ekspedisiyanın Naxçıvan Muxtar Respublikası ərazisindəki qədim yaşayış yerlərinin öyrənilməsində, Naxçıvanın tarix və mədəniyyəti ilə bağlı bir sıra əhəmiyyətli faktların aşkara çıxarılmasındakı mühüm rolundan bəhs edib.

Ardını oxu...

Dünən Naxçıvan Muxtar Respublikasının Təhsil, Əmək və Əhalinin Sosial Müdafiəsi nazirliklərinin və Ailə, Qadın və Uşaq Problemləri üzrə Dövlət Komitəsinin birgə təşkilatçılığı ilə 15 sentyabr – Bilik Günü münasibətilə aztəminatlı, valideynlərini itirmiş, sağlamlıq imkanları məhdud və şəhid uşaqlarına məktəbli forması və dərs ləvazimatları verilib.
Tədbirdə Təhsil naziri Rəhman Məmmədov çıxış edərək bildirib ki, muxtar respublikamızda bütün qəbildən olan uşaqlar hər cür dövlət qayğısı ilə əhatə olunur, onların sağlam böyümələri, biliklərə yiyələnmələri, intellektual inkişafı, milli-mənəvi dəyərlərə sadiq, vətənpərvər gənc kimi formalaşması diqqət mərkəzində saxlanılır.

Ardını oxu...

Naxçıvan Dövlət Universiteti 1967-ci ildə Azərbaycan Dövlət Pedaqoji İnstitutunun Naxçıvan filialı kimi fəaliyyətə başlayıb, 1972-ci ildə bu filialın bazasında Naxçıvan Dövlət Pedaqoji İnstitutuna, 1990-cı ildə isə Naxçıvan Dövlət Universitetinə çevrilib. Bununla da Naxçıvan filialı muxtar respublikada gələcək ali məktəbin təməl daşını qoymaqla, burada yüksəkixtisaslı kadrların yetişdirilməsinə, bütövlükdə, regionun tərəqqisinə öz müsbət təsirini göstərib.

Ardını oxu...

Yeni dərs ilinin başlanmasına sayılı günlər qalıb. Hər ilin bu günlərində şagirdlərin məktəb hazırlığı başlayır. Artıq övladlarını məktəbə yola salmağa hazırlaşan valideynlər məktəbli ləvazimatları almaq üçün yarmarkalara üz tuturlar.

Ardını oxu...

NDU 1967-ci ildə Azərbaycan Dövlət Pedaqoji İnstitutunun Naxçıvan filialı kimi fəaliyyətə başlayıb, 1972-ci ildə bu filialın bazasında Naxçıvan Dövlət Pedaqoji İnstitutuna, 1990-cı ildə isə Naxçıvan Dövlət Universitetinə çevrilib. Bununla da Naxçıvan filialı gələcək ali məktəbin təməl daşını qoymaqla muxtar respublikanın ilk ali təhsil ocağı kimi burada yüksəkixtisaslı kadrların yetişdirilməsinə, bütövlükdə regionun tərəqqisinə öz müsbət təsirini göstərib. 

Bu fikirləri ADPU-nun 100 illik yubileyi münasibətilə Naxçıvan Dövlət Universitetində keçirilən tədbirdə rektor Elbrus İsayev  səsləndirib. Rektor universitetin professor-müəllim və tələbə heyətini Azərbaycan Dövlət Pedaqoji Universitetinin 100 illik yubileyi münasibətilə təbrik edib, müstəqil Azərbaycanın inkişafı yolunda apardıqları məsuliyyətli işlərdə yeni-yeni nailiyyətlər arzulayıb. 

Ardını oxu...

Göz dəyməsin bu məktəbə


Respublikanın əvvəlki rəhbərləri məktəblərin kompüterləşdirilməsi barədə ağızdolusu danışanda onların yerinə mən xəcalət çəkirdim. Soruşa bilərsiniz ki, niyə, nəyə görə, məgər kompüterləşmə pisdir? Xeyr, heç kəs onun əleyhinə ola bilməz. İnkişaf etmiş xarici ölkə­lərdə də bu sistem geniş yayılıb. Deyə bilərsiniz ki, bəs onda xəcalətli olmağınızın səbəbi nədir? Əgər yolunuz Babək rayonunun Məzrə kəndindəki səkkizillik məktəbə düşsə, onda şahid olarsınız ki, bu və bunun kimi təhsil ocaqlarında kompüterləşmədən danışmaq ağlasığmaz bir işdir. Soruşa bilərsiniz ki, yəqin məktəbin pedaqoji kollektivi pis işləyir? Xeyr, belə deyil. İnsaf naminə deyək ki, müəllimlər zəhmətkeş balalarının təlim-tərbiyəsinə qayğı ilə yanaşırlar...

Ardını oxu...

Bu gün muxtar respublikamızdan təhsil quruculuğu, təhsilin müasir tələblər səviyyəsində inkişafı sahəsində aparılan uğurlu siyasətin nəticəsidir ki, diyarımızda müasir təhsil infrastrukturu yaradılıb və bu sahədə qazanılan uğurlar ildən-ilə artır. Biz bu uğurları hər il qəbul imtahanlarında yüksək ballar toplayaraq ölkəmizin ali təhsil müəssisələrinə qəbul olunan gənclərimizin timsalında aydın görürük. Builki qəbul imtahanlarında da muxtar respublikamızdan yüksək bal toplayaraq müvafiq ixtisaslar üzrə ali təhsil müəssisələrinə qəbul olunmuş tələbələrin sayında artım müşahidə olunub. Biz də tələbə adını qazanan gənclərimizdən ikisi ilə həmsöhbət olduq :

Vüsalə Fərzəliyeva 2003-cü ildə Naxçıvan şəhərində anadan olub və hazırda da burada yaşayır. Ali məktəblərə qəbul imtahanında III qrup üzrə 622 bal toplayan Vüsalə ilə söhbət zamanı bildirdi ki, Naxçıvan şəhər 7 nömrəli tam orta məktəbin məzunu olub: – Orta məktəbi əla qiymətlərlə oxumuşam və fərqlənmə attestatı ilə bitirmişəm. Naxçıvan şəhərində keçirilən Azərbaycan dili və ədəbiyyat fənni üzrə olimpiadada iştirak etmişəm, həmçinin intellektual yarışmalarda yer tutmuşam. Boş vaxtlarımda tennis oynamağı, rəsm və musiqi ilə məşğul olmağı sevirəm. Qəbul imtahanlarında yüksək nəticə göstərməyi qarşıma məqsəd qoyub, çox çalışmışam. İnanırdım ki, yüksək bal toplayacağam. Bu nəticəni göstərməyimdə müəllimlərimin də əməyi böyükdür. Onlara minnətdarlığımı bildirirəm. Artıq tələbəyəm və Naxçıvan Dövlət Universitetində Hüquqşünaslıq ixtisası üzrə təhsilimi davam etdirəcəyəm. Universitetlər haqqında məlumat toplayarkən mənə aydın oldu ki, ölkəmizin ali təhsil müəssisələri içərisində Naxçıvan Dövlət Universiteti xüsusi yer tutur. Burada gələcəyin hüquqşünaslarının muxtar respublikada fəaliyyət göstərən məhkəmələr və hüquq-mühafizə orqanlarında istehsalat təcrübəsi keçmələrinə şərait yaradılır. Bununla da təhsil alan tələbələr nəzəri və təcrübi biliklərə yiyələnir, yüksək peşə keyfiyyətlərinə malik ixtisaslı hüquqşünas kadrlar kimi yetişirlər. Ona görə də seçimim Naxçıvan Dövlət Universiteti oldu. Gələcəkdə ixtisasım üzrə təhsil alıb, peşə borcunu layiqincə yerinə yetirəcəyəm.

Ardını oxu...

Sentyabrın 7-də Naxçıvan Muxtar Respublikası təhsil işçilərinin konfransı keçirilib. Konfransda muxtar respublikanın təhsil müəssisələrinin rəhbərləri, nazirliyin əməkdaşları, qabaqcıl müəllimlər iştirak ediblər.

Ardını oxu...

Ölkəmizdə, eləcə də onun ayrılmaz hissəsi olan muxtar respublikamızda təhsilə göstərilən diqqət onun dinamik inkişafını təmin etməklə yanaşı, həm də gənclərimizin gələcək uğurlarının ən gözəl təminatçısıdır. Yurdumuzun bütün yaşayış məntəqələrində gənclərin inkişafı üçün təhsil sisteminin dövrün tələblərinə uyğun qurulması, formalaşması yüksək təhsil strategiyasının uğurlu inkişafından xəbər verir. Belə ki, lazımi avadanlıqlarla təchiz edilmiş yaraşıqlı məktəb binalarında ən müasir tədris resurslarının, informasiya və kommunikasiya texnologiyalarının istifadəyə verilməsi, o cümlədən ayrı-ayrı sahələr və fənlər üzrə yeni standartların tətbiq olunması ilbəil artan uğurlarla, ölkəmizə müsbət nəticələr qazandırmaqda davam edir. Bu mənada, bu il də məzunlarımızın əldə etdiyi uğurlar xeyli sevindiricidir. Aldığımız məlumata görə, Babək rayonu üzrə 6 nəfər məktəbli 600 baldan yuxarı nəticə göstərməklə tələbə adını qazanaraq ən ülvi arzularını gerçəkləşdiriblər. Biz də öz uğurları ilə seçilən həmin gənclərin bir neçəsi ilə həmsöhbət olub, onları oxucularımızla tanış etmək istədik. 

İlk həmsöhbətimiz ikinci ixtisas qrupu üzrə keçirilən qəbul imtahanlarında 658 bal toplamaqla rayonun ən yüksək nəticə qazanan məzunu Cəfər Səfərli oldu. Yarımca kəndində zəhmətkeş bir ailədə dünyaya göz açan Cəfər deyir ki, yüksək nəticə əldə edib, tələbə adını qazandıqdan sonra çəkdiyin zəhmətə görə hədsiz sevinirsən. Hər dəfə valideynlərinin, müəllimlərinin timsalındakı sevinci gördükcə sənin xoşbəxtliyin daha da artır. Zəhmət çəkmədən, gecəni gündüzə qatmadan uğur qazanmaq mümkün deyil. Bəziləri yüksək nəticəni şansa, bəziləri imtahanların sadə təşkil edilməsinə bağlayır, amma mən bu fikirlərin heç biri ilə razılaşmıram. Ona görə ki, 11 ildir, təhsil aldığım məktəbdə nümunəvi şagird olmağa, hər zaman rayonumuzun, şəhərimizin adını uca tutmağa çalışmışam. Hələ məktəbdə oxuduğum vaxtlardan, 9-cu sinifdən etibarən fənn olimpiadalarına qatılır, müsabiqələrdə iştirak edirdim, tək məqsədim isə birincilik qazanmaq idi. Gələcək məqsədim də Vətənimə, xalqıma xidmət etməkdir. Bu yolda səylə, səbirlə, inamla çalışıram. İxtisas seçimimdə də topladığım nəticəyə uyğun olaraq Azərbaycan Dövlət İqtisad Universitetinin Maliyyə ixtisasını seçdim. Bakalavr təhsilimi başa vurduqdan sonra xaricdə magistr pilləsində təhsilimi davam etdirməyi düşünürəm.

Ardını oxu...

Altıncı çağırış Naxçıvan Muxtar Respublikası Ali Məclisinin beşinci sessiyasında rabitə və internet xidmətlərinin keyfiyyətinin daha da yüksəldilməsi, internet verilişində qırılmaların qarşısının alınmasına dair qarşıya qoyulmuş vəzifələrin icrası ilə bağlı 23 avqustdan etibarən Naxçıvan Muxtar Respublikası Rabitə və Yeni Texnologiyalar Nazirliyi tərəfindən muxtar respublikada monitorinqlərin keçirilməsinə başlanılmışdır. Monitorinqlər hazırda Şərur rayonunun kəndlərində davam etdirilir.

Ardını oxu...

Naxçıvan Muxtar Respublikası Təhsil Nazirliyində Dövlət İmtahan Mərkəzi tərəfindən keçirilmiş imtahanlarda müvafiq keçid balını toplayaraq işə qəbul edilən gənc kadrlarla görüş keçirilmişdir.
Tədbiri giriş sözü ilə açan təhsil naziri Rəhman Məmmədov muxtar respublikada aparılan təhsil siyasətinin uğurlarından danışmışdır. Bildirilmişdir ki, müəllimlərin peşəkarlıq səviyyəsinin yüksəldilməsi sahəsində də zəruri tədbirlər həyata keçirilib. Ümumtəhsil müəssisələrinin pedaqoji heyəti üçün sistemli təlimlər təşkil edilib. 2021-ci ilin yanvar ayından isə Naxçıvan Muxtar Respublikasının dövlət ümumi təhsil müəssisələrində işləyən müəllimlərin sertifikasiyası aparılmışdır.

Ardını oxu...

Bu gün muxtar respublikamızda təhsilin inkişafına dövlətimiz xüsusi diqqət və qayğı göstərir. Bunun ifadəsidir ki, diyarımızda təhsilin bütün pillələri təmin edilib, gənc nəsil üçün müasir tədris şəraiti yaradılıb. Belə şəraitin nəticəsi olaraq isə vətənpərvər, təhsilli və peşə sahibi olan gənclər yetişdirilir.

Builki qəbul imtahanlarında I ixtisas qrupu üzrə 656 bal toplayan Naxçıvan şəhər 11 nömrəli tam orta məktəbin məzunu Ruhan Fərəcov onlardan biridir. Ruhan deyir ki, qarşına məqsəd qoymalı və bu məqsədə çatmaq üçün çox çalışmalısan. Mən də belə etdim, çox çalışdım və istəyimə nail oldum. Təhsilimi davam etdirmək üçün əvvəlcədən qəbul olmaq istədiyim Bakı Ali Neft Məktəbini seçdim. Gələcəkdə burada ali təhsil ala bilmək üçün çox çalışmağın gərəkliyini bilirdim. Ona görə də vaxtlı-vaxtında dərslərimi oxudum. Hər gün 6-7 saat dərslərimlə məşğul olurdum. İlk sınağımda nəticəm yüksək olsa da, məni tam qane etməmişdi. Bacarıqlarıma əmin idim, ona görə düşünürdüm ki, hələ kifayət qədər zəhmət çəkməmişəm. Dərslərimə daha çox vaxt ayırmağa başladım. Hətta istirahət vaxtlarımı da dərslərə həsr etdim. Nəticəsi uğurlu oldu – yüksək nəticəni əldə edə bildim. İstedadla yanaşı, əziyyət çəkməyin, səbirli, iradəli və yalnız məqsədə doğru irəliləməyin vacib olduğunu öncədən bilirdim. Müəllimlərimin və valideynlərimin mənə göstərdiyi diqqət və qayğını heç vaxt unutmayacağam.

Ardını oxu...

Dövlət orqanlarında vakant dövlət qulluğu vəzifələrinin tutulması üçün elan edilmiş müsabiqənin müsahibə mərhələsi başlayıb. Müsahibəyə hazırlıq məqsədilə avqustun 27-də Dövlət İmtahan Mərkəzində 13 müstəqil ekspert və 12 dövlət orqanını təmsil edən 15 nümayəndənin iştirakı ilə seminar keçirilib.
Müsahibədə ilk olaraq Naxçıvan Muxtar Respublikası Dövlət Sosial Müdafiə Fondunda işləmək istəyən namizədlər iştirak ediblər.
Müsahibə qrupunun tərkibinə müstəqil ekspertlər, mərkəzin və dövlət orqanlarının nümayəndələri daxildir. Müsahibə zamanı namizədlərə ixtisasına, iddia etdiyi vəzifənin qulluq funksiyasına, peşə hazırlığına və dünyagörüşünə uyğun suallar verilir.

Ardını oxu...

Yeni tədris ili ərəfəsində müəllim və şagirdlərin məktəbli ləvazimatlarına olan ehtiyaclarını daha asan, rahat və çevik şəkildə təmin etmək məqsədilə dünən Naxçıvan şəhərindəki Mərkəzi bazarda Naxçıvan Şəhər İcra Hakimiyyətinin, Naxçıvan Muxtar Respublikası Təhsil və İqtisadiyyat nazirliklərinin təşkilatçılığı ilə ənənəvi məktəbli yarmarkası təşkil olunub.
Yarmarkanın açılış mərasimində Naxçıvan Şəhər İcra Hakimiyyətinin başçısı Mirsənani Seyidov çıxış edərək bildirib ki, ənənəvi olaraq təşkil edilən məktəbli yarmarkaları muxtar respublikada digər sahələr kimi təhsilin də inkişafına göstərilən diqqət və qayğının bariz nümunəsidir.

Ardını oxu...

İnsanın zəhməti ilə ərsəyə gələn iş hər zaman sevinc doğurur. Çəkilən zəhmətlər içərisində biri də var ki, onun bəhrəsi üçün 11 il dayanmadan çalışmalı olursan. Bu zəhmət müəllim əməyidir. Onun ən gözəl bəhrəsi isə qəbul imtahanlarında göstərilən nəticələrdir. Bu gün şahbuzlu şagirdlər də bu imtahanlarda yüksək nəticə göstərərək öz müəllimlərinə, valideynlərinə qürur qaynağı olub, başucalığı gətiriblər. Belə ki, 2020-2021-ci tədris ilində rayonda orta ümumtəhsil məktəblərini bitirən 144 məzundan 137 nəfəri ali məktəb tələbəsi olmaq üçün sənəd qəbulunda iştirak edib. Ali məktəblərə qəbul imtahanlarının nəticələrinə əsasən rayonun məzunlarından 21 nəfəri 500-700 intervalında bal toplayaraq müəllimlərini və valideynlərini sevindirib. Topladıqları ballarla bütün Şahbuz rayonuna başucalığı gətirən, 11 il çəkilən zəhmətin bəhrəsi olaraq tələbə adını qazanan bir neçə məzun haqqında oxucularımıza məlumat vermək istəyirəm.

Sərcan Məsmalıyev: – Mən 2021-ci ildə Keçili kənd tam orta məktəbini bitirmişəm. I ixtisası qrup üzrə ali məktəbə qəbul imtahanlarında 667,3 bal toplamışam. Orta məktəbdə oxuduğum illərdə həmişə təhsildə diqqət və qayğı görmüşəm. Bizim kəndimiz kimi bütün ucqar kəndlərdə tikilib istifadəyə verilən yaraşıqlı, müasir standartlara cavab verən məktəb binaları məhz bunun bariz nümunəsidir. Biz şagirdlər də bu qayğıya cavab olaraq yaxşı oxumalı və bugünkü nəticələrə nail olmalı idik. Sevinirəm ki, belə də oldu. Bundan sonra təhsilimi Bakı Ali Neft Məktəbində davam etdirib Vətənimə layiqli övlad olmaqla yanaşı, rayonumuzun adını orada da uca tutmağa çalışacağam.

Ardını oxu...

Elm və təhsilin cəmiyyətin bütün tarixi inkişaf mərhələlərində rolu əvəzsizdir. Məhz qazanılmış elmi biliklər və onların gənc nəslə ötürülməsi nəticəsində bəşəriyyət bugünkü mədəni inkişafa nail olub. Elmi fikirlərin, araşdırmaların beşiyi olmuş universitetlər isə bu mənada, yüzillərboyu mühüm bir təkamül yolu keçmiş və bu gün dünyəvi inkişafa hərtərəfli töhfə verməkdədir.

Qədim Naxçıvan özünün elm və təhsil ənənələri ilə Şərqin seçilən mərkəzlərindən olub. Hələ İslam mədəniyyətinin çiçəkləndiyi erkən orta əsrlərdən bəri naxçıvanlı elm və mədəniyyət xadimlərinin fikir və düşüncələri insanların yoluna işıq tutub, indiki nəsillərə qədər gəlib çatan qiymətli xəzinəyə çevrilib. Bu gün də Naxçıvan sahib olduğu potensialla Azərbaycan elm və təhsil məkanında öz sözünü deyən intellekt təbəqəsinə malikdir. Universitetlər başda olmaqla, Naxçıvanda fəaliyyət göstərən elm və təhsil ocaqları dövlətin ən yüksək səviyyədə onlara göstərdiyi dəstəklə bu gün inkişafının zirvə çağını yaşayır.

Ardını oxu...

Əməksevər bağban üçün barverən ağac necə qiymətlidirsə, elmi, təhsili, nailiyyətləri ilə başucalığı gətirən övlad da valideyn üçün o qədər dəyərli və qürurvericidir. Bu mənada, böyük filosoflar da əbəs yerə elmsiz adamı meyvəsiz ağaca bənzətmirlər. Bəli, uşaq dünyaya göz açandan bəri hər əziyyətinə qatlaşan, üzərində, sözün yaxşı mənasında, “yarpaq kimi titrəyən” valideyn üçün dünyada ən gözəl hədiyyə övladının qazandığı uğurlardır. Təbii ki, uğurlu gələcəyin möhkəm təməli təhsildən asılıdır. Məhz buna görədir ki, övladının gələcəyi üçün məsuliyyət hissi keçirən qayğıkeş ata və ana ona verəcəyi ən böyük hədiyyənin təhsil olduğunu düşünür. Çünki müasir dövrdə yalnız təhsilli, savadlı insan həyatda özünə üstün mövqe tutur, gələcəyi haqqında planlar quraraq istəyinə çatmağı bacarır. Əsrlərdir, dillərdə aforizmə çevrilən, böyük şairimiz Nizami Gəncəvinin “Qüvvət elmdədir, başqa cür heç kəs, heç kəsə üstünlük eyləyə bilməz” kəlamı da hər birimizə cəmiyyətdə elmin, təhsilin, savadın hər şeydən üstün olduğunu aşılayır, insanları elm dəryasına baş vurmağa, onun incəliklərinə yiyələnməyə, sənətin, peşənin kamil bilicisi olmağa səsləyir. Müasir dövrümüzdə elm və texnologiyanın günbəgün yeniləşdiyini nəzərə alanda elmli, təhsilli yetişməyin, böyük mənada, önəmli olduğu daha qabarıq şəkildə ortaya çıxır...

Muxtar respublikamızda da gənclərin elmə, təhsilə, müxtəlif sənət, peşə sahələrinə yiyələnmələri üçün hərtərəfli şərait yaradılır, təhsil müəssisələrində innovativ texnologiyalardan, müasir tədris metodlarından istifadə öz müsbət nəticələrini verir. Qəbul imtahanlarında əldə olunan uğurların yüksələn templə artması da məhz təhsil sahəsində görülən işlərin, bu istiqamətdə reallaşdırılan layihələrin bəhrələridir. 2020-2021-ci tədris ilinin qəbul imtahanlarında qazanılan nailiyyətlər muxtar respublikamızın bütün bölgələri kimi, Şərur rayonunun timsalında da ürəkaçandır. Belə ki, rayonun 54 ümumtəhsil məktəbini 472 şagird bitirib, 428 abituriyent ali və orta ixtisas təhsili məktəblərinə sənəd verib, 265 məzun keçid balını üstələyib ki, onlardan da 35-i 500-700 intervalında bal toplayıb. Rayonun Kürçülü, İbadulla, Tənənəm kəndlərinin və Şərur şəhərinin yüksək bal toplayan abituriyentləri ilə həmsöhbət olub, fikirlərini öyrəndik:
Şərur şəhər 1 nömrəli tam orta məktəbin məzunu Günel Əhmədli III ixtisas qrupunda 625 bal toplayaraq rayon üzrə yüksək nəticə göstərən abituriyentlər sırasına adını yazdırıb. Onunla söhbət zamanı dedi ki, məktəbimizdə yaradılan tədris şəraiti, müəllimlərin şagirdlərə, onların bilikli yetişməyinə göstərdiyi diqqət hər il yüksək bal toplayanların sayının çoxalması ilə nəticələnir. Ötən illərdə bu ürəkaçan halları, tələbə adını qazanan uşaqları gördükcə, onların sevincinə şahid olduqca ürəyimdə “Kaş mənə də bir gün belə xoşbəxtlik qismət ola”, – deyərək çox düşünmüşəm. İştirak etdiyim sınaq imtahanlarında yüksək bal topladığım üçün həm müəllimlərimin, həm də valideynlərimin inamını qazanmışdım. Hər kəs qəbul imtahanlarında məndən yüksək nəticə gözləyirdi və şükürlər olsun ki, onları yanıltmadım. Ancaq, sözün düzü, bundan da artıq nəticə göstərəcəyimə inanırdım. Tələbə adını qazananlar yaxşı bilir ki, imtahan vaxtı stress keçirirsən, bildiyin sualları da bəzən səhv yazırsan. Tarixə nəzər salanda görürük ki, neçə-neçə ölkələri fəth etmiş sərkərdələr, böyük alimlər, müəllimlər imtahandan çəkiniblər. İndi gör biz şagirdlər necə həyəcan keçiririk.

Ardını oxu...

Naxçıvan Muxtar Respublikası Ali Məclisi Sədrinin Araz-Türk Cümhuriyyətinin fəaliyyətinin tədqiq edilməsi haqqında 2019-cu il 24 sentyabr tarixli Sərəncamı əsasında akademik İsmayıl Hacıyevin “Araz-Türk Cümhuriyyəti” adlı kitabı işıq üzü görüb.
AMEA-nın müxbir üzvü, professor Hacıfəxrəddin Səfərlinin elmi redaktorluğu ilə işıq üzü görən yeni nəşrdə yeni sənəd və materiallar dövriyyəyə gətirilməklə Araz-Türk Cümhuriyyətinin tarixi araşdırılır. “Əcəmi” Nəşriyyat-Poliqrafiya Birliyində nəfis tərtibatla nəşr edilən kitab Naxçıvan bölgəsində hərbi-siyasi vəziyyət, Araz-Türk Cümhuriyyətinin yaradılması zərurətinə, yaranma tarixinə, mərkəzinə, rəhbərlərinə, bölgənin erməni daşnaklarının basqınlarından qorunmasına, süqutu, tarixi əhəmiyyətinə, Azərbaycan Xalq Cümhuriyyəti ilə əlaqələrinə diqqət yetirilib, bir sıra tarixi fakt və hadisələrə aydınlıq gətirilib.

Ardını oxu...

“Təhsil millətin gələcəyidir”, – deyən xalqımızın ümummilli lideri Heydər Əliyev   hər zaman təhsil sahəsinə yüksək qayğı ilə yanaşırdı.  Ulu öndər 1969-cu ildən başlayaraq Azərbaycanda təhsil müəssisələrinin yeniləşdirilməsini, onların maddi-texniki bazasının möhkəmləndirilməsini diqqətdə saxlayırdı. İstər ötən əsrin 70-80-ci illərində, istərsə də müstəqillik dövründə ümummilli liderimiz xalqımızın təkcə bu gününü deyil, həm də gələcəyini düşünərək bu sahənin inkişafı istiqamətində mühüm tədbirlər həyata keçirirdi.

Ulu öndərin siyasi xəttini uğurla davam etdirən ölkə başçısı cənab İlham Əliyevin göstərdiyi qayğı sayəsində təhsilin inkişafı dövlət siyasətinin əsas prinsiplərindən birini təşkil edir. Ölkəmizdə təhsilin daha da müasirləşdirilməsi, müəllim kadrların hazırlığı, ümumtəhsil məktəblərində kompüter və informasiya texnologiyalarının geniş tətbiqi məsələləri dövlət başçımızın xüsusi diqqət mərkəzindədir.

Ardını oxu...

Ölkəmizdə, eləcə də muxtar respublikamızda bir çox sahələr kimi, təhsilin inkişafına da böyük diqqət yetirilir, ildən-ilə bu sahəyə dövlət qayğısı daha da artırılır. Böyüklüyünə, kiçikliyinə, yaxınlığına, uzaqlığına fərq qoyulmadan bütün yaşayış məntəqələrində müasir təhsil infrastrukturunun qurulması təkcə paytaxt şəhərimizin deyil, qəbul imtahanlarında iştirak edərək ali məktəblərə qəbul olunanlar arasında ucqar yaşayış məntəqələrindən olan abituriyentlərin də sayını artırıb. 

Ötən tədris ilinin qəbul imtahanlarında qazanılan uğurlar Ordubad rayonunun timsalında da özünü göstərir. Muxtar respublikamızın əksər ümumi təhsil müəssisələrində olduğu kimi, bu rayonun bir çox məktəblərinin məzunları da ali məktəblərə builki qəbul imtahanında müvəffəqiyyətlə iştirak ediblər. Belə ki, qəbul imtahanları zamanı Ordubad rayonunun abituriyentlərindən 213-ü ali təhsil müəssisələrinə sənəd verib, onlardan 20 nəfəri 500, 1 nəfəri isə 600-dən yuxarı bal toplayıb. Rayonun bütün məktəbləri üzrə ən yüksək nəticəni Aza kənd tam orta məktəbinin məzunu Leyla Əsgərli göstərib. Qəbul imtahanlarında III ixtisas qrupu üzrə iştirak edən Leyla 642 bal toplayıb.
O deyir ki, qəbul imtahanlarında uğur qazanmağımda başlıca amil məktəbimizdə yaradılmış müasir şərait, zəngin kitabxana, elektron lövhəli siniflər, fənn kabinələri və ən əsası müəllimlərimizin danılmaz zəhmətidir. Təhsil aldığım məktəb hərtərəfli maddi-texniki baza ilə təchiz olunub. Məsələn, informatika dərsləri əvvəllər qiyabi şəkildə tədris edilirdisə, bu gün artıq əyani olaraq kompüterlər vasitəsilə tədris olunur. Həmçinin dərslərin elektron lövhəli siniflərdə keçilməsi də mövzunun tam şəkildə mənimsənilməsinə şərait yaradır. Bundan başqa, dərsliklər məktəblilərə ödənişsiz verilir, lazımi dərslikləri asanlıqla əldə edə bilirik. Təbii ki, bu da biliklərə yiyələnməyimizdə mühüm rol oynayır.

Ardını oxu...

Artıq ixtisas qrupları üzrə qəbul imtahanları sona çatıb. Bundan sonra bütün qruplar üzrə  növbəti mərhələyə adlayan abituriyentlərin qarşısında düzgün ixtisas seçmək kimi əhəmiyyətli bir məsələ durur. İxtisas seçimini necə düzgün şəkildə həyata keçirmək olar? Mütəxəssislərin fikrinə görə, hər bir abituriyent seçə biləcəyi universitetləri, münasib ixtisasları qabaqcadan dəqiqləşdirməlidir. Bundan başqa, iş dünyasının hansı universitetin məzunlarına daha çox etibar etdiyini də araşdırmaq lazımdır. Çünki bu, gələcəkdə məzun olacaq tələbələrə bilik və təcrübə ilə yanaşı, işəgötürən müəssisə tərəfindən verilən müsbət qiymət kimi də dəyərləndiriləcək. Gənclərin əksəriyyəti ixtisas seçərkən onun prestijli olmasını əsas tuturlar. Onlar istəyirlər ki, ixtisasları sosial tələblərə cavab versin. İş yeri seçimində digər amil olaraq əməkhaqqını əsas götürən gənclər də az deyil. Lakin unutmamaq lazımdır ki, ixtisasa görə yox, vəzifəyə görə əməkhaqqı ödənilir. Aydın olur ki, yüksək maaş üçün ixtisasın düzgün seçilməsi heç də əsas amil deyil. Ödəniş haqqı təkcə bilik və bacarıqlarla deyil, eyni zamanda onun işləmə həvəsindən və işinə qarşı olan məsuliyyətindən də asılıdır. Növbəti amil kimi işin ağırlıq dərəcəsi götürülür. Bu isə ixtisasdan çox iş yerindən asılıdır. Yüksək professionallıq dərəcəsi işin daha da asanlaşdırılması deməkdir.

Ardını oxu...

Dövlət İmtahan Mərkəzi tərəfindən Naxçıvanda müəllimlərin işə qəbulu üçün elan edilmiş müsabiqənin test imtahanları başa çatıb. 858 namizədin sənəd təqdim etdiyi müsabiqəyə 214 vakant vəzifə çıxarılıb. Budəfəki müsabiqəyə indiyə qədər bu istiqamətdə keçirilmiş imtahanlar üzrə ən çox müraciət qeydə alınıb. Daha çox qeydiyyat Şərur (225), Ordubad (161) və Culfa (121) rayonları üzrə olub.

Ardını oxu...

Bu gün muxtar respublikamızın ən ucqar sərhəd yaşayış məntəqələrində, ən kiçik kəndlərdə tikilən müasirtipli məktəb binaları təhsilin inkişafına göstərilən böyük qayğı olmaqla, şagirdlərin elm, bilik dünyasına aparan yollarını aydınladır, qarşıya qoyulmuş məqsədə nail olmaq üçün stimul yaradır, öz intellekti ilə xalqına, cəmiyyətinə daha çox fayda vermək istəyənlərin sayı ilbəil artır. Nəticədə, ali və orta ixtisas məktəblərinə qəbul imtahanlarındakı göstəricilər ildən-ilə yüksəlir. Sərhəd bölgəsi olan Sədərək rayonunda da təhsilə göstərilən dövlət qayğısı nəticəsində hər il ali təhsil müəssisələrinə qəbul olunanların sayı artır. Bu da onunla bağlıdır ki, gələcəyimizin formalaşmasında təhsil ən mühüm amildir. Təhsilli bir cəmiyyətə sahib olmaq üçün ən vacib şərt isə övladlarımızın sahib olduğu təhsil səviyyəsidir. Onu da qeyd edək ki, yüksək bal toplayan abituriyentlər sırasında qızlar çoxluq təşkil edir. Xeyriyyəçi Hacı Zeynalabdin Tağıyev müsəlman şərqində ilk qızlar məktəbini tikdirərək qızların təhsil almasına yaratdığı imkanlarla, əslində, bir neçə nəslin təhsil almasına şərait yaradaraq deyirdi: “Bir kişinin (və ya oğlan uşağının) təhsil alması, sadəcə, bir nəfərin təhsil almasına bərabərdirsə, bir qadının (və ya qız uşağının) təhsil alması bir nəslin təhsil almasına bərabərdir”.

Ardını oxu...

Bu ilki qəbul imtahanlarında  yüksək bal toplayan məzunlarımız haqqında yazılarımız davam edir.

I ixtisas qrupu üzrə 676  bal toplayaraq muxtar respublika ikincisi olan Oğuz Həsənli söhbətimizdə bildirdi: – 2004-cü il aprelin 16-da Culfa rayonunun Bənəniyar kəndində anadan olmuşam. Əvvəlcə rayonun Əbrəqunus kənd məktəbində sonra isə Bənəniyar kənd məktəbində təhsilimi davam etdirmişəm. Muxtar respublika üzrə keçirilən bilik yarışlarında, fənn olimpiadalarında, dəqiq fənlər üzrə (fizika, kimya, riyaziyyat) Bakıda keçirilən beynəlxalq olimpiadada iştirak etmişəm. Naxçıvan şəhərində təşkil edilən  fənn olimpiadasında  riyaziyyat fənni üzrə III yer tutaraq diploma layiq görülmüşəm. XI sinfi Qızıl medalla bitirmişəm. Boş vaxtlarımda idmanla məşğul oluram. Şahmat, tennis, voleybol oynayıram. Muxtar respublikada şahmat üzrə keçirilən yarışlarda iştirak edərək diploma layiq görülmüşəm. Bu ilki qəbul imtahanında  yüksək nəticə əldə etmişəm. Buna da özümə inanaraq və əzmlə çalışaraq nail olmuşam. Mənə həm orta məktəbdə, həm də kursda dərs deyən atamın dəstəyi  çox olmuşdur.

Oğuzun atası Malik Həsənovla həmsöhbət oluruq. Müsahibim bildirir ki, Naxçıvan şəhərində “İstedad-XXI əsr” hazırlıq kurslarında Riyaziyyat fənni üzrə dərs keçir. Kursda muxtar respublika birincisi olan İlhamə Novruzovaya da iki il dərs demişəm.  Oğlum Oğuzun isə orta məktəbdə, kursda, eləcə də evdə  müəllimi olmuşam.  Bu gün onun həm valideyni, həm də müəllimi  kimi çox sevincliyəm. O, qəbul imtahanında yüksək bal toplayaraq muxtar respublika ikincisi olub. Həmişə dərslərinə məsuliyyətlə yanaşıb, çalışıb və elm öyrənməyə çox həvəsli olub.  Riyaziyyatdan çətin tipli misalların həllində maraqlı idi. Qəbul imtahanında da yüksək bal toplayacağına inanırdıq. Oğuzun uğur qazanmasında ona dərs deyən müəllimlərinin, həmçinin oxuduğu məktəbdə keyfiyyətli təhsil üçün yaradılan müasir şəraitin rolu danılmazdır. Mən bu yolda əziyyət çəkən hamıya təşəkkürümü bildirirəm, oğluma isə  ali təhsil yolunda uğurlar arzulayıram.

Oğuz Bakı Ali Neft Məktəbində  proseslərin avtomatlaşdırılması (tədris ingilis dilində) təhsilini davam etdirmək istəyir. Deyir ki, gələcəkdə magistratura təhsili də alacaq, xalqına və dövlətinə ləyaqətlə xidmət edəcək. 

Culfa rayonunun  Əlincə kənd tam orta məktəbinin məzunu Hayal İsmayıllı isəIII ixtisas qrupu üzrə 655 bal toplayıb.O, uğurlu nəticə əldə etdiyi üçün sevinclidir. Müsahibim söhbət zamanı dedi ki, ən çox sevdiyi fənn tarixdir. Naxçıvan şəhərində təşkil edilən Azərbaycan dili və ədəbiyyat fənni üzrə olimpiadada da Gümüş medal qazanmışam. Mənim uğur qazanmağımda ailəmin və müəllimlərimin  böyük rolu vardır. Üzərimdə əziyyəti olan müəllimlərimə çox sağolun deyirəm. Naxçıvan Dövlət Universitetinin Sosial idarəetmə və hüquq fakültəsində təhsilimi davam etdirmək və gələcəyin peşəkar hüquqşünası olmaq istəyirəm. Naxçıvan mənə həm məkan, həm də ali təhsil almaq üçün yaradılan müasir şərait cəhətdən çox əlverişlidir. Ona görə də yüksək balla Naxçıvanda təhsilimi davam etdirəcəyəm. 

Əlincə kənd tam orta məktəbinin direktoru Etibar Qurbanovla həmsöhbət oluruq. Müsahibim qeyd edir ki, bu ilki qəbul imtahanlarında məktəbin əldə etdiyi nəticəyə görə bütün kollektiv sevinclidir. Bütün bunlar ilk başda muxtar respublikada təhsilə göstərilən davamlı dövlət qayğısının bariz nümunəsidir. Qeyd edim ki, bu ilki məzunumuz Hayal İsmayıllı dərslərinə həmişə hazırlıqlı olan şagirdlərimizdən biri idi. Onun bu məsuliyyəti qəbul imtahanının nəticəsində də özünü aydın göstərdi və məktəbimizin adını uca etdi.  Hayal həm də  fənn olimpiadasında Gümüş medala layiq görülən şagirdlərimizdəndir. İnanırıq ali təhsil mərhələsində də o yaxşı oxuyacaq və gələcəyin peşəkar, müasir dünyagörüşlü gənci kimi formalaşıb, muxtar respublikamızın, eləcə də ölkəmizin adını uca tutacaq. Ona bu yolda müvəffəqiyyət arzu edirəm. 

Güntac ŞAHMƏMMDƏLİ

 

 

 

Bunu yüksək bal toplayan məzunlarımız sübut etdi

Muxtar respublikamızda təhsil davamlı inkişaf dövrünü yaşayır. Yeni tikilən, yenidən qurulan məktəb binalarında yaradılan müasir şərait bu sahədə əldə olunan nailiyyətlərin əsasını təşkil etməklə həm də təhsil mühitinin bugünkü inkişaf  səviyyəsindən  xəbər verir. Yaradılan şəraitin, gəncliyin inkişafına göstərilən qayğının  nəticəsidir ki, ümumtəhsil məktəblərini bitirən məzunlar ali və orta ixtisas təhsil müəssisələrinə qəbul imtahanlarında yüksək nəticələr göstərir, gələcəyin yeni fikirli, müasir düşüncəli, peşəkar gəncləri kimi yetişirlər.

Ardını oxu...

Dünən Dövlət İmtahan Mərkəzi tərəfindən ümumi (9 illik) orta təhsil səviyyəsi üzrə əvvəlki illərin məzunları üçün orta ixtisas təhsili müəssisələrinə qəbul imtahanı, müsabiqədə buraxılış imtahanında verdiyi xarici dildən fərqli dil üzrə iştirak etmək istəyənlər üçün əlavə xarici dil imtahanı, qəbul imtahanını buraxılış imtahanında verdiyi dildən fərqli dil üzrə vermək istəyənlər üçün əlavə imtahan, iyun ayında keçirilən buraxılış imtahanlarında üzrlü səbəbdən iştirak edə bilməyən şagirdlər üçün buraxılış imtahanı, eksternat qaydasında imtahan verənlər üçün buraxılış imtahanları keçirilib.

Ardını oxu...

Naxçıvan Muxtar Respublikası Təhsil Nazirliyinin təlimçiləri tərəfindən tələbələr üçün təşkil edilən “Yay məktəbi”ndə növbəti STEAM dərsləri keçilib.

Naxçıvan Muxtar Respublikası Gənclər və İdman Nazirliyi, Gənclər Fondu, Həmkarlar İttifaqları Şurası və Yeni Azərbaycan Partiyasının Naxçıvan Muxtar Respublika Təşkilatının İcra Katibliyinin təşkilatçılığı ilə keçirilən “Yay məktəbi”ndə iştirak edən 60 tələbəyə STEAM üzrə təlimçilər tərəfindən 3D modelləşdirmə, 3D çap, müxtəlif növ printerlərdə çap qaydaları, mühəndislik dizayn həlləri və digər bu kimi mövzularda praktik biliklər verilib.
Təhsil Nazirliyinin STEAM üzrə təlimçi-müəllimi Fuad Babayev ilk olaraq “Tinkercad” proqramının ön pəncərəsi haqqında məlumat verib, ilkin həndəsi fiqurlarla modellərin hazırlanması qaydası, hazırlanmış modellərin 3D printerlərə yönləndirilib çap edilməsi tələbələrə izah olunub.
Sonda tələbələr “Tinkercad” pro­qramı vasitəsilə hazırladıqları ilkin modellərini 3D printerlərdə çap ediblər.

Naxçıvan Muxtar Respublikası
Təhsil Nazirliyinin mətbuat xidməti

 

 

 

Naxçıvan Muxtar Respublikası Dövlət İmtahan Mərkəzi tərəfindən iyul ayında müxtəlif istiqamətlər üzrə imtahanların keçirilməsi, dövlət qulluğuna dair qanunvericiliyin tətbiqinə nəzarət davam etdirilib, 1 dövlət orqanı tərəfindən 11 dövlət qulluqçusu barəsində qanuni qərar qəbul olunub.

Ardını oxu...

Naxçıvan Muxtar Respublikası Ali Məclisinin Sədri cənab Vasif Talıbovun “Naxçıvan Dövlət Universitetində Texnologiyalar Parkının yaradılması haqqında” 2020-ci il 14 dekabr tarixli Sərəncamına əsasən universitetdə 2 hektar ərazini əhatə edən, müxtəlif elm sahələri üzrə təcrübə-konstruktor, elmi-tədqiqat və startap layihələrinin mühüm elmi nəticələrinin sənaye və xidmət sahələrində tətbiqini həyata keçirən sosial, mədəni, mühəndis-kommunikasiya təminatı olan obyektlər kompleksindən ibarət Texnologiyalar Parkı (Texnopark) yaradılacaq.

Ardını oxu...

Azərbaycan Milli Elmlər Akademiyasının Naxçıvan Bölməsi ümummilli liderimiz Heydər Əliyevin 2002-ci il 7 avqust tarixli “Azərbaycan Milli Elmlər Akademiyasının Naxçıvan Bölməsinin təsis edilməsi haqqında” Sərəncamına müvafiq olaraq yaradılıb. Bölmənin yaradılmasının zəruriliyindən bəhs edən ümummilli lider demişdir: “Mən bununla Naxçıvan Muxtar Respublikasının indiyə qədər çox az öyrənilmiş qədim tarixinin, mədəniyyətinin, elminin, ədəbiyyatının yenidən dərindən araşdırılması və onlar haqqında elmi əsərlərin, populyar kitabların, yaxud başqa nəşrlərin hazırlanması məqsədi daşıyıram. Eyni zamanda Naxçıvanın özünəməxsus təbiəti, təbii sərvətləri, torpağı, təbii abidələri də, təəssüf olsun ki, indiyə qədər lazımi dərəcədə öyrənilməyib, bəlkə də, düz olardı deyim ki, heç öyrənilməyibdir. Bunlara, mənim irəli sürdüyüm məsələlərin öyrənilməsinə böyük ehtiyac var”.

Ardını oxu...

Naxçıvan Muxtar Respublikası Maliyyə Nazirliyi yanında Maliyyə Tədris Mərkəzi tərəfindən növbəti “Gələcək üçün maliyyə” adlı təlim keçirilib. 50-dən çox tələbənin cəlb olunduğu təlimdə Naxçıvan Tibb, Musiqi və Dövlət Texniki kolleclərinin tələbələr iştirak edib. Ağbulaq İstirahət Mərkəzinin iclas zalında keçirilən təlimin məqsədi tələbələr arasında maliyyə savadlılığını təşviq etmək, pul, gəlir, qənaət, xərc, investisiya, büdcə kimi konseptlər haqqında biliklərə yiyələnməkdir. Əvvəlcə Maliyyə Tədris Mərkəzinin əməkdaşı layihə barədə ətraflı məlumat verib.

Ardını oxu...

Yaşadığımız bu digital dünyada gündən-günə bizə yeni texnologiyalar təqdim olunur, faydalı fikirlər ortaya çıxır. Gündəlik həyatımızı daha da asanlaşdırıb sürətləndirmək üçün bir-birindən fərqli innovativ layihələrə zərurət yaranır. Yaxın keçmişə nəzər salsaq, hər birimiz dünyamızın son on ildə texnologiya və sənaye sahələrində artıq tarixə dönmüş əvəzolunmaz inkişafını asanlıqla görə bilərik. Qəbul etməliyik ki, bu inkişafa nail olmaq daha da irəliyə gedə bilmək üçün mühəndis, proqramçı dizaynerlərin sayının artırılması olduqca vacibdir. Bu səbəbdən də dünya təhsilində araşdırmalar göstərir ki, gələcəkdə innovativ inkişaf üçün ehtiyac duyacağımız bu ixtisas sahələrinə olan tələbatı qarşılamaq üçün yeni təhsil metodlarından istifadə vacib amillərdəndir. Bu, Elm, Texnologiya, Mühəndislik, İncəsənət və Riyaziyyatın birgə inte­qrasiya olunmuş tətbiqi yeni təhsil metodu olan STEAM-ı ortaya çıxarıb.

Ardını oxu...

Avqustun 4-də Dövlət İmtahan Mərkəzi tərəfindən rezidenturaya qəbul imtahanının birinci mərhələsinin (baza fənləri üzrə biliklərin qiymətləndirilməsi) ikinci cəhdi və hərbi liseylərə qəbul imtahanı keçirilib.

Ardını oxu...

Muxtar respublikamızın uğurlu inkişaf siyasəti bütün sahələrdə nailiyyətlər əldə etməsinə zəmin yaradır. Bu tərəqqinin geniş vüsət almasında gənclərin də rolu böyükdür. Həyata keçirilən bu siyasət gənclərin təhsil səviyyəsinin yüksəldilməsi, dünyagörüşlərinin, fiziki və mənəvi sağlamlıqlarının möhkəmləndirilməsi, bir sözlə, hərtərəfli inkişafı üzərində qurulub. Naxçıvan Muxtar Respublikası Ali Məclisi Sədrinin “Naxçıvan Muxtar Respublikasında gənc istedadlara dövlət qayğısının artırılması haqqında” 2012-ci il 31 yanvar tarixli Fərmanına əsasən Naxçıvan Muxtar Respublikası Gənc İstedadlarının “Qızıl kitabı”nın təsis edilməsi gənclərə göstərilən diqqət və qayğının məntiqi davamıdır. Müxtəlif sahələrdə fərqlənən istedadlı gənclərin qabiliyyətlərinin qiymətləndirilməsi, onların fəxri adlarla, qiymətli hədiyyələrlə mükafatlandırılması muxtar respublika gənclərinin öz üzərlərində daha səylə çalışmalarına güclü təkan verir. Belə gənclərimizdən biri də Naxçıvan Muxtar Respublikası Ali Məclisi Sədrinin 2021-ci il 12 iyul tarixli Sərəncamına əsasən adı Naxçıvan Muxtar Respublikası Gənc İstedadlarının “Qızıl kitabı”na təhsil sahəsi üzrə salınan Şərur Şəhər Fizika-Riyaziyyat Təmayüllü Liseyin X sinif şagirdi Nicat Əlizadədir. Bu xəbər onun müəllim və valideynlərinin böyük sevincinə səbəb olub.

Ardını oxu...

Naxçıvan Dövlət Universitetində beynəlxalq əlaqələrin genişləndirilməsi, dünyanın bir sıra nüfuzlu ali təhsil müəssisələri ilə səmərəli əməkdaşlığın təşkili, qlobal elm və təhsil məkanına inteqrasiya sahəsində aparılan məqsədyönlü işlər öz müsbət bəhrələrini verməkdədir. Universitetin beynəlxalq əlaqələrinin yüksələn xətlə inkişafını ilbəil artan xarici tələbə sayının dinamikasından açıq-aydın görmək olur. Belə ki, xarici tələbələrin sayına görə Azərbaycan ali təhsil müəssisələri sırasında öncüllüyünü qoruyan universitetdə 10 ölkədən 1000-ə yaxın əcnəbi tələbə təhsil alır. Muxtar respublikada həyata keçirilən məqsədyönlü və ardıcıl dövlət siyasəti, aparılan uğurlu təhsil strategiyası da məhz əcnəbi tələbələrin artım dinamikasına müsbət mənada öz təsirini göstərir. 

Ardını oxu...

Naxçıvan Muxtar Respublikası Təhsil Nazirliyi və Gənclər Fondunun təşkilatçılığı ilə hər il iyul-avqust ayları tələbə və şagirdlərin asudə vaxtlarının səmərəli təşkili məqsədilə “STEAM yay məktəbi”nin keçirilməsi nəzərdə tutulmuşdur. İlk olaraq Təhsil Nazir­liyi tərəfindən ümumtəhsil məktəblərinin 60 şagirdi üçün 6-9 və 13-16 iyul 2021-ci il tarixlərdə “STEAM yay məktəbi” təşkil edilmişdir. Bu istiqamətdə görülən işlərin davamı olaraq avqust ayının 3-dən tələbələr üçün təşkil edilən “Yay məktəbi”nin də proqramına STEAM təhsili üzrə mövzular daxil edilib.

Ardını oxu...

Naxçıvan Dövlət Universitetinin “Enactus” komandası “Cahan” Holdinq Kommersiya Şirkətlər İttifaqının elektronika məhsulları satılan mağazasında olub və burada komanda üzvlərinə 5 blender hədiyyə edilib. Məqsəd bu blenderlər vasitəsilə tullantı məhsulu hesab olunan yumurta qabıqlarını yenidən istehsala cəlb edərək ondan gübrə hazırlanmasıdır.
Qeyd edək ki, komanda iştirakçıları arasında sağlamlıq imkanları məhdud tələbələr hazırladıqları məhsulu qablaşdıraraq “Cahan” Alış-Veriş Mərkəzi Məhdud Məsuliyyətli Cəmiyyətinin “Yaşıl bağ” bölməsində satışa təqdim edirlər. Məqsəd bu qəbildən olan tələbələrə istehsal vərdişləri aşılamaq, onların məşğulluğunu, eləcə də aktiv cəmiyyətə inteqrasiyasını təmin etməkdir.

“Cahan” Holdinq Kommersiya Şirkətlər
İttifaqının mətbuat xidməti

Naxçıvan Muxtar Respublikası Dövlət İmtahan Mərkəzi tərəfindən müəllimlərin dövlət ümumi təhsil müəssisələrinə işə qəbulu üçün elan edilmiş müsabiqənin test imtahanlarına start verilib.

Ardını oxu...

Dünən Naxçıvan Dövlət Texniki Kollecində 2020-2021-ci tədris ilində məktəbi xüsusi nailiyyətlə başa vuran məzunlarla görüş keçirilib.
Tədbirdə çıxış edən Naxçıvan Muxtar Respublikasının təhsil naziri Rəhman Məmmədov bildirib ki, muxtar respublikamızda aparılan məqsədyönlü təhsil siyasəti çərçivəsində istedadlı şagirdlər dövlət qayğısı ilə əhatə olunmuş, Naxçıvan Muxtar Respublikası Ali Məclisi Sədrinin müvafiq Sərəncamı ilə təhsil və şahmat sahəsində fərqlənən 2 şagirdin adı Naxçıvan Muxtar Respublikasının Gənc İstedadlarının “Qızıl kitabı”na yazılmış, onlar Naxçıvan Muxtar Respublikası Ali Məclisi Sədrinin xüsusi aylıq təqaüdünə layiq görülmüşlər.

 

 

 

Ardını oxu...

AMEA Naxçıvan Bölməsi Tarix, Etnoqrafiya və Arxeologiya İnstitutunun direktoru, AMEA-nın müxbir üzvü Fəxrəddin Səfərlinin səmərəli elmi və ictimai fəaliyyəti yeni nəsil tədqiqatçılar, vətənpərvər gənclər üçün əsl nümunədir. Onun apardığı uzunmüddətli tədqiqatlar müxtəlif kitab və monoqrafiyalarda, elmi və publisistik məqalələrdə əksini tapmışdır. 30-a yaxın kitab və monoqrafiya müəllifi olan alimin cari ildə daha 4 əsəri nəşr olunub. Bu əsərlər milli tarix elmini zənginləşdirməklə yanaşı, Naxçıvanşünaslığa yeni töhfədir.

Ardını oxu...

Naxçıvan Dövlət Universitetinin rektoru Elbrus İsayev və bir qrup əməkdaşı Türkiyənin Hacı Bayram Vəli və Qazi Universitetlərində rəsmi səfərdə olublar. Türkiyənin Hacı Bayram Vəli Universitetinin rektoru, professor Yusuf Tekin qonaqları salamlayaraq bütün sahələrdə olduğu kimi təhsil sahəsində də qazanılan beynəlxalq əməkdaşlıqdan danışıb.

Naxçıvan Dövlət Universitetinin rektoru Elbrus İsayev rəhbərlik etdiyi ali təhsil ocağında müxtəlif profilli ixtisaslar üzrə aparılan kadr hazırlığı haqda məlumat verib. Bildirilib ki, xüsusi ilə humanitar və ictimai elmlər sahəsində uzunmüddətli təcrübəsi olan NDU-da bu istiqamətdə  birgə elmi-tədqiqat və elmi nəşrlər sahəsində ortaq fəaliyyət göstərmək üçün əlverişli  mühit mövcuddur.

Görüş çərçivəsində iki universitet arasında yaxın gələcəkdə “Uzaktan Eğitim Merkezi” ilə birgə fəaliyyət, konservatoriya ixtisasları üzrə ikili diplom proqramının həyata keçirilməsi,  Hacı Bayram Vəli Universitetinin Turizm Fakültəsinin təcrübəsi ilə NDU turizm işinin təşkili ixtsasları arasında ikili diplom proqramının təşkili, rəqəmsal təhsildə keyfiyyətin təmini üçün elektron-öyrənmə sisteminin gücləndirilməsi,  doktorantura təhsil pilləsində keyfiyyətin və xarici təcrübələrdən faydalanması məqsədi ilə “iki elmi rəhbərli” ixtisaslara qəbul planı aparılması nəzərdə tutulub. 

Ardını oxu...

Dünən respublika fənn olimpiadasının qaliblərinə medal və diplomlar təqdim olunub.
Tədbirdə çıxış edən təhsil nazir­i Rəhman Məmmədov muxtar respublikada təhsilə göstərilən dövlət qayğısından danışaraq qeyd edib ki, bu qayğıdan və yaradılan şəraitdən bəhrələnərək ötən tədris ili ərzində də xüsusi istedadlı şagirdlərin aşkar olunması məqsədilə müxtəlif bilik yarışları, müsabiqələr, muxtar respublika və respublika səviyyəli olimpiadalar keçirilib. Həmin tədbirlər istedadlı uşaqların aşkar olunmasına, şagirdlərin müxtəlif fənlərə olan marağının artırılmasına öz töhfəsini verib, keçirilən fənn olimpiadaları maraqlı yanaşmalar, fərqli nəticələr və yüksək fəallıqla yadda qalıb.

Ardını oxu...

“Təhsil millətin gələcəyidir” deyən xalqımızın ümummilli lideri Heydər Əliyev   hər zaman təhsil sahəsinə yüksək qayğı ilə yanaşırdı.  Ulu öndər 1969-cu ildən başlayaraq Azərbaycanda təhsil müəssisələrinin yeniləşdirilməsini, onların maddi-texniki bazasının möhkəmləndirilməsini diqqətdə saxlayırdı. İstər ötən əsrin 70-80-ci illərində, istərsə də müstəqillik dövründə ümummilli liderimiz xalqımızın təkcə bu gününü deyil, həm də gələcəyini düşünərək bu sahənin inkişafı istiqamətində mühüm tədbirlər həyata keçirirdi.

          Ulu öndərin siyasi xəttini uğurla davam etdirən ölkə başçısı cənab İlham Əliyevin göstərdiyi qayğı sayəsində təhsilin inkişafı dövlət siyasətinin əsas  prinsiplərindən birini təşkil edir. Ölkəmizdə təhsilin daha da müasirləşdirilməsi, müəllim kadrların hazırlığı, ümumtəhsil məktəblərində kompüter və informasiya texnologiyalarının geniş tətbiqi məsələləri dövlət başçımızın xüsusi diqqət mərkəzindədir.

      Qürur hissi ilə deyə bilərik ki, muxtar respublikada da təhsilin inkişafı ən yüksək səviyyədədir. Muxtar respublikamızın ən ucqar dağ kəndlərində belə məktəb binaları yenidən qurularaq, maddi-texniki bazası möhkəmləndirilir. Gələcəyimiz olan uşaqlar gözoxşayan, hər cür şəraitli məktəb binasında təhsil almaq  hüququ əldə ediblər. Belə ki, muxtar diyarımızda bu günədək 200-dən çox təhsil müəssisələri yenidən qurularaq istifadəyə verilib, müasir avadanlıqlarla təmin edilib. Həmin təhsil ocaqlarında müasir fənn lobaratoriyaları, işıqlı sinif otaqları, zəngin fonda     malik kitabxanalar şagirdlərin elmin sirlərinə  daha dərindən yiyələnmələrinə, eləcə də tədrisin daha da yüksək səviyyədə qurulmasına zəmin yaratmışdır. Təhsilin inkişafına göstərilən qayğı, yaradılan şərait təhsildə təlim metodlarının tətbiqinə geniş imkanlar açıb. Məhz buna görə də Naxçıvan Muxtar Respublikası Ali Məclisinin Sədri 2021-ci il 7 iyun tarixdə “Naxçıvan Muxtar Respublikasında STEAM təhsil metodunun tətbiqi ilə bağlı tədbirlər haqqında” Sərəncam imzalamışdır. Bu tədris metodunun məqsədi şagirdlərin bacarıqlarını düzgünistiqamət yönəltmək və fənlərarasındakı fərqi aradan qaldırmaq və bu təhsil yanaşması ilə araşdırma, istehsal və ixtiraçı nəsil yetişdirməkdən ibarətdir. STEAM təhsil metodu şagirdlərə beş sahənin – elm, texnologiya, mühəndislik, incəsənət və riyaziyyatın birgə və inteqrasiya olunmuş şəkildə tədrisi ideyası üzərində qurulub. Elmin və texnologiyaların öyrədilməsində ənənəvi yanaşmadan fərqli olaraq, STEAM təhsili praktik məşğələlər vasitəsilə elmi, texniki biliklərin gündəlik həyatda tətbiqini şagirdlərə göstərir.  Məktəblərdə həyata keçirilən STEAM təhsilinin ən vacib fərqi, təhsil ilə yanaşı, sənəti və dizaynı təhsil modelinin ayrılmaz hissəsi halına gətirməsi olur. Bu təhsil yanaşması Almaniya, Belçika, İngiltərə, İsrail və Holandiyada tətbiq edilir. Qeyd edək ki, ABŞ-da bu proqram uşaq bağçalarında 3 yaşından etibarən mənimsədilir. Bundan əlavə bir sıra ölkələrdə (ABŞ, Sinqapur, İsrail, Türkiyə və sair) xüsusi STEAM məktəbləri və mərkəzləri fəaliyyət göstərir. Adıçəkilən təhsil şagirdlərdə tənqidi yanaşma, yaradıcı düşünmə, yaradıcı formada yeni layihələrəsasında biliyin möhkəmləndirilməsi ilə yanaşı, əldə olunan biliklərin müqayisəli şəkildə anlaşılması kimi bacarıqlar formalaşdırılır.

Ardını oxu...

 İstanbul Texnik Universitetinin rektoru, professor  İsmayıl Koyuncuqonaqları salamlayaraq rəhbərlik etdiyi universitet haqda danışıb, təqdimatlar vasitəsilə müvafiq sahələr üzrə məlumat verib. Araşdırma universiteti İstanbul Texnik Universiteti ilə Naxçıvan Dövlət Universiteti arasında elmi tədqiqat sahəsində birgə elmi araşdırmaların aparılması, məqalə və elektron dərgilərin yeni tədqiqat üsulları ilə birgə nəşrinin hər iki universitet üçün əhəmiyyəti qeyd edilib. Konservatoriyada təhsil alan tələbələr üçün  mobillik proqramları və ikili diplom layihələrinin birgə əməkdaşlıqda səmərəli olacağı vurğulanıb. Həmçinin qeyd edilib ki, “Elektrik və elektronika mühəndisliyi” ixtisası üzrə birgə tədrisin təşkili və ikili diplom proqramının eyni zamanda  doktorantura və magistratura təhsil pilləsi üzrə texniki və mühəndislik sahələri üzrə ikili diplom proqramının həyata keçirilməsi gələcək üçün planlaşdırılır.

Ardını oxu...

Naxçıvan Dövlət Universitetinin rektoru və universitet əməkdaşları Türkiyəyə səfəri çərçivəsindəİstanbul şəhərində yerləşən Yıldız Texnik Universitetində olublar. İki tərəfli görüşdə Yıldız Texnik Universitetinin rektoru, professorTamer Yılmaz qonaqları salamlayaraq onları burda qarşılamaqdan məmnunluğunu ifadə edib.  Bildirilib ki, 1911-ci ildən fəaliyyət göstərən universitet beynəlxalq səviyyədə təhsil, təlim və tədqiqat sahəsində mükəmməllik əldə edərək cəmiyyətin ehtiyaclarına və milli rəqabət qabiliyyətlərinə töhfə verən fərdləri yetişdirmək və yenilikçi fikir və təcrübələri tətbiq etmək missiyası ilə fəaliyyət göstərir.Qeyd edilib ki, universitet texnologiya sahəsində Türkiyədə fəaliyyət göstərən qabaqcıl universitetlərdən biridir. Rektor bildirib ki, universitet proqram, informasiya və kommunikasiya texnologiyaları, telekommunikasiya, elektronika, əczaçılıq, maşın və avadanlıqların istehsalı, kimya, aviasiya, enerji, müdafiə sənayesi, inşaat, qida kimi bir çox sektorda elmi araşdırma tədqiqatları aparan 330 elmi araşdırma şirkəti, 111 inkubator və 8000 şirkət 1500-dən çox ixtisaslı araşdırmaçı və proqramçı ilə fəaliyyət göstərir.Tamer Yılmaz araşdırma universiteti statusu alan Yıldız Texnik Universiteti ilə Naxçıvan Dövlət Universitet arasında elmi tədqiqat sahəsində birgə elmi araşdırmaların, yeni məqalə və elektron dərgilərin birgə nəşrinin  hər iki universitet üçün əhəmiyyətini qeyd edib.

Ardını oxu...

Dövlət İmtahan Mərkəzi (DİM) tərəfindən iyulun 27-28-də I ixtisas qrupu, həmçinin iyulun 28-də IV ixtisas qrupu üzrə ali təhsil müəssisələrinə qəbul imtahanları keçiriləcək. İyulun 27-də keçiriləcək imtahanda 19 min 184, iyulun 28-də I və IV ixtisas qrupları üzrə keçiriləcək imtahanlarda isə 14 min 426 nəfər olmaqla, ümumilikdə 33 min 610 abituriyentin iştirakı nəzərdə tutulur.

DİM-dən AZƏRTAC-a bildirilib ki, iyulun 27-də imtahanlar 11 şəhər və rayonda - Bakı, Gəncə, Qazax, Ağstafa, Şəki, Bərdə, Göyçay, Şirvan, Salyan, Lənkəran və Xaçmazda təşkil olunacaq. İyulun 28-də isə yuxarıda qeyd olunan rayon və şəhərlərlə yanaşı (Qazax istisna), Naxçıvan, Şəmkir, Sumqayıt, Abşeron, Mingəçevir, Zaqatala, Ağcabədi, Kürdəmir, Sabirabad, Cəlilabad, Masallı, Quba olmaqla, ümumilikdə 22 şəhər və rayonda imtahan keçiriləcək.

DİM abituriyentlərin nəzərinə çatdırır ki, imtahanlar saat 10:00-da başlanacaq. Saat 09:45-də buraxılış rejimi başa çatır və bundan sonra gələn iştirakçılar imtahan binasına buraxılmır.

Kütləviliyin və təmas hallarının qarşısının alınması məqsədilə imtahan binasına müxtəlif daxilolma vaxtları müəyyən edilib və buraxılış vərəqəsində həmin vaxt göstərilib. Ona görə də imtahan binasına buraxılış vərəqəsində qeyd olunan vaxtda gəlmək lazımdır.

Abituriyentlər imtahana aşağıdakı sənədləri gətirməlidirlər:

- İmtahana buraxılış vərəqəsi;

Ardını oxu...

ARXİV

Sentyabr 2021
Be Ça Ç Ca C Ş B
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 1 2 3

MÜƏLLİFLƏR

KEÇİDLƏR